منتديات مسك الغلا | al2la.com
 


Like Tree10Likes
إضافة رد
 
LinkBack أدوات الموضوع انواع عرض الموضوع
قديم 08-05-23, 02:10 PM   #1
أوتار الأمل

الصورة الرمزية أوتار الأمل

آخر زيارة »  02-29-24 (09:58 PM)

 الأوسمة و جوائز

افتراضي لا صار خلك يستحق المسبّـة ( سبّه )



لاصـار خلـك مستحـق المسـبـه
سبه ترى العشاق غيـرك يسبـون..

لاابوه لاابو الحب مـن قلـب سبـه
لاابو الغرام اللي يحدك على الهون

يالعـن ابـو قلـب غشيـم يحـبـه
ملعون والقلب اللي يغليه ملعـون..

اقـول مـن هبـاك ياخبـل هـبّـه
الدون مايسلك معاهم سوى الـدون

عـز الجفـا ولا هـوان المحـبـه
ماخوذ من يصير على الذل مغبون..

اظهر قواة البـأس والضعـف خبّـه
ترى الضعيف ضعيف لاطعم لالون..

الراس مااحـد يقطعـه غيـر ربـه
اقول عز النفس مااقول لك هـون..

خـلـه يـولـي لايـذلـك بحـبـه
ابعد وتلقاهم علـى البعـد يدنـون..

والا انت لـو ترقـد وبالعيـن شبّـه
ابرك من اللي يجرحونك ويسلـون..

ياجاهـل افهـم خذمـن العلـم لبّـه
اصبر وتنسى والعـذارى ينسّـون

الرجـل عقلـه دائمـا قبـل قلـبـه
ماهو عمى بالقلب ومفتّـح عيـون..

لاقدّمـوا حـبـه تقـدمـت حـبّـه
وان وخّروا وخرت والعز مضمون..

تـرى غـلا هالوقـت هبّـه وهبّـه
اغنم هبوب الريح لاتقلـب سكـون..

لاساعـدك حظـك تغانـم مهـبّـه
لاترتهي يجيـك يـوم ويصـدّون..

قبـل يذبّـك نـاب الأرداف ذبّــه
ترى حلاة الرجل طاعن ومطعـون..

كم عاشق خلّـوه مـن غيـر سبّـه
يصفق بكف كف مايدري وشلـون..

مالـه جـدى ياكـود دمـع يكـبّـه
عليه سيف الهجروالصـد مسنـون..

هذامـن اول يـوم لـو دل دربــه
مادش في دنيا المجانيـن مجنـون

لكن تبـع قلبـه وقلبـه لعـب بـه
واليوم يبغى عون ماحصّل العـون..

روض فؤادك ياابن الأجـواد ربّـه
البيض مايصلح لهن كود فرعـون..

والا ضعيـف النفـس دايـم مسبّـه
ودك مساكيـن البشـر مايحبـون..


 


رد مع اقتباس
قديم 08-05-23, 07:33 PM   #2
طاغي النظرة

الصورة الرمزية طاغي النظرة
صحراء نجْد

آخر زيارة »  اليوم (06:38 AM)
المكان »  السعوديه
الهوايه »  قراءه الافكار

 الأوسمة و جوائز

افتراضي



!


الشاعر معصب ههههه


لكنه ابدع

وابدعتي بالنقل انستنا اوتار


 

رد مع اقتباس
قديم 08-05-23, 07:34 PM   #3
متأمل

الصورة الرمزية متأمل

آخر زيارة »  02-13-24 (08:16 AM)

 الأوسمة و جوائز

افتراضي



ً
ً
لا والله السبب مو حب ولا ميانه
لذلك ارتاحي اختي الفاضلة اوتار

ِ


 

رد مع اقتباس
قديم 08-05-23, 11:49 PM   #4
أورلينا

الصورة الرمزية أورلينا

آخر زيارة »  يوم أمس (04:37 AM)
المكان »  أطلانتس
الهوايه »  الرقص مع الحياة

 الأوسمة و جوائز

افتراضي



قصيدة رائعة
وإنتقاء جميل
تسلم ايدك أوتار


 

رد مع اقتباس
قديم 08-06-23, 08:07 AM   #5
النسيم المسافر

الصورة الرمزية النسيم المسافر

آخر زيارة »  اليوم (06:44 AM)
المكان »  new york usa
الهوايه »  الشعر والتعارف والمراسلات

 الأوسمة و جوائز

افتراضي



يسلم احساسك


وذوقك الرفيع




ترانيم قلمك






الماسي




واختيارك




ممتع


ابدعت




يالغاليه






لروحك






تحيه



مكلله




بالورد



العطر


 

رد مع اقتباس
قديم 08-06-23, 08:14 AM   #6
خياآل

الصورة الرمزية خياآل

آخر زيارة »  02-13-24 (01:02 PM)

 الأوسمة و جوائز

افتراضي



نص هجائية يعبر عن السخط والاشمئزاز
الحالة المزاجية قد تختار
وش مزعل الاوتار


 

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 08:16 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا