صباح الرضى
لقلب أمي
وتلك القلوب الجميله التي
تركت هُنا فقد او سؤال او سلام
او حتى حضور رقيق كـ أرواحكم

مخزون حديد نازل
حمى
خفقان ورجفه

تواصلت مع صحتي
سوت لي وصفه بعد مقابله افتراضيه
بس رفضت تُضيف مضاد
دون زياره حضوريه

مساء الخير
تعلمت شي هاليومين
اذا تعبت خلاص تعب تعب قوي
روح مشفى
طب بيت احيان ماينفع كلام فاضي
اربع ايام حُمى لدرجة صعب وصفها
وامي يالله يالطب الشعبي
ليمون عسل ملح ومُره فيكس
إلى ان صار عندي التهاب بالصدر
وبالنهايه مشفى وحُقن وريديه ومحاليل
والحمدلله

وكملها
الممرض يقول الابر للمُغذي
المتوفره عندنا كبيره
حاولي تتحملي
وان شاء الله تضبط بالوريد
امي تقول ماعليه عادي>>لاياقلبي منو قال لك عادي
وانا اتنافض خوف

زين لاتقول لي
حتى لو موب خايفه خوفت
لو بتحمل من كلامك ماراح اتحمل
واتخيلها فعلا كبيره
ع الوريد

الامر نفسي وراح اتوهم

شفت رد للياسمين
تقول رايحه اشرف ع الطبخ
قصدها تشوف الطباخين
وهم يطبخون
شطحت حبتين بخيالي
وتخيلت في بيتنا طبابيخ على قولة
الياسمين
وهو بس مُجرد خيال حسيت
تكبرت عليكم

كيف شعور تكون ببيتكم
وفيه طباخين
تحس حالك بمطعم
كل يوم
اكلك قدامك جاهز

تذكرت زميله لي وانا بالمتوسط
هي سعوديه بس اصولها إماراتيه
كانت دايم تقول
طباخنا وطبخ لنا
وانا مبهوره كنت اشوفها أميره


ماعلينا اهم شي
كاس شاهي ملغم مايضبطه
امهر شيف

امر غريب لاحظته البارح
ويمكن هو قديم بس انا ما اعرف
ويمكن موب بكل مكان
ويمكن بس عشان شهر رمضان
ويمكن عادي بس انا استغربته

البارح كنا بمكه
وانا كنت تعبانه
خلاص لابد مشفى
نتصل بصحتي اعطونا
اسم اقرب مركز صحي حكومي
قريب للسكن اللي احنا فيه

رحنا للمركز ولان حالتي كانت تعبانه
دخلوني بسرعه

الشي اللي استغربته
اللي اخذ العلامات الحيويه
ممرض موب ممرضه
واللي كان معاي انا وامي بالملاحظه ممرض
وهو اللي ركب المغذي وراقب الحاله

اتذكر ممرضات اللي كذا
الامر عادي وقديم؟
واالا انا اسم الله علي مارحت طوارئ
من زمان

اللهم مروراً هيناً ليناً بكل خير وصحه
لها الكم يوم يارب وتمر بهدوء ورضى


الفراغ لايناسبني