الى متى ياليل وانت لـْ خاطري مرتع شتات
تسدل ظلامك في فضا فكري هواجيسٍ جهر

لين الشعر جرّد جروحٍ ما يلبّسها سبات
اسهر وفتّش في رفوف البال عن روضة زهر

يمكن تذوب الغصّه بـْ منكب شعورٍ وامنيات
واخرج من العتمة بنورٍ يسرق الظلما شهر

محتاجه النسيان مرة واحدة في هالحياة
لجل ارمي اللي لا ذكرته موّت اوراقي قهر

ياليل صاب القلب غربة والسبب رهبة سكات
تْوقف الكلمة وانا في طارف شْفاهي نهر

من الكلام اللي بلعته وان تبيّن قلت مات
لكنّه بـْ روحي يبي له لين ما يفنى دهر

ياليل لك حول الشهر تحطب بصدري ذكريات
ودي بصبحٍ لا تنفّسته خذا همّ السهر



بسمة

كثيرون هم الذين يشتكون من ضعف الذاكرة
ولو علموا بما يُعانيه من ذاكرته قوية
لأدركوا ما هم فيه من عافية
كعادتك بسمة لا تأتين إلا بالروائع
سلم البيان والبنان ودام صدق الإحساس

تحياتي

ماذا تركتِ لنا بسمتنا ؟
نقرأ لنتعلّم ومنكِ نتوسّم
كلّ وضاءة البيان والتبيان
الله الله ياقلب الشعر النابض
تخطين الحروف جمالا في النظم
وألقا في المعنى والتصوير
تحياتي والمحبّة