" على جمر النوايا والجفا جفت غصـون البـال
......... وطارت من عيون الليل عصفـورة بساتينـه

سقيت الحزن من دلو اغترابي والسنين حبـال
.......... وعتمة دربـي المجهـول تستنبـت شياطينـه

تناثر عمري الفاني مثل حفنة رمـاد اطـلال
.......... تلاعبها على كف الزمـن فوضـى خماسينـه

منين ابدا نهايات الرحيـل الموجـع القتـال
........... منين القى لهذا العمر غيمـة تحتظـن طينـه

وانا المسجون في هداية رحيلي والوجود الضال
........... وروح تسكن يدين الضيـاع وغربـة سنينـه "

"من العـام الأول وطاريهـا يكدرنـي
تكفى طلبتك تقفلـي علـى السيـره



لا تلمس الجرح دامه حيـل يوجعنـي
خله عسى في فراقه راحـه وخيـره


تدري وأنا أدري وش اللي فيه ذابحني
إني بديرة وهو ياخـوك فـي ديـره "

"أنا أكثر إنسان يبدع لا استفزيته
وإبداعك أصلاً يحرضني على إبداعي

وصدقني انت اغلى واعذب شخص جاريته
معاك فلّيت لرياح الغلا شراعي

ياجتْك الابيات يا اغلى غالي اغليته
حلل شعوري وحدد مصدر أوجاعي

الشعر ناهيك عن وزنه وقافيته
لولا المشاعر انا ماشوف له داعي"