صباحكم رضى

اليومين ذي متنقعه في عيادات التجميل والجلدية
جتني اكزيما لعبت بوجهي لعب
سوت لي فيلر طبيعي
شكليا حلو بس اللون مع الحكه تدمر النفسية

بسببها اضطريت اروح للعيادة في عز القايلة وانا مصدعة ماشبعت نوم
وزادت الدكتورة الصداع ببربرتها وهذرتها الزايدة
ماصدقت اطلع من عندها

الا القى واحد عند البوابه مشغل أم كلثوم
زاد الصداع ضعفين
ام كلثوم في عز الظهرية
يلعن ام المزاج اللي عندك ياشيخ
كان ودي اهفه بالشبشب
من كثر التسطيل طالعه بشبشب البيت
يوم كابوسي بمعنى الكلمة
تتوقعون انتهت على كذا لا

وانا داخله البيت قابلتني العامله تهاوش تقول خليتي الباب مفتوح
البسه دخلت وسخت الدرج
المشكلة ماقالت لي الا بعد ماشلت نص الموية بعبايتي
كملت اليوم الجميل ذا بنومه كلها كوابيس

حلمت اني اجري بساحة حرب
شوي ادخل زي المبنى مكسر واشوف واحد من جنود الاعداء يقتل في اصحابه
ليش مادري

كان ودي اعرف السبب صحيت مفجوعة ماكملت الحلم

المشكلة من زمان ماشفت افلام اكشن من فين طلع هالحلم مادري

وحتى اخبار غزة الله يفرج على اهلها مقاطعتها من قبل رمضان
شكلها مخزنه في العقل الباطن طلعت بسبب الضغوط و النفسية الخايسه

^
السالفه للبيع بريال
قصدي بخمسه الاف محتاجتها هاليومين
عيادات الجلدية يشفطونك شفط
تدخل عندهم بمشكله
يطلعولك عشرة من تحت الأرض عشان يشفطون فلوسك
استغلاليين بشكل
اللي يبغى يكسب يفتح له عيادة تجميل
بدخل عليه ملايين

يالله صباح خير
وش صار وش مهببين
هدو اللعب ياشباب
اللي خلقه ضيق ومايتحمل المزح يتجنب الألعاب والأقسام اللي فيها احتكاك بالأعضاء
فوتوا وكبروا دماغكم من كل شي يستحق تردوا عليه

أول ماشفت الشريط الأحمر قلت بس أمل جايبه العيد
رحت طوالي على ملفها
ارتحت يوم لقيتها
بس مالحقت افرح طلعوا مطيرين ام الكتاكيت
ليش
نفسي اسوي حصانة لبعض الأسماء تحميهم من الشطب
على راسهم النفسية ام لسانين تعرف نفسها

على طاري الشريط الأحمر
اكره اللون الأحمر
ماعندي ولا قطعة بدولابي بهاللون
وحتى الارواج والمناكير
احسه لون مبتذل ما اطيقه مادري ليش

"مارس الرحمة قدر المستطاع
فكلما تلطفت مع خلق الله زاد الله لطفهُ حولك"