الله علي إللي في خفوقي تربع
له عندنا دايم معزه وتقدير

غالي وهو له عين الأحباب مهجع
مايوم شفنا من معاليه تقصير

أمير في قومه وفي كل مجمع
شيخ الشيوخ يدبر الأمر تدبير

لا شاف دمعه من المساكين تطلع
قدم لهم حبه وماله كتعبير

فضله لغيره يوم غيره بيجمع
والله ماتلقى بمدته تأخير

وفي العلم والأداب والشعر مبدع
سخر له الرحمن من كل تسخير

دايم يراعي حق ربه ويطمع
انه بفعل الخير يحظى بتبشير

إنسان فاق الوصف طيب وممتع
إنسان ما مثله وللعيب ستير

مالومني لو كنت في حبه أخضع
ومالوم قلبي في سماء حبه يطير

لو رحت عنّه يوم بالغصب أرجع
قلبي يحبه حب من دون تفكير


الله يخلي صاحبي كان يسمع
ومحبته والشّاهد الله ترا غير