أهلا زهرة
الموضوع الحقيقة متشعّب جدًا، وممكن نتكلم فيه من أكتر من ناحية..
خلّينا نبدأ مثلا ونقول:

1. ايه هو الحب؟
2. ما مقياسه، وكيف تحكم عليه؟
3. هل الحب أشكال، درجات، ألوان، إلخ؟
4. هل يقع حب بدون صورة؟
5. هل طرق الزواج تغيّرت بحسب تغيّر الزمان؟
6. هل فيه زواج ناجح من الإنترنت؟
7. ..إلخ
أسئلة كتيرة مرتبطة بالموضوع ومحتاجة نقاش ،
=
خلّينا نبدأ وأقولك- من وجهة نظري-:
أولاً: الحب شيء غير ملموس، منقدرش نحكم عليه بشكل دقيق، ملوش ميزان، ولا كتالوج
منقدرش نحكم على غيرنا ونقول فلان بيحب، وفلان بيكذب..
أحيانا المواقف بتكون كاشفة، وبتبيّن المشاعر بشكل أوضح

--
الحب درجات..
والتعلّق نوع أو درجة من درجات الحب، وأغلب ما يقع في المنتديات مثلا أو مواقع التواصل، نوع من التعلق
والإنسان عنده القدرة إنه يتخيل شخص من خلال طباعه، أفكاره، كلامه، حروفه، ويكون له كيان حقيقي في داخله = ويتعلق فيه
ويقع الحب!

لكن الحب نادر جدًا، وأغلب ما يقع بين الناس هو نوع من أنواع الاشتهاء ليس أكثر..
==
هل نثق في حب الانترنت
هل فيه زواج ناجح منه...
دي أمور نسبيّة، شخصيًا بشوف إن الأمر متعلق بالشخص نفسه، لو صادق هيكون صادق سواء في الواقع أو من خلف الشاشة
تطورات الحياة فرضت على الناس حاجات جديدة مكنتش موجودة

فيه مواقع مثلا للزواج
وبيشرف عليها شرعيين، الحاجات دي مكنتش موجودة قبل كدا
بس طبيعة الحياة بقت تفرض على الناس دا بصورة أو بأخرى
وممكن ينجح وممكن يفشل
زيه زي الواقع
أنا شوفت ناس كتير اتزوجت من المنتديات ، وزواجهم استمر، ونجح
وأكيد فيه العكس
وفي الواقع كدا برضه
نسب الطلاق المرتفعة معتقدش مرتبطة بزواج المنتديات مثلا، لأ، الخلل نفسه في المنظومة ككل

الخلاصة :
الإنسان كائن عاطفي هش ضعيف، سهل جدا يتعلق بأحد ، وسهل التعلق يزداد، وتتحول صورته لواقع
وممكن يكون مجرد مشاعر عابرة بيقدر صاحبها يصرفها
وممكن المشاعر دي تتمكن من قلبه وتزداد

صعب اننا نقول كل الحب من الانترنت = كذب وغش
وصعب نقول كله صدق
الأمر نسبي والتجارب شاهدة ومتوافرة، وكل واحد بيحكم من خلال تجربته الشخصية ودايرة علاقاته وبس