انتِ متاثره بالمسلسلات
ترى هذا الزواج تطبخين وتنظفين وتجيبين اطفال
من قالك غير كذا يكذب عليك
وكثير متزوجات تزور اهلها بالشهر مره ولا بالسنة مره
هذا الزواج الطبيعي وهذا الواقع اذا تطبخين وتنظفين يعني هذا سحر
فكل الشعب مسحوووور هههههههههههههههههههههه

إذا تقدرين تهتمين ببيتك ونفسك وزوجك بفس المستوى ! فالخير واهله
وإذا لا ! فهاتي خادمة
ارقي نفسك وزوجك
غيروا البيت سافروا روحوا تمشوا غيري في روتين حياتكم اظنكم مندفعين مرة لبعض وصار بينكم مكابر وتغلي اظن ماهو اكيد
والنقطة المهمة كلمي انتي وزوجك مرشد اسري ترى حنا ماندري عن كثير من تفاصيل حياتك لازم احد يسمع منك ومن زوجك انصحك بالارشاد الاسري تواصلي معهم عندنا بالمحافظة جمعية اسمها تألف تواصلي معهم واسالي عن مرشدين وحبذا الدكتور ابواحمد الرميح
ولك من الدعوات في ظهر الغيب

شكلك حاطة براسك صورة مثالية بزيادة عن حياة المتزوجين

طبيعي كل شي ف البداية يكون حلو وجميل
ويكون في مبالغة في الاهتمام
وبعدين مع الوقت يقل الاهتمام

كل الكلام اللي كتبتيه طبيعي وعادي
وتقريباً كل اللي أعرفهم ومتزوجين نفسك
حتى كانوا يفكرون مثلك

أتوقع أنتِ تعودتي على الدلع ف بيتكم
ل هالسبب الحين منصدمة ومو عاجبك

بس الحياة كذا مشاركة
إذا ما عندك حد ينظف ويطبخ ويغسل
أكيد أنتِ اللي بتسوين كل هذا
وزوجك بيروح الشغل وأكيد بيتعب ولما يرجع يبي يرتاح
صعب يساعدك بكل شي
وأصلاً قدرات الرجل غير عن المرأة
هو مسؤول عن العمل والانفاق وتوفير الاحتياجات الضرورية
وأنتِ سوي الباقي وتعاونوا مع بعض
واحتسبي الأجر على كل شي تسوينه وما راح تتعبين
واستمتعي وأنتِ تهتمين ف بيتك لا تتحلطمين كثير
ولا تقارنين حياتك بغيرك

ونصيحة حاولي تقوين نفسك وتتأقلمين مع كل الظروف الصعبة
خذي الموضوع تحدي ولازم تنجحين فيه
ما تدرين بكرة كيف بتكون الظروف وكيف بتكون حياتك
لو صارت مشاكل لزوجك في عمله
وصرتوا فقراء ولا مرض لا سمح الله كيف بتتصرفين ؟

لازم تعودين نفسك على الصبر وتتوقعين أي شي وكل شي
ترا مو كل يوم بيكون مثالي وأكيد بتكون في صعوبات وتحديات
وهذي هي الحياة الزوجية مو مثل أفلام الكرتون عرس فخم وفستان حلو وبس

إذا استسلمتي بسرعة ورحتي بيت أهلك
أو انفصلتي عنه
شو عرفك يمكن تصير حياتك أصعب وبعدين تندمين

قدري النعم اللي عندك واحمدي ربك
وإن شاء الله يزيدك من فضله
ويصير لك كل شي يريحك ويسعدك

وحاولي بأسلوبك وتعاملك تخلينه يرجع يهتم
بس لا تصيرين زنانة
ترا بينفر منك وبيقل اهتمامه ويمكن يكرهك

السلام عليكم
اولا مبروك على الزواج
ثانيا طالما كان الزواج فخم فهذا يعني بانك زوجك مضغوط على الاخر فلازم تحسين فيه حتى يحس فيكي
ثالثا اذا كان فيكي عين اقرأ سورة البقرة بالبيت
وسورة البقرة اقوى علاج للعين
وانا استبعد العين لان العين له علامات جسديه ومناميه