| |||||||
| :: قرار هام :: |
177Likes| موضوع مُغلق |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| موضوع مُغلق |
| | LinkBack | أدوات الموضوع | انواع عرض الموضوع |
04-24-23, 04:48 PM
| #1 | |||||||||
 
| 
الخـــواف ... هذا الولد الله يحفظه لأهله....يقرا الآيات بنفس طريقة أبوه في التلاوة ....في تغير الصوت ..انخفاضه وارتفاعه وطبقاته وغيره من الأشياء الثانية اللي مدري وش يسمونها ... المهم هذا الولد الله يحفظه .. يقرأ بنفس طريقة أبوه : وهذا أبوه : جيران المسجد اللي يصلي فيه أبوه .. افتحوا بيوتهم للمصلين : المهم نختم إرسالنا لهذا اليوم بتلاوة آية واحدة للشيخ ياسر الدوسري : خلاصة كلامي : هالحين يجي واحد ويقول مسوي فيها مطوع ومدري إيش ..!! يابن الناس الشغلة ومافيها ان أحيانًا الواحد تمسك معه حاجة معينة ماكانت على باله .... ... | |||||||||
| |
|
05-01-23, 08:28 PM
| #2 | |||||||||
| أنشودة الحروف ..رغم انها قديمة ومافيها شي مميز بزيادة ...لكن عاجبتني .. | |||||||||
| |
|
05-11-23, 05:27 PM
| #3 | |||||||||
| مش معقوووووووول ...لا حس ولا خبر عن النسخة الجديدة لـ قرندايزر ..!!؟!! أعلنتوا وقلتوا بنسويلكم قرندايزر جديد ومدري إيش ....!!....طبعًا انبسطنا وفرحنا  ..لكن شغلة انكم تعلنوا ثم تسحبوا علينا  فهذي كبيرة في حقنا .. طيب على الأقل حطوا موقع نتابع فيه المستجدات .... | |||||||||
| |
|
05-12-23, 01:12 AM
| #4 | |||||||||
|
اقتباس : من التقييم .. ( هاد احنا ننتظر خبر النسخه الجديده من قرندايزر من عندك … اذا جاك شي علمنا ) طيارة وراح يكون الخبر عندك بعد ماينزلون النسخة الجديدة .. بس شكلهم مطولين ..وما راح ينزلونها بدري ... لكن أهم شي مايكنسلونها ...... فاصل : طبعًا معروف كره اليابانيين لـ دوق فليد ( قرندايزر ..) .. وفيه كلام منقول من شخص يؤكد كره اليابانيين لـ دايسكي وقرندايزر والمسلسل كله ... بسبب ان كوجي دوره في المسلسل شخصية مساعدة له.... المهم هذا كلام الشخص : ( نصيحة من شخص تقابل مع مجموعة يابانيين لا تمدح غريندايزر امامهم وامدح مازنجر السبب يشوفون ان غريندايزر اخذ مكانه واحتل الشهرة بدل عنه فعندهم عنصرية اتجاه مازنجر ويشوفونه اول روبوت كانمي وحبوه جداً ) خلاصة كلامي : قرندايزر أفضل من مازنجر في كل شي ...في القصة والشخصيات ..وكل حاجة ..و..الخ .. لكن اليابانيين أخذوا انطباع عن مازنجر انه هو الأفضل بسبب انه عرض عندهم في التلفزيون قبل قرندايزر .... ووصل كرههم لقرندايزر انهم مش راضين يسوون نسخة جديدة له ...بعكس مازنجر ...والسبب طبعًا معروف وهو حبهم لـ ( كوجي ) لأنه بطلهم المفضل في مسلسل مازنجر ...وجاء في قرندايزر شخصية مساعدة فقط ...يعني أي كلام ...ودايسكي هو الكل فـ الكل ... المهم اللي اتضح لي : ان شركات اليابان اللي تسوي الكراتين لا تهتم بنجاح الكرتون خارج اليابان ...فقط تهتم بنجاحه في الداخل ....وتسوي منه نسخ كثيرة ومتجددة إذا نجح عندهم ... ويسحبوا سيفون على اللي ماينجح عندهم ..مثل قرندايزر سحبوا عليه السيفون إلى يومنا هذا ... لدرجة اني أشك ان المؤلف ندمان على انه ابتكر شخصية قرندايزر ودوق فليد ...وهذا واضح في تصريحاته ويؤكذ الشي هذا ان ماله نية يسوي نسخة جديدة ... أول نسخة وآخر نسخة عام 1975م ...!!؟؟!!.. .. | |||||||||
| |
|
05-15-23, 03:57 PM
| #5 | |||||||||
| سبحان الله الواحد مايدري كيف راح يكون مستقبله ...ولا حتى يخطر على باله .. مثلًا الشيخ ياسر الدوسري ....هذا مقطع قديم له ...وأعتقد يوم كان يدرس في الثانوي ... فهل خطر على باله وهو في هذا السن انه يكون إمام في الحرم ....وهل الناس اللي حواليه جا على بالهم انهم جالسين مع واحد راح يكون إمام في الحرم ...!!؟! ممكن أقصى تفكير عندهم انه ممكن راح يكون إمام في أحد المساجد الموجودة في منطقتهم ... خلاصة كلامي : صعب الواحد يقدر يحدد كيف راح يكون مستقبله حتى لو كان مخطط له بالمسطرة والمثلث والمنقلة وأدوات الهندسة كلها .. يعني حتى اللي مخطط انه في المستقبل بعد التخرج وبعد مايتوظف راح يشتري كابرس برقهام موديل 90 ..ربع تندة ..داخلية عنابي.. مقاعد مخمل ..وصورة سميرة توفيق في الشماسة .. ممكن يطير هذا الحلم والمستقبل بـ قرار من أبوه وهو انه يشتري هلكس ( هايلوكس ) غرفتين وحوش .. طبعًا أبوه أصدر هذا القرار وهو متكي على تكاية لاصقة فيها تمرة ...يابسة.. ومحد يعرف تاريخها ... وهدف الأب من هذا القرار هو حوض السيارة عشان تحميل البرسيم والشعير للغنم وغيرها من الاستخدامات ...وبرضو عشان يقدرون يروحون للديرة لـ خالتهم منيرة ... وأنا أتفق مع أبوه قلبًا وقالبا ....لأنها سيارة بنت حلال تخدمك في كل شي.. وفي كل الطرق في زفلت و بر وحجر وجن وعفاريت ......يعني عصاك اللي ماتعصاك ...وماتعرف لا الورش ولا غيره ... بمعنى أصح : الهلكس هي الخير كله اللي تخدمك بعيونها وما تاخذ منك شي ... | |||||||||
| |
|
05-15-23, 09:36 PM
| #6 | |||||||||
| هو مستغرب ويضحك على اللي يفطر ( كبسة ) .... وهو يفطر كبدة ومقادم وكمونية وتقاطيع ..!! كلها زي بعض .. | |||||||||
| |
| موضوع مُغلق |
| مواقع النشر (المفضلة) |
| |
 | أصدقاء منتدى مسك الغلا | | |||||
