أنا هنا باقي على حدود ذكراك
كلي أمل في يوم إنك تجيني


لو غبت مهما غبت بتجيبك خطاك
هذا أمل ذا شك هذا يقيني


(مدري) ولكن مستحيل أقدر أسلاك
أحبك بقلبي وعقلي وعيني


ما يوم جا في خاطري إني أنساك
حبك قدر مكتوب على جبيني


ولو جيت أنسى ذكرتني هداياك
ونظراتك اللي قالت إنك تبيني


وأبياتي اللي قلتها في محياك
ودفا يدينك يوم تمسك يديني


وذاك المكان اللي اختزل كل دنياك
وعطرك اللي فجر الشوق فيني


وقلبي اللي يخفق إن جات طرياك
ومشاعرٍ تجمع ما بينك وبيني


وإحساسي إني راح أسعد بلقاك
وأَطْفِي بشوفك شوق كل السنينِ


لولا الأمل يا توأم الروح في ذاك
أكيد مَوَّتني لشوفك حنيني



سُهيل

الله
قصيدة اكثر من رائعة
بكل مافيها من معنى
مغزولة بقلم أبي سامق
وباحساس شاهق غاية في العمق
دام بوحك الشامخ شاعرنا القدير

سعدت كثيرا بأن أكون أول من تحتضن حرفك الذهبي الماتع
نص يستحق أكثر من قراءة
وأكثر من عودة
لكن السؤال يطرح نفسه هل سأعود ؟!
وإن لم أعد سيكون هذا الرد مسك الختام لي
وفي موضوع يستحق أن أختم فيه
تحية تليق
وكل الود والورد