|
والله هذا لازم يكون قرارك أنت اللي لازم تقرر بنفسك وتتحمل نتيجة قرارك إذا كان خطأ نحن ما نعرف ظروفك ولا ندري إذا كنت قد المسؤولية ولا ولا نعرف عواقب قرارك وهل زوجتك راح تتقبل ولا لا المهم الله لا يحوج المرأة لشرار الخلق لأن شرار الخلق هم اللي يذلونها ويستغلون احتياجها ونقاط ضعفها ويضغطون عليها عشان ترضى بشي ما تبيه أعرف وحدة كانت معاي بالمدرسة تزوجت وهي تدرس وتطلقت ومعها عيال بعدين عادي اشتغلت بوظيفة تناسب شغفها ونجحت على مستوى الدولة وحصلت جوائز بعد وبعدين تزوجت مرة ثانية وشخص بنفس مستواها > يعني مو طمعان بفلوسها ويحبها ومو متزوج من قبل وتقبلها هي وعيالها الرزق من الله لا ترجعين ل شخص يذلك ويهينك لو تطلقتي ويحسسك أنه صاحب فضل عليك والدنيا واقفة عليه |
اقتباس:
هذا شرع الله أعطى الأهليه لرجل يتزوج أكثر من واحده حتى تتتوازن المعادله الإلاهيه بين الذكور والأناث مثل ماذكرت لك سابقاً عدد الأناث على كوكب الأرض ٤ أضعاف عدد الذكور ، فلو تزوج كل رجال الأرض بواحده مثل مايرغبن النساء لضل ٣ أضعاف النساء غير متزوجات طيب مين يتزوجهن ؟ لهذا قال تعالى: (( فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً )) [النساء:3] يعني زواج بواحده زواج خوف من العدل ، أما إذا كان الرجل يرى في نفسه بأنه سيعدل يحق له يتزوج على الواحده ثنتين وثلاث بدون أن يحق لإحداهن تهمس بكلمه رفض ، لأن الرفض هنا بحد ذاته إنكار أو أعتراض لأمر الله . السؤال موجه لكل نساء الأرض : هل ترضى إحداكن أن تنكر أمر الله ..؟ من تنكر ذلك فهي وبكل أمانه ليست من أمة محمد وأمة محمد بريئه منها يوم الدين لأنها أولاً : عصت خالقها وثانياً : تمردت على رغبة زوجها المشروعه له وثالثاً : غيرت فطرة القوامة لذلك أنتبهي إذا في يوم زوجك قرر يتزوج عليك يا أرضي بالواقع ووافقي وعيشي معه أو إطلبي طلاقك بدون إعتراض ، لأن بمجرد أعتراضك خالفتي أمر الله . بختصار يابنات حافضوا علينا ترونا نادرين أوشكنا على الأنقراض هههههههههههههههه |
.. القصه مو قصة اعتراض على حكم الله فيه نساء ما يقدرون يتقبلون الوضع يتطلقون وترا اغلب الرجال ما يعدلون هذا شي نشوفه على ارض الواقع يميل لوحده ويسحب على الثانيه واكثر البنات يرفضون المعددين يعني لا تحسب ان المعدد بسرعه يلقى من توافق عليه يخافون من المشاكل واللي يتزوج ثنتين وزياده الله يعينه بشيب بدري :x150: السطر اللي قبل الأخير لو كان موجه لي عني انا لو انحطيت بهالظرف اذا ما تقبلت راح اتطلق وكلن بطريقه افضل ولا تفاول علينا يا أستاذ احمد :) وبالنهايه ما ياخذ الانسان الا نصيبه .. |
بصراحة أحس الرجل هو الخسران إذا عدد لأن هو اللي بينكسر ظهره من المسؤوليات خاصة لو كان على قد حاله والزوجة بترتاح خاصة لو ما كانت تعمل هو بيتحمل مسؤوليتها وهي مرتاحة ويصرف عليها وهي راح تخف عليها المسؤولية ويصير عندها وقت أكبر لنفسها ولو أنه شين ونفسية ومتطلب كثير بترتاح منه لما يكون بعيد هذا الواقع لا تنكرون :26: يعني اللي ترضى بالتعدد أكيد تفكر بمصلحتها وتبي الفكة منه وما تحبه ولاشي |
اقتباس:
معادلة عادلة ولا أحد يقدر ينكرها |
! ربعنا شفيكم // ياواد ياصعفق وش هالرحمه نزلت عليك جلجامش يارقيق الخواف ترى زواج ثانيه ليه خوفتو الرجال ليه كل هالسلبيه وان كان تقدر وتحمل وياويلك وياسواد ليلك … انا بقولك صدقني بتضبط الاولى والثانيه اذا انت شخص عدول وتخاف الله صدقني قريبي تزوج على بنت عمه ويحبها وكانت اغلب الوقت تروح لاهلها قبل الزواج وبعد الزواج ماعاد تفوت البيت وصارت تسال عنه مايغيب ليله برى الا اذا ليله ضرتها انت اصمل واذا ولادك كيار هذا هو الوقت المناسب اما اذا تحسب الاقدار وش يصير ومايصير فارتحت اذا انت راعي مراواه تزوجو فأن نبيكم مكاثر بكم الامم والتعدد حل لكثير من المشاكل من مشاكل عنوسه من مشاكل مقابل بيتك 24 ساعه تزوج ولك مني عانيه |
| الساعة الآن 05:44 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا