تدور الحياة بـ سنّة العيش زين وشين
ولا عندي أغلا من عرَق وجهي وجاهي!

أعيش الفقير اللي حياته ما بين وبين!
يظل التردد دائماً .. سيد أشباهي

لأن الزمان اللي كَحَل عين ، وأعمى عين
كثر ما يحاول يعمي عيوني — أباهي

والأحلام خلتني بصير ، وقصير يدين !
و مصبرني إن الله هو الأمر الناهي

جهلت الطريق منين يبدا معك ولـ وين
"يا شيٍ تفاصيله مع سجة الساهي"

قصورك كمال.. وغيبتك مالها تخمين !
وعن أسمن عذر يطفي الزعل عذرك الواهي

عرفت الظما قبلك.. وبعدك عرفته زين
يواسي جفاف العود بعدك ظما فاهي

وأدور عليك.. وما على الارض منك ثنين
وإلى الحين "أحبك" تنتظر جُرأة شفاهي

عطتني يدينك من عرفتك عدل — جرحين!
أسولف بها مع ذكرياتك .. وأنا فاهي

وأنا ما عطيتك غير وردة و سبع سنين
قليله — لكن والله ما عندي إلا هي"
– صالح بن حمد