ليه ياأمة،، محمد بعد عزك تخضعين
.........................ليه من بين الأمم صرتي فريسه للذئاب

وليه دمك صار يهدر كل وقت وكل حين
........................اصبحت تفرح به الانياب ويسيل اللعاب

ياحسافه كيـف صرنا أمـة(ن) مستضعفين
.......................بعـد ماكنا سيـوف مسلّطه فـوق الرقـاب

ضـاع منا ثالث البيتين واولى القبلتين
....................ضاع يـوم انّا وضعنا روسنا وسط التـراب

في ثرى مهد الرسالات اصبح الاقصى سجين
.....................آآآهـ ياكبر الجراح وآآآهـ ياكبر المصاب

له حوالي نصف قـرنٍ يستغيث المسلمين
.................يستغيث ويستغيث ومـا لقى منهم ،جـواب

صار حلم انّا نصلي فـيه حتى، ركعـتين
..................حلمنا ماظـن يتحقق سـوى يـوم الحساب

اسألوني ليه صرنـا أمـة(ن) متخاذلين
...................أمـة(ن) هـاماتها جثـه تجرجرها الكـلاب

اسألوني والاجـابه بختصرها بكلمتين
....................كلمتين ويشهد اللّه انها عيـن الصواب

ابتعدنا عـن محجة سيـد الخلـق الأميـن
...................وابتعدنا قبلها عـن مُحكم آيـات الكتاب

آآآهـ لو يطلع لنا واحــد من الأمة فطين
.................يحيي الآمال فينا حتى لـو كانت سراب

يفتح ابواب الجهاد ونطلب احدى الحسنيين
...............امّا نصر(ن) او شهادة بعـدها حُسن المآب

مانبي واحـد يحطمنا وحـن متحطمين
......................يرتضي فينا المذله والإهانه والعـذاب

لا يقول المجد مات وفي عداد الميتين
....................ويحلف انه مايعود إلاّ اذا شاب الغراب

دام حنا احفـاد من كانـو مابين الاخشبين
.................قادريـن انّا نخلي مجـدنا فـوق السحـاب

ونثبت انّا خـيـر أمة أُخـرجـت للـعـالـمـين
...............بس ويـن اللي يـوجـهـنا ويـعـطينا الزهاب

/
|
/

لكل من شرفني هُنا وترك أثراً عاطراً

الوجوه الشاحبه
خلفها قلوب ٍ صاخبه ؛
والوجوه الناصعه ؛خلفها قلوب ٍ خاشعه

من يرسم البسمه على ثغر اليتيم
...................لا والله الاّ بشَّره بأعلى الجنان
أخير من يسهر في الليل البهيم
..............يتعب وهو يطرد ورى سحر البيان

مساء الخير يااجمل عروسه في بلاد الروم
.......................................مساءك مسك يادرة مدائن أمة القرأن

عسى الله بس ماطيّرت من عينك لذيذ النوم
..............................ونقضت الجروح وسيرة اهل الذل والخُسران

ليا مني ذكرتك تعتريني ضيقة(ن) وهموم
............................ويرحل بي حنين الشوق يمك يااجمل الاوطان

فديت ترابك اللي داس فوقه طارق الزيزوم
..........................فديت اسوارك اللي صانها الحاجب من العدوان

ديار(ن) فوقها عاش ابن حزم وعقده المنظوم
..................................وبن خلدون والرازي وبن سينا وبن حيّان

عسى من باع عرضك مطعمه من شجرة الزقوم
..............................ومشروبه حميم(ن) في جهنم يصهر الأبدان

ملوك اهل الطوائف ضيّعو مجدك وبئس القوم
.............................تخلو عن شريعتهم من اجل الجاه والسلطان

وصارو يدفعون المال والجزيه وجيه الشوم
...........................وهي تفرض على الكافر من ايام النبي العدنان

وساعتها النصارى دون عرضك يفرقون السوم
........................شرو عرضك ومجدك ياالعروسه وانتهى اللي كان

تخلو عنك وانتي كالرحيق العابق المختوم
...................................وصرتي كنز بعيون النصارى غالي الأثمان

سقوطك كان نكسه بس نكسه من وراها اعلوم
..................................وطعنة في قلوب امة محمد ياالله الغفران

فراقك ياالعروسه مايشابه له فراق اليوم
.............................يكون فراق موسى والخضر في سالف الأزمان

امانه ياعروس الحاجب المنصور كفي اللوم
.....................................تلومينا وحنا اليوم نجهل وازع الإيمان

غدينا ننصر الكافر على المسلم وهو مظلوم
.............................ونرقص فوق جرحه لأجل نرضي أمة الصُلبان

دم المسلم على المسلم حرام ونسفكه بالدوم
.........................................طبيعي نسفكه ونقدمه للمعتدي قُربان

وبكره نهدم الأقصى عشان الهيكل المزعوم
.............................خلاص ابشرك صرنا مع اهل السبت مثل اخوان

خرجنا وابتعدنا عن كتاب الواحد القيوم
............... .....................تحظرنا وصرنا نستخف بما روى الشيخان

سألتيني وش اللي صار بالدنيا وانا مصدوم
........................................ورب البيت حنا في زمان يشيّب الولدان

دخيلك سامحيني لوتجمّع في سماك غيوم
.....................................وربي ماقصدت ارمي عليك الهم والاحزان

انا واحد من الامة حزين وخاطره مكلوم
..........................................بجوفه تنفتح بيبان حزن وتنقفل بيبان

عن اذنك ودي ارحل قبل تكشفني عيون الروم
......................................وموعدنا قريب ان قالها الله خالق الأكوان