السلام عليكم ورحمة الله وبركاته أعزائي الاعضاء،

رسمت لكم اليوم "قلعة" يتواجد فيها كثير من أعضاء المنتدى ( ولتحليل شوي من شخصياتهم ) قررت أعطيهم دور بسيط بهالقلعة، شوف اذا انت موجود . وبتمنى يعجبك الموضوع




................



وانا تايهة في أحد الغابات. كان لازم ادور على مكان التجأ فيه، واذ لقيت قلعة كبيرة حلوة كتير وتصميمها رائع خيالي.. جذبني المنظر وخصوصا انها جانب بحيرة فيروزية اللون..
وقررت أدخل القلعة:

كان الباب مقفول وكان لازم أقرع الجرس...

فتح لي الباب رجل طويل القامة بقبعة سوداء ( متل الانكليز بالعصر الفكتوري ) . كان هالشخص راقي بملابسه. عمره بالاربعينات. له ذقن .
سلم علي باحترام ودعاني للدخول وكان هو ( المدير ) !
المدير أخبرني في قوانين للقلعة، ولو تم عدم الالتزام فيا، رح يتم طردي وبرجع للغابة.
قلت له : لا لا. خلص بكون بنت مؤدبة كويسة بس دخيلك ما ترجعني ع ****** !
لانه كان طيب القلب وافق . رغم كنت مشاكسة اكتر من مرة لكن اتفهمني لاني أجنبية عن القلعة !
وفرجاني المدير عدة غرف مقفلة وهيدي غرف خاصة !
قالي المدير : انا رايح اشرب قهوة مع الحليب والزنجبيل ( هيدا وقت راحته ..)..


راح المدير ، من بعيد شفت وحدة بنت حلوة طويلة وشعر اسود طويل يكاد يلمس الارض وثوب طويل لونه أخضر ..
كانت بالمكتبة عم تطالع ببعض الكتب وحواليها اعضاء شباب اكتر من البنات. شو نعمل ؟ عضوة متل الاميرة وجذابة ونالت الاعجاب كأنها اميرة ... وكانت عم تشرح وتعللمهم لكونها فهمانة ومثقفة..وحولها الشباب متل الطلاب الصغار. مش عارفة كانو عم ينصتو لها والا سرحانين بجمالها ومو سمعانين حرف من تعليمها ! = اكيد هيدي كانت العضوة الياسمين !


بعد شوي مشيت مشيت شفت بنت ..وااااو ..لابسة فستان زهري. الشباب عم يلحقوها كمان لياخدوا توقيعها. بس عم ترفض طبعا. لانها أمورة متل العسل . كانت مديرة على قسم الكافتيريا بالقلعة. الاعضاء بعضهم ازداد وزنهم بحجة رايحين جايين ع الكافتيريا ليشتروا ! .. بس ما مشكلة. كانت حبابة ولطيفة وابتسامة ما بتفارقها رغم انها المشاكسة. اكيد عرفتوها ل همس.

اجيت لعندها وهمست ل همس : همس بليز اتركي هالشباب خلينا نروح بس بنات. انا بعصب على الشباب بسرعا ما عندي يما ارحميني !
همس : لاء يا زهرة..هيدي قلعة وتعارف ومشاركة وزملاء. لازم يكون عقلك وقلبك متفهم.

مسكت يد همس بدون ما اسمع منها. وقلت : هسسس خليكي معي اتعرف ع باقي القلعة واياكي تتركيني. اذا حكى معي احد الشباب انتي حاكيه. انا ما بحاكيهم وبزعل منهم بدون سبب كمان ! ف خليكي احسن ..

مشينا وتجولنا ..

لقينا بنت غنووجة كتير ومرحة تحكي كلمتين وتضحك. تحكي شوي وتضحك. يعني في اعضاء عم يشاكسو حواليها ويمزحو وهيك تضحك. بالسراء والضراء تضحك. كانت عاملة لها طااولة كبييررة طاولة عشاء وحواليها اعضاء كتااار مبسوطين برفقتها ومرحها والعشاء. اكيد يلي تحب العشاء = جوانا !



وعلى بعد زاوية كان في شخص عم يعمل اختراع. بدو يسبق اديسون ومخترعي الذرّة..ألا وهو متأمل. حاطط نظارة ومش شايف شي قدامه الا ادواته الجراحية يلي قاعد عم يخترع فيا..
قلت ل همس خلينا نبعد عنه هيدا احسن ما يخترع لنا شي ما نحبه !


