سلهمي بعيونك الثنتين دايم
واحرقي قلبي بنظرات المحبه
واتركيني طول عمري فيك هايم
مثل نظرات البعيد اللي مشبّه
لو هلك يدرون ؟ ما حطوا تمايم
دامها فالشرع سٌنه مستحبّه
انتي المفروض يحذف لك عمايم
من شغاميم العيال الملتهبّه ..
كل منهم يضرب طوال الخرايم
يوم صكات السنين المشلهبّه ..
ولا يعوّد غير بكبار الغنايم
كلها لعيون مزيونٍ يحبّه ..
يا حبيبي ما لـ قلبي فيك لايم
عاشقً طب الهوى وازرى يكبّه
من يحب جفين عينك وانت نايم ؟
محسن اعماله وراضٍ عنه ربه .
ليتني لو من نسمْك ، آخذ نسايم
وليتني من شفّتيك آذوق حبّه ..
عن هوا غيرك ترا هداج صايم
هاك قلبي حطه بـ قلبك وخبّه
مرتكب فالشعر لعيونك جرايم
كل بيت اقص لك راسه واذبّه
ما يسوّي ذالسوايا غير هاايم
واحدٍ ضحّى بها ، للي يحبّه ..