تعلمت أني إذا شفت تمساحين يسبون بعض
يعني أن الإثنين كلامهم عن بعض صح لأنهم فاهمين على بعض

وهذي حقيقة أدركتها مؤخراً بعد التدقيق والتحقق

علمتني
أن كل شخص فينا يمكن أنه كان الشرير في قصة أحدهم
حتى لو مو حاس يعني محد ملاك حتى أنا

ممكن أكون شريرة في قصة أحدهم
وطيبة في قصة أحدهم
لكن هذا دوري في قصتهم وهذا اللي يحتاجونه

وممكن الشرير اللي في قصتي موجود
عشان أتعلم كيف أرد على اللي مثله وما أسكت عن حقي
أو ما أنخدع بالناس اللي مثله
والطيب موجود عشان يلفت نظري لنقاط قوتي اللي مو شايفتها
وهكذا كلها أدوار والحياة مثل المسرح

ومحد يدري كيف بتكون النهاية ومين اللي راح يفوز ومين اللي بيخسر

ومرات أحس الحياة مثل لعبة الشطرنج إذا ما كنت مركز زين بتخسر

ومرات أحسها مثل لعبة البازل
ولازم ناخذ القطع الناقصة من كل شخص نقابله
و نجمعها عشان تكتمل الصورة وتصير واضحة
ونفهم الحياة صح وهكذا

،.
أن دوام الحال من المحال ،،
الله لا يغير حالنا إلاّ لأحسنه ، ويجملّه بالخير الكثير والسّعاده .. آمييين