صباح الخير ،،


موقف عفوي لاتنساه ؟

صباح النور

موقف ما أنساه

مرة كنا عند البحر وكان هدوء مافي ناس ولا زحمة
قلنا بنمشي عند الشاطئ شوي
واحنا نمشي شفنا قنديل البحر وكان لونه أزرق
لفت انتباهي وكان يتنفس

قلت لأختي يلا خلينا نرجعه للبحر
مسكين شكله جا عند الشاطئ بالغلط

وأختي تقولي لا لا تتهورين ولا تقربين منه
تراه سام بتموتين
وأنا مو مصدقة أنه سام وعلى نياتي بس أبي أنقذه
وكل شوي تقولي ابعدي عنه
وأنا أقول بخاطري شريرة ليش ما تتعاطف معاه
مسكين ما تحس فيه بيموت وقاعد يتنفس ببطء

بس زين أنها حذرتني لأني ما كنت أدري
تركته ولما رجعت البيت بحثت ف قوقل
وطلع صدق قنديل البحر الأزرق سام

^ يعني أختي اللي أنقذتني منه


من يومها قبل ما أتعاطف أو أفكر أساعد
صرت أفكر عشان ما أطيح نفسي بمشكلة وأموت


وكثير مواقف كانت تصير مثل كذا
أتصرف بعفوية وأكون بقتل نفسي بدون ما أدري
لأن ما كنت أفكر وأدقق كثير أو أكون ما أدري وما أنتبه

وللحين بعد في مواقف للأسف

قلت هيا بكل عفوية وصار بعدها شيء جميل