بعض الناس عنده خيال مقبول ...يعني المستمع له راح يتقبل خياله بجدية ...رغم ان العقل والمنطق يرفض هذا الخيال جملةً وتفصيلا ..


مثلًا : لو واحد عمل مصايب الدنيا ....وفجأة اعتدل حاله ....ومن شدة اعتدال حاله وندمه على اللي راح ..أصبح يتخيل ان نفسه اللي بداخل جسده ...انتقلت لجسد آخر جديد...وانه بدأ حياة جديدة في جسد جديد ...



طبعًا العقل والمنطق يرفض الشي هذا جملة وتفصيلًا ...لكن ممكن المستمع راح يتقبل خياله بجدية ...رغم علمه بعدم إمكانية حصول ذلك ..




السؤال :

هل أنت عندك خيال يتقبله الشخص اللي أنت جالس تفضفض له...مع العلم أن العقل والمنطق يرفضه ..؟؟...اذكره لنا ..؟.



وأعيد وأكيد : المطلوب خيال يحترم عقلية الشخص اللي أنت جالس تفضفض له ..

يعني لا تجي وحدة وتقول أنا جاي في خيالي ان عيني اليمين تطلع من راسي عشان تروح تراقب عيالي في غرفتهم وأنا جالسة مع الحريم في الصالة ...!!...

طبعًا هذي الحرمة من المفروض زوجها وعيالها يشفرون قناة سبيستون .....!!..



وبرضو لا يجي شخص ويقول أنا جاي في خيالي دائمًا ان الجزء السفلي من جسمي يروح لوحده للحمام ويرجع وأنا جالس في الغرفة أتصفح وأكتب في المنتدى ...!!

مثل هذا الشخص من المفروض يُحجر على خياله ويمنع من التخيل ...





المهم نعيد السؤال :

هل أنت عندك خيال يتقبله الشخص اللي أنت جالس تفضفض له...مع العلم أن العقل والمنطق يرفضه ..؟؟...اذكره لنا ..؟.

احس الموضوع ذا لغز هع

لا ما عندي خيال
انا حتى بالافلام والمسلسلات
احب تكون واقعية او حياة يومية
اؤمن دايما انه غرائب الواقع بتذهلك اكثر من الخيال

بإنتظار اصحاب الخيال الخصب نشوف خيالهم

بمناسبة كلامك عن غرائب الواقع والخيال ....


هل كان الناس يتخيلوا انهم راح يسمعوا صوت إنسان وهو ساكن في دولة ثانية ...!!

أو هل تخيل الإنسان انه راح تطلع صورته وصوته مع بعض رغم انه في مكان بعيد .. !!


وبرضو هل كنا نتوقع اني أنا مثلًا أكتب هذا الكلام ثم يطلع عند كل الأعضاء بشكل مباشر ...رغم ان كل واحد منا ساكن في مدينة أو دولة ثانية ..!!



أشياء كثيرة ما كانت تجي في خيال الإنسان ..وحتى لو جت في خياله ماراح يقبلها العقل والمنطق .....لكن حدثت ...!







.....

الخيال اللي ذكرته يالأمير هذا شي كان مستحيل وصار

احد كان يتخيل انه يوصل الطب لأستئصال ورم من المخ
والمريض صاحي

( علم الإنسان مالم يعلم)


لكن الخيال زي اللي نشوفه في الأفلام
مع اني مدمن افلام لكن مستحيل اتابع افلام خياليه

مثل الأفلام الهنديه

هو فلم واحد شفته
افتار

بالنسبة لخيالاتي
اللي اتوقع مستحيل تصير
ابغا اكبس عليك وسط جماعتك بعزومة
واعلمهم مكانك السري وين

يسعدك ربي

صحيح ومستقبلا اكيد بنشوف العجب العجاب
لكن انا ك شخص
مالي بالخيال
انا وانا اكتب قصة
ما اكتبها الأ تحت ضغط عالي اخخخ
وحاليا انا ما اغير في جذور حياتي الأساسية
الأ اذا حدتني الظروف
فيك تقول اني ما تخذ أي قرار مصيري
يمسني شخصيا
الأ اذا ادتني الظروف دهفة وسقطت من ع حيد
وتكسرت ساعتها اتخذ
فما بالك بالخيال
الخيال بعيد جدا عني

هههه أنت كذا بتنكب عفشي ..

تصدق انهم لو يدرون عني راح تكون فضيحتي اللي ماعمرها صارت ولا استوت ...