|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
12-18-23, 09:20 PM | #673 | |||||||||||
مُتمرِده كلَيلٍ بِلا هويِّه*
|
انا ياسيدة ذاك المساء شخص ٍ منيب ذهين على الفطره اعيش واقترف زله واعدلها اذا قالوا يسار يسار وان قالوا يمين يمين وتغلط ناس في حقي وامشي واتساهلها كذا حتى بلغت من العمر اذكر ثمان سنين بعدها كل حاجه ما تطوف الا احللها وعمري عشر مليت اكتب الطاري على بيتين وصرت اكتب قصايد ناس حولي كم تأملها وايلا جاء من تذاكى قلت له بالله رايح وين خصوصا ً هالبشر لو ويش والله ما اجاملها تجين بها المساء اللي كن قبله مالمحت لعين تعفسين النظام بنظرة ٍ وحده من اولها واصير بكل مساء بس اتحرى ياعساك تجين ماعاد الا اوقف كل خلق الله واسألها وايلا جيتي نسيت ان الزمن مهما قسا بي شين وتبرد قهوتي وانسى بعد جيتك اكملها تجين وتجلسين بعيد واحيانا ً نكون اثنين ويتبسم لك النادل بطريقة ما اتحملها واحيانا ً يوشوش لك كلام ٍ بعدها تمشين ولا ادري وش يقول بودي ادري بس اجهلها جلستي مره وناديته وجاني وقلت اهلين ابهدي ورد للي جالسه ..عادي توصلها تراجع خطوه وكشر علي وقال..(أ) و بعدين لو اني ما اعرفك شخص ٍ على الفطره لشعللها انا من شفتك باول مجيك قلت ذا مسكين اشوفك انت واوراقك تجي كل يوم شايلها ترا هالي تشوف انا وهي من شهر مخطوبين وقلت اسف عرفت الان ياصبرك مأجلها انا احلف امك تحبك وتدعي لك دُعاءٍ زين قبل لا اودعك ارجوك تكفى عاد دللها انا ياسيدة آخر مساء شخص ٍ منيب ذهين احسب ايلا خذتك عيون خذ راحتك داخلها اثرني فالسوالف ذي على الفطره الى هالحين واحسب ان المشاعر مايجوز انسان يقتلها ابيات تُخلد وتمنيت ان يبقى صاحبها للشاعر فهد بن محمد كما عرفناه او فهد المطيري شاعر جمع بين طيب الاصل والفزعه والاحترام فتح موقع خاص لنا بعد أن تم خروجنا من موقع اخر لكن شاء القدر أن يصيبه مرض قوي ويبعد عن المنتديات تمنيت نعرف اخباره لكن للاسف انقطعت تماما رغم توديعه قبل تقفيل الموقع لكن كان فيه امل نراه بأي موقع اخر بيوم من الايام الشاعره سُرى والكثير يعرفه | |||||||||||
|
12-18-23, 09:25 PM | #674 | |||||||||||
مُتمرِده كلَيلٍ بِلا هويِّه*
|
بين انفعالات الشعر يولد صباح المغفره . وتغلب طبايع نفسي الثوره بكبت الانفعال لو أرخي عنان الحزن انكان صدري دمره وان كان هد الحزن ما بالصدر من شم الجبال والله فلا يلقى بصدري بعدها طير شجره . حتى يغرد فوقها والا يدور له ظلال يامن يقول الله على هالشاعر اللي ما اشعره والله فلا جاء لك سوى ربع من ارباع الخيال ليل الشعر ايلا انتهى عودت به كي اسهره . ماينتهي مطلع هلال الا ابتدى مطلع هلال ما قدر البحر بعطاياه الذي ما ابحره . والا تحرى للمطر مثل الذي عنده حلال ابحرت في بحر الشعر حتى توسطت اغزره ناوي ادور داخل اعماقه اجابه للسؤال يامنتظر تطرح سؤالك للرئيس بكندره ... والا تجاوب عن سؤال انطرح للاحتلال كانه كذا والا كذا قست المقاس بمسطره وتقاطعت كل الخطوط بنقطة احساس الرجال جر الحنين الذات في ليلة هدوء مقمره .