،.

لك البال يضحك كلّ ما مرّته ذكراك
وانا لا ذكرتك قلت ليت العمر ثاني

شعوري على لهفة شعورك شعور ارباك
هو اللّي يضحّكني على كلّ شي بكّاني

ماني خايفٍ إن الوقت ياخذك لهناك
أنا خايف إن الوقت فيك يتحدّاني !

أحبّك واعرف انّي أحبّك بدون ادراك
أنا قلبك الأول وانا قلبك الثّاني ..!!

مالله كتب لي فيك حظ ولا نصيب
‏الواقع أصدق .. من يا ليت ، وربما

‏حتى لو إن إحساس قلبي ما يخيب
‏سفك الشعور أشد من سفك الدما

‏والغيمة اللي تاخذ شوي .. وتغيب
‏ما تغري الا .. الميّتين ، من الظما

أحيان .. حتى اللي تحس إنه قريب
‏يمكن يكون أبعد عليك من السما