‏لا تاخذ الدنيا على محمّل الجد بيشيب قلبك يا إنسان

لا تأذن لنفسك أن تعيش خيبة البابِ المغلق والعثرة التي لا نهوض بعدها مادام يقينك بالله قوياً ثق أن قدراً جميلاً في طريقه إليك وأنّ الله قادر على تغيير واقعك في لحظة فلا تستبطئ الإجابة مع الدعاء واحسن الظن بتدابيره

#حقيقة

الإنسان ما يقدر يسوي كل شي بنفسه
ولا يقدر يكون كل شي لنفسه
هذا الشي عكس الطبيعة لأن الناس للناس
إذا كان يعتقد أنه يقدر يسوي كل شي بنفسه
راح يشوف الناس يتغيرون عليه ويبعدون عنه
ويستغرب ويقول ليش وليش و بعدين بيصير وحيد وحزين
والشيطان أقرب للإنسان لما يكون وحيد وراح يدخله في متاهة

ترا فرق بين الوحدة والعزلة
تقدر تعزل نفسك وأنت مع الناس
بس الوحدة شي خطير

نحن نجذب لنفسنا الأشياء اللي تشبه معتقداتنا
أي شي موجود في حياتك يكون إنعكاس لداخلك
مثل " أفكارك ومعتقداتك ونظرتك للحياة والناس وظنونك وعقدك
والأشياء اللي أهلك ومجتمعك برمجوا عقلك عليها "
ويمكن تكون أشياء غلط ومو صح وفي أفكار ثانية صح أكثر

المرونة دايماً أفضل من التشدد والتضيق على النفس وعلى الآخرين
مو مشكلة إذا عطينا نفسنا مجال نشوف الأفكار الجديدة
ونفكر إذا تصلح ولا لا
أهم شي ما نمنع نفسنا من التجربة والاكتشاف ولا نعيش منغلقين

" وجعلناكم شعوب وقبائل لتعارفوا "
التعارف ما يصير إلا بالانفتاح