منتديات مسك الغلا | al2la.com

منتديات مسك الغلا | al2la.com (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   اريد الزواج بالثانية … ولكن (https://www.al2la.com/vb/t130362.html)

مشكلتي 09-10-23 01:32 AM

اريد الزواج بالثانية … ولكن
 
السلام عليكم

مشكلتي انني رجل متزوج وعند اولاد
اكبرهم سناً حالياً وصل للـ صف رابع
ابتدائي …
اريد الزواج بالثانية ولكن زوجتي هددتني
بانها ستنفصل في حال قدوم على زواج عليها.
افكر في زواج بالسر لفترة حتى لا تعلم هي
بالامر ..

صعفق طاش كندي 09-10-23 02:27 AM

اما تكون قد كلامك وتعلن وتواجه وتتحمل تبعاتها
من شتات لعيالك ومشاكل وعدم استقرار

او تخلي كلامك على قدك مجرد امنيات

شغلت انك بتتزوج بالسر وبتدس الموضوع
صدقني ح تنقفط.. وتطلع رمه راعي دسدسه ومافيك خير
وخاين ونذل وياخسارة العشرة والتقدير
طبعا هذا الكلام اللي بتسمعه
وهذا غيظ من فيض

انصحك توك امكن مالك عشر سنين
اذا بنت الناس مقصره بحقك اجبر بخاطرها ولاتكسر مشاعرها بