نفس كلام جلجامش لا تحكم بالظاهر وبس
وخذ اللي قريبة من عاداتك وتفكيرك وفيها شبه من أهلك
لأن كذا بيكون التعامل أسهل

واستخير
الاستخارة أهم شي

ومو شرط تعرف تطبخ وكذا
ترا في بنات ما كانوا يعرفون يطبخون ولاشي
وبعد الزواج تعلموا بفترة قصيرة وصاروا يطبخون وكل شي
وفي اللي يجيب شغالة وهكذا

أهم شي القبول والتوافق
ولا الأشياء الثانية كلها لها حل ..

انت اطلب ربي وادعيه يعطيك الزوجه الي تتمناها ....السلف كانوا يدعوا في صلاتهم حتى على حاجتهم للملح
فما بالك انت زوجه

نعم يا ليت لا تتزوج
واضح راح تنكب بنت الناس من تفكيرك القديم.

اذا صامل وتبي الزوجة الصالحة
حاب اقولك شيء بما اني صاقع كاسة كبيرة شاهي نصها نعناع

اذا تبغى امرأة صالحه مثل اللي بمخيلتك .. حاتعيش اعزب
الزوجة ماتجيك جاهزة.. بكج كامل
تستلمها مواصفات فل اوبشن .. تخش البيت مرتاح ومريح
قد ترزق بإمرأة غير جاهزة .. او لاتناسبك
او فيها بعض الحركات اللي ماتعجبك.. كالحن والزن على قولتك

حط في راسك لا انا ولا انت ولا ذيك ولا كل البشر كاملين
ولا حتى عروستك المستقبلية بتجيك كاملة

الواجب عليك انت كزوج تصقلها تهتم فيها تطورها والإحسان لها
تكون الأب والأخ وكل شي لها

خذ بنت الأصول اللي ماتكسر كلام اخوانها
ولاتطلع عن شورهم .. هذي اكيد كلام امها وابوها مثل حد السيف

الأهم من هذا اعرف كيف تخليها تحبك وتتعلق فيك
لأن المرأة لاحبت زوجها.. ماينكسر ظهره

طبعا لابد من اللسعات
احيان لسعة نحلة واحيان لسعة كهرباء ١١٠.. شغل هرمونات وكذا
ولكن هذي هي مايزيد مابينكم من مشاعر


عسى الله يوفقك

الأكيد..
اظفر بذات الدين تربت يداك...
وبعدين انت عايش مع الناس تاكل وتشرب معاهم بس واضح ان ثقتك بالنساء " لك عليها" لدرجة " الوسوسه" وهل تطبخ وحننات ومدري وشو..!!
ياعمي الخيل من خيالها ..
ممكن تكون فيها اشياء جميله تضيع مع انسان مايقدرها..
اعرف نفسك اول من خلالك انت ومن خلال اللي يعرفونك زين...
هنا ماراح تلقي جواب شافي ..
اصلا الجميع ركز علي المرأه ونساك انت ...!
شوري عليك زي ماقلت لك من الاول ..
استشير انسان تراه ثقه وصاحب عقل راجح و" صف النيه" وبعدها توكل علي الله.

اخوك رومانس