كل ماقررت انا وقلبي ..........نتوب
يرجع خفوقي ويعشقك من.... ثاني

واحس ان البعد عالقلب .....مكتوب
وافرح لو مر طيفك بحُلمي... ثواني

وانتشي لو هبت من يمك..... .هبوب
واطمن قلبي واقله ......... ما نساني

ولو كان الهوى ينعد من ..... الذنوب
انا بهواكم على روحي ....... الجاني

قالو الغلا سعادة ودوا...... .. القلوب
من اغليتك وانا بجرحي ...... اعاني

حبك ترك له بالمحاني ......... ندوب
لا ما ترفق بي وتهت .......... بمكاني

وبنيت الحلم طوب على........ طوب
وهدمتي حلمي يا زلة ...........لساني

واليوم تسحرني تباريح....... الجنوب
لو كنت من فرقاك وحدي .......اعاني

اللي بقى منك خصلة ...........و ثوب
اشمهم و أتخيل انك ............. وزاني

عن ذكرياتك انا مقدر ..............اتوب
كل ما انتهيتك تبدا ...............تبداني

ياصاحبي انا بساحة الهوى..... مغلوب
كم ليلة جمر صدودك .............كواني

العين دمّاعه والقلب .............مكروب
تنام الخلق وانا نومي .............جفاني

انطرك من وقت تبدّا .فيه....... الغروب
تلوح خيوط الفجر وانا ..........سهراني

على انين الناي* يا لغة .............القلوب
كم عزفتك شوق وانغام.......... واغاني

انادي باسمك وانا بشوقي......... اذوب
والقلب يصرخ بين ظلوعي....... كفاني

ودي اعترفلك يا صاحبي .... المهيوب
عن شي ن سكن روحي ...... .وكياني

دام انّا وصلنا لآخر* .......... المكتوب
وما بقى غير نحطله ......... العنواني

ودام وجودي في خافقك .... مرغوب
ومازال لي بين الحنايا ......... مكاني

وكل ما هبت من صوبك........ هبوب
احسك تسري بدمي .......... وشرياني

ياعز من لبس من الكرامه .........ثوب
لا والله منا بايع خل ن ......... شراني