مايغيرني زمان ولا مكان
والله ان قلبي مثل ماهو وفي

وانت قلبك صايرٍ تالي الزمان
بيت شعبي حولوه الي كوفي

وش يبكيك؟
اتعبتنا الحياة ودوختنا الظروف
واه يانفسي اللي وصلت حدها
كانت تعالج العالم وكانت تروف
قلت يانفسي هدي والحزن هدها
معنويات منهاره وضيفه وخوف
يوم بانت مواقف وانكشف سدها
أثرت فيني لين أصبحت ماني شغوف
بس جالس مع الصدمات واعدها.. ��

لاتحرج الطيب وهو مامعه شي
انشد عنه قبل تسبب له احراج
يمكن مهو لاقي ولو رشفة المي
وعينك تشوف انه على بير هداج
لو تطلبه كنك تقول له عي
وتعرض علومه على كل هراج
وهو شيمته بالطيب تلوي يده لي
عن قولةانه رد له شخص محتاج
الناس مافيها مثل حاتم الطي
اللي عطا بالجود درس ومنهاج

أخطيت والعاقل يعدّل خطاياه
مْن الخطأ ما فيه نفس مْعَصومة
أكبر خطأ طاوعت قلبي و سوّاه
يوم إنّي أعمّر بيوت مهدومة
يخدعني الصاحب بضحكة ثناياه
و أزوّد همومي و أخفـّف همومه

لين الزّمن ردّه و حدّه على اقصاه
عيّت سلومي لا توافق سلومه

حرصي على اللي تبهج الصّدر لاماه
مالي ومال اللّي تردّت عزومه

قرّرت توديعه بغمــْره وحـنــّاه
أنا بـْدوي ما فيّ ذرّة نعومة

بعت الرّخيص بْلاش والحمد لله
حصّلت لي في السوق خبلٍ يسومه

خبلٍ شرى له خبل مثله وشرواه
الله يلوم اللّايم اللّي يلومه

علقة وأكلناها و درس وفهمناه
ما فات مات ولا نجدّد رسومه

الوقت ما يرحم ليا حدّ شلفاه
يصحّي الغافل من اعزّ نومه

والصّاحب الغالي عسى اللاّش يفداه
طاريّ طاريه و لزومي لزومه

ذِكري يماري به و يطلق محيّاه
يا جعل يومي ينكتب قبل يومه

والاّ الضّعيف اللي صفاته محنّاه
ذِكري يسبّب له على الكبد لومة

قسمه ومقسومه و حقّه و ما جاه
من دون لا ندخل معه في خصومة

اللي ليا منـّه هَرَج حكّ علباه
غـَدِّه ولا تأخذ جدايد علومه

لو إنّ ما فالأرض غير أنت و ايّاه
إرْمه وكفّن صحبته في هدومه
والاّ أتركه و تجيه ناسٍ تلقـّاه
من نفس قومه والاّ من غير قومه
اليوم حتى الذّيب يرعى مع الشّاه
ما أقول غير الله يعزّ الحكومة