هذا أنا.. وإنت في صدري مداين نخيل
صلى لك الشوق من كان الوله مأذنة

تعال لو طيف، وأقطف من غصوني دليل..
إن اللقاء تاه في دوامة الأزمنة

تعال لو قطرة تغزي خفوقي وأسيل
لو يضمن الليل ترجع لي، أنا مـ أضمنه

تمر في البال وورود المشاعر تميل
ياللي معي وين ماهب الشعر سوسنة

ركايب الدمع.. من هو قال عيني سبيل؟
دفنت صوت الرجاء في برزخ المسكنة

حلم له سنين.. لا ممكن ولا مستحيل
الله يلعن طواري ليله ويلعنه"
– عبدالله الرُشاش