تطرح سؤال طالما اتعب عيون الاختزال وبين الحقيقه والخيال الهامشي مثل شعره وانا اتوقى بينهن اخشى حدوث الاختلال كني ابن لعبون يوم يصيح فيها يا مره لالا تذبين القناع وهو يرى ضيق المجال ان ماجعلت ظلالي الماشي معي بالمشوره يكتب شعر والا فلا لي فالشعر سكبة عقال ولو قلت له سمعني بيوتك وقال المعذره ما جت معي والله ليبشر بيننا بالانفصال يا صاحبي شفت النجوم اللي بسماك مبعثره ترى مهيب مبعثره ومرتبه حد الكمال بس هي زوايا نظرتك للشي حسب المقدره . كل ما اتسع لك هالفضا تصغر مقاييس الجمال مثل الشعر لما تحلق في فضاء المحبره .. الحبر يكتب ماتبي بس انت نبع الارتجال كم من طريق فالشعر اتهيبه ما اعبره ماهو على كيفي لأن ما كل ما يعلم يقال مرات توقد شمعة الايحاء لجل تمرره ومرات تحجم ماتبي تفتح على نفسك جدال ما خلد التاريخ ابد شعر كتب للفشخره رغم ان ابو الطيب تفشخر بس باسلوب اعتدال واللي يقول انه حوى كل الشعر في دفتره . هذا مثل من قال انا عديت حبات الرمال الشعر توه ما بعد استخرجوا منه اكثره ياكم كنوز فالشعر في بطن بحره ما تزال ياهيه ياللي شعرها هبت نسيم تنثره ... وايلا هدت هدى الشعر على قوامه واستطال من الله خلقها كلما مسكت يديها منظره .ما شافت الا نور متوهج كذا فيه اشتعال هذا السناء وجه المرايه لاوقع فيها ابهره يعجز يرده مستحيل انك ترى عكس المحال كم اتعبت سيل الكلام اللي بحرها اجبره . يضيع في وسط اتساعه كلما حدر وسال و لما عبارات الشعر جات لبحرها تسبره .. تشوفه اكبر من تغامر فيه وتعده خبال الى هنا ياقف جميع القول تحت السيطره ... وايلا هنا يخضع جميع الشعر وابليا قتال للشاعر فهد محمد المطيري..! | |||||||||||
|
12-19-23, 12:23 PM | #675 | |||||||||||
مُتمرِده كلَيلٍ بِلا هويِّه*
|
كلما قللقت علاقتي ونظفت روحي من سموم المجاملات واستحوذت من البشر نوادرهم وأستثنيت من أتكئ على كتفه فلا يميل ذاك الذي إن ذُكر أسمي أبتسم وإن غاب أفتقد لا أميل للكثره حتى بالصديقات أستثنيت واحده فكانت لقلبي كـ جيش في هذا العالم أحببت حتى قبيلتها بأكملها رغم انو كانت من أثقل القبائل لقلبي | |||||||||||
|
12-19-23, 12:29 PM | #676 | |||||||||||
مُتمرِده كلَيلٍ بِلا هويِّه*
|
ما أحب سياسة القطيع هذي فعلت سـ افعل هذا قال سـ أقول هؤلاء رفعوا شِعارات سأرفع معهم لست من حِزب ولاشِله لا ترفعني إحداهن بجميل قول ولاتحبطني أُخرى بإختلاف وخلاف امقت التقليد وخاصه بالحرف والكتابه والمحتوى ليس بالضروره أن نادى أحدهم لأمر أو وقف له أن أركض بذاك الصف إلا أن تكون عن قناعه عظيمه تطبيل وشليله هذي ضعف ليست قوه..! | |||||||||||
|
12-19-23, 10:02 PM | #677 | |||||||||||
مُتمرِده كلَيلٍ بِلا هويِّه*
|
أخسر العالم كله بعفويتك وصراحتك ولا تكسب الناس بنفاقك وتصنعك .! - - نيل جايمان | |||||||||||
|
12-20-23, 11:17 PM | #678 | |||||||||||
مُتمرِده كلَيلٍ بِلا هويِّه*
|
بيوم من الايام سجلت بموقع بناء على دعوه وقبل ادخل الموقع او بالاصح اول ماسجلت جاتني وحده اعرفها طبعا وقالت تجنبي هذا وهذي وهذا فيه وهذي فيها هذا اسلوبه كذا وهذي ترى كذا وفصفصت لي البعض للمعلوميه فصفصه يعني اخذتهم حبه حبه وطلعت مافيهم موب كل الموقع اكيد لكن مجموعه بديت اول مشاركاتي وانا حذره ممن حذرتني منهم لا كنت معهم فضه ومتذمره وما ابي حتى يكلموني واللي مدحتهم لي طرت فيهم واشوفهم احسن ناس وتمر الايام وانصدم الاقي اللي ذمتهم يهبلون قمة الاحترام والثقل والسنع والتعامل واللي مدحتهم طلع اغلبهم مايستحقون كلمة ثناء وحده بالعكس فيهم غيره وحقد عاد انا طبعي شوي شين اتجنب العالم لحد ما ارتاح صح لهم الشي اللي فعلا ضايقني من حالي بعدين كيف كنت لها الدرجه ساذجه ومشيت ورى كلامها دون تعامل المصيبه ممكن الانسان يثق بناس او يرتاح لهم ويطلعوا مقلب وكلام فاضي والعكس بس ماعليه لازم نجرب بحالنا موب احد يصب بعقولنا ونمشي وراه | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||