*



*


*



من صباح العيد يا عيدي وضيايا
عيدك مبارك قبل كل الخليقة


‏مني يا عذب القصيد أعظم تحايا
ولفظك الموزون يستاهل عقيقة


هاتي لي من بسمتك كل الهدايا
بسمتك كنها فرج من بعد ضيقة


لاحد يشوفك يصيرون الضحايا
مو حرام تضحي فيهم يا آنيقة !؟


ما يمل الشوف يا زين الصبايا !!
الجمال اليوسفي يلمع بريقه !!


أجمل أيام العمر وانتي معايا ♥️
و انتمائي لك غدى كل الحقيقة


سولفيني ..
سولفيني للمرايا


قولي : انه يموت بي لآخر دقيقة


عالمٍ ربي بقلبي و النوايا
والله انك في وسط روحي العريقة


انتي يا ملح الحياه أعذب دوايا
موطني بلادي و فرحي و الرفيقة


احفظيني في ابتسامات الثنايا
و داخل إحساس قلبك يا رقيقة


وغمضيني وسط عينك يا غلايا
من سكن عينك نسى كل الخليقة


اجمعيني لا غدى كلي شظايا
وحدك اللي تقدري بمية طريقة


ليت انا بدمك وسط كل الخلايا
واكتب بدمك على صدري وثقيه


انك انتي أجمل ارزاقي و هنايا ♥️
قاتلة حزني وكل همي و ضيقة


ليتك تشوفين ويش وسط الحنايا
مالكة روحي و إحاسيسي العميقة







لـ الوله .












































*