صباح الخير


المفروض اي خطوة الإنسان يقدم عليها لازم تكون مدروسة
بمعني أن بناء البيوت ده شيء شائع حواليك
ف اكيد عارف بطريقة مبدئية أن البيت اللي مساحتة كذا يتكلف كذا والبيت الأكبر يتكلف كذا وهكذا ... اللي ياخد خطوة زي دي بطريقة عشوائية لازم حييجي في النص ويقف

بناء البيت في رأيي متمثل في ثلاث مراحل
أولا شراء الأرض
ثانيا بناء المجسم
ثالثا التشطيبات النهائية

كل مرحلة في دول لازم تكون مستعد لها وتحط مبلغ ذيادة احتياطي تحسباً لأي ارتفاع في الأسعار يفاجئك
والأهم من كده انك تفكر بطريقة عملية .. ليه ابني بيت كبير من كذا دور وانا لسه في أول حياتي ومش ححتاج لكل المساحة دي وتتفاجا أن في جزء كبير من البيت مساحتة محروقة وغير مستفيد منها ؟
ممكن ابني دور واحد ومع الايام كل ما يتوافر معايا مبلغ ابني دور تاني وهكذا

الحكاية كلها متوقفة علي التخطيط الصح من البداية واننا ناخد الخبرة من اللي سبقونا في الخطوة
لو عملنا كده ان شاء الله مش حيكون في تعثر ابدا



في كمان نقطة .. بعض الناس بتعملها ك أستثمار وفي رأيي دي افضل كتير
في ناس بتشتري الأرض تكون مساحتها كبيرة شوية عن احتياجهم وزي ما بيقولوا بيسقعوها كام سنة كده
ويرجعوا يبيعوها بسعر أعلي ويشتروا أرض تانية تكون اصغر في المساحة وفي نفس الوقت تكون مناسبة ليهم
وب فرق السعر بين الأتنين يقدروا يبنوا ويشطبوا .. ممكن يزودوا شوية من معاهم لكن الخطوة نفسها مربحة وحتوفر عليهم مبلغ كبير ... الفكرة كلها متوقفة علي تشغيل المخ صح



.




.