المهم هربنا منه..

وصلنا لواحد عامل غرفته زااوية بعييدة بالقلعة. زاويته وغرفته كلهاااا عتمة عتمة. بس فيا ضوء ع شكل قمر: طبعا كان بدر..مستلقي وهم يحكي ابيات شعر مع حاله.
قلت ل همس : هل هيدا عضو رومانسي شايفته صغير قد ابنك يا هموس ؟ صرخت همس : انا ما عندي ولاد شو بتحكي يا بنت ؟

قلت لها بضحك يلا يلا بمزح معك. تعاي نغادر ما نقطع رومانسيته الجديدة يلي بتظهر بالليل بالمنتدا. بنهار ما بتظهر طبعا !

وعلى زاوية تانية لقيت شخص غاارق بكتبه ورساايل وزعللان. قلت له مين انت وليش زعلان ؟
قالي : انا ساعي البريد. ليكي الرسايل يلي ما بلحق عليها. مش بس هيكي . عم بزعل عليهم.. حاسس صرت عم بوقع مشاكل غرامية بينهم للاعضاء واساءات ظن وصاروا الاعضاء ما ينامو الليل يفكروا.. عم بحس بالذنب من مهنتي. عم بفكر استقيل. مش بس هيكي : الله يسامحه المدير لا بيعطيني راتب ولا شي. يعني بالمجان. طيب انا من وين بدي عيش ؟
قلت له بهمس : ما مشكلة، رح بعطيك انا راتب ع يلي اشتغلتو وبزيادة بس خبرني مين بعت لي هداياي انا ؟ و ما تقول شي للمدير اوكي ما حدا سامعنا !
انتفض بوجهي وهو حاطط نظارة كادت تسقط ...
وقال : اعوذ بالله. انا مخلص بعملي. اطلعي من هون لو سمحتي يلا من غير مطرود !

فقلت : بلاش احسن. مش هاممني اعرف اصلا !

وانا عم بمشي حسيت في شي بين رجلي ناااعم متل الريش وعم يشدوا ببنطلوني. طلعوا كتاكيت نجمة حبيبة قلبي ، سالتهم : ساو ساو ساو ..وين نجمة ؟ جاوبوني : ساو ساو ..نجمة نايمة. طول الوقت نايمة وتاركتنا جوعانين ! .. اول ما خلص هالكتكوت كلمته ، خطفته وحطيته بالشنطة ! .. سامحيني نجمة سرقت كتكوت من كتاكيتك !!

ومن بعيد لمحت رجل واقف عند غروب الشمس وعم يحكي مع حاله.. مين طلع : العالمي. كان جنبه شطرنج...مرة يحكي مع حاله..مرة يلعب شطرنج مع حاله ! غريب هالعضو .. ف تركناه مع حاله !

وع زاوية تانية لقيت بنوتة حلوة متل القمر عم تجلي الجلي تبع اعضاء المنتدا وتسمع اغاني سألتها عن اسمها طلعت : ملاك .
قلت لها ل همس : خلينا نتركها ..هيدي حلوة متلي خايفة غار منها اذا صاحبتها..يلا امشي. وذكريني استعمل كل صحون المنتدا خليها تجليهم كلهم ...!


وع جنب لقيت عضوة غنوجة قموورة كتيررر بتجنن مهضومة رغم جديدة حبيتها من أول نظرة كانت عم تطبخ وريحة الاكل طالعة حلوة. قلت لها : يييايي جعاانة انا ممكن اذوق ؟ قالت لي العضوة اسما : اكيد زهرتي ذوقي . اكيد رح يعجبك..اول ما ذقت اول لقمة .. ! مامااااا شو هالطعم ؟ شو عاملة بالاكلة ؟ قالت لي اسما : بالعكس وصفة جديدة قلت خليني جربها ع اعضاء المنتدا. حطيت كريما وسمك واناناس وشوية دجاج مع سكر ومعكرونة وبيبسي ... بقولو وصفة بتجنننن كتيرر. كيف تاكلي لقمة ثانية ؟ .. قبل ما تكمل كلامها البنت ، لقتني اختفيت انا وهمس ، مسكينة والله يعين الضحية يلي بدو يذوق من الاكلة !!!

