((يا بنت لو تدرين يا بنت الاجواد))

**القارظ العنزي** · 07-31-23, 11:34 AM

يا بنت لو تدرين يا بنت .. الاجواد
ابكي عليك الليل مثل ..... الهديفة
من شافني سبحن وحوقل ولا فاد
يدعي وندعي والمحبة ...... كليفة
وش عذرك عند الرب خلاق العباد
خليتني ما لي بغيرك ...... وظيفة
غديت وكني بين الاجواد .... كداد
تسهر عيونه والمناظر ....... كفيفة
زاد السهر بالعين وزدنا ... بالاسهاد
والعين بيض نونها ........ يا لطيفة
والكبد عافت ما تنوع من .... الزاد
عافت لذيذ الزاد وعافت ... رغيفه
ما كني الا من بعض فرس . واكراد
كني غريب عن ديار ....... العفيفة
لا عاد الحب ياريش العين . لا عاد
غديت بحبك كاللي ينسج . قطيفة
عينه بعين القاع وشبره ... بالابعاد
شمس الضحى تلحاه لولا السقيفة
ليتك تحن وترحم القلب ..... وداد
قلبي يودك والمشاعر ...... عسيفة
عسفتني عسف العسيفة ... وجلاد
ما له جدى غير الحبيبة .... وريفه

القارظ العنزي

**احلام عابره** · 07-31-23, 11:55 AM

مسافر عدرب الغلا والشوق.. زواد
بروح ذبحها الوجد ونفس.. عفيفه

حاولت اداري دمعة العين ...مـافاد
والقلب خلف الظلوع يطلب. وليفه

ياصاحبي إن جيت عن الحال نشاد
الشوق مغمد ن بااشرايين ....سيفه

الزمن ساير معي....... بصد وعناد
والعين عن زلات الغوالي ....كفيفه

ياحباب لو انتو اقراب أو .....ابعاد
جنة غلاكم في حقوقي .....مريفه

صح لسانك شاعر المسك
القارظ العنزي
ابدعت وانتهت
مجاراة متواضعه اتمنى تتقبلها

ودي واحترامي

**همس الآيام** · 07-31-23, 12:09 PM

غديت وكني بين الاجواد .... كداد
تسهر عيونه والمناظر ....... كفيفة
زاد السهر بالعين وزدنا ... بالاسهاد
والعين بيض نونها ........ يا لطيفة

الله عليك الله
رووووعاتك صح لسانك وعلى شانك

**النسيم المسافر** · 07-31-23, 12:16 PM

الله عليكم قمة

الروعه والجمال

البديع

يسعدكم

لأيامكم

الهناء

**القارظ العنزي** · 07-31-23, 01:04 PM

صح السانك ملايين
احلام عابرة وفيت وكفيت
دام حرفك وزان ظرفك

**القارظ العنزي** · 07-31-23, 01:05 PM

كلك ذوق همس الايام

أدوات الموضوع
• مشاهدة صفحة طباعة الموضوع • أرسل هذا الموضوع إلى صديق
انواع عرض الموضوع
• العرض العادي • الانتقال إلى العرض المتطور • الانتقال إلى العرض الشجري

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز
خطوط انجليزية	اليمن الغد