وع زاوية حلوة رائعة مرتبة . بنت قمة بالاناقة ..والنظااام. حاطة لافتة مكتوب فيها : خير الكلام ما قل ودل. واذا ما حكيت احسن !
عجبني نظامها وركازتها هالبنت، وخصوصا كانت ماسكة كتب عم تقرا. واحيانا تحفظ قرآن. قالت لي : تسمعيلي سورة البقرة زهرة ؟ ..قلت لها : الله يسلمك عزيزتي. بس اخلص اشغالي بجيلك. من عيوني !..


هيدي كانت العسل وهل يخفى القمر يا عطاء دائم


وعلى زاوية شفنا شابين عم يتبارزوا. لعبة مبارزة بالسيوف.

كان طاغي وهيبة ..

همس فتحت تمها : هااايي يا....
شديت همس من فستانها وقلت : اسمعي اذا بتناديهم. لا انا بعرفك ولا تعرفيني. بتعرف ع اعضاء المنتدا كلهم الا هدول .
همس : طيب ليش؟ هيبة وطاغي كتير حبوبين !

ما كملت همس حتى اجا طاغي وعم يفرجي صورة الجمل تبعه ل همس . واجا يفرجيني الصورة قلت له : شكرا بس انا بعرف شكل الجمل ما في داعي وبشوفه بالتلفزيون !
قال طاغي : انايبتؤءيلتةرؤاتوىؤلتتىر

قلت ل همس : شو بيحكي هيدا ؟ ترجميلي
ضحكت همس وقالت : ما بقلك شو حكا . لازم تكوني اكتر لطافة يا بنت

.

اجا هيبة قدّم هدية فاخرة ل همس. واجا يعطيني هدية ترحيب لي لاني عضوة بالقلعة : قلت له : عندي هدايا بتكفي . اعطي هديتك ل غيري !
عصب علي وتركني وصار يكمل مبارزة مع حاله !!
قلت ل همس : انا حكيت شي غلط ؟
جاوبتني همس : يوووه يا بنت الحلال. روقي شوي !
انتي عسل . وحطي شوية عسل على كلامك

قلت لها: انتي حكيتيها .. اذا انا عسل ما بحاجة حط عسل ع كلماتي . الحلو الزيادة بعمل تسوس بالاسنان !

وهيكي تركتها ل همس ..ورحت الغرفة تبعي روح نام فيها.
سمعت شوية اغاني مع حالي بغرفتي. وعملت حفلة صغيرة.
اطلعت على شمعة بغرفتي وانا مبتسمة و....

طفيتها. ... !


..

لقينا بنت غنووجة كتير ومرحة تحكي كلمتين وتضحك. تحكي شوي وتضحك. يعني في اعضاء عم يشاكسو حواليها ويمزحو وهيك تضحك. بالسراء والضراء تضحك. كانت عاملة لها طااولة كبييررة طاولة عشاء وحواليها اعضاء كتااار مبسوطين برفقتها ومرحها والعشاء. اكيد يلي تحب العشاء = جوانا !
….

يسعدلي قلبك وعازمتك اليوم ع العشا بتوقيتنا

تصدقين زهرة
لما كنت أشوف اسم زهرة الثلج
كنت أقول بخاطري كأنها شخصية خيالية طالعة من رواية
وحتى اختيارك للرمزية ذكرني فالشخصيات اللي في الروايات والأفلام
وطلع عندي نظرة وعندك خيال واسع وتحبين الروايات

ما شاء الله تكتبين وتحليلين الشخصيات بعد
حبيت أسلوبك يحمسني أقرأ وأكمل للآخر

والله جبتيها صح
كأنك عايشة معاي وتعرفيني

بالضبط هذي أنا لما أطبخ
ما ألتزم بالمكونات المكتوبة لأي طبخة
لازم أجرب وأبتكر وأكتشف وأخترع
وأحط المكونات من راسي وهكذا

مرات تطلع التجربة فاشلة والطعم مو حلو
والله يعين اللي ياكل > مسكين هههه
ومرات تطلع طبخة حلوة ولذيذة
والطبخات اللي تعلمتها وضبطت معاي كلها من التجربة والخطأ
لأني أتعلم بالتجربة أكثر من الكتب

~

والله أبدعتِ زهرة
وحبيت تحليلك ل شخصيات الثانية بعد

يعطيك العافية ع الطرح الرائع

استمري

لاء دخيل عيونك... ركزي.. اهم شي سلامتك !

بس ع شرط. بدك تعلميني ركوب الفرس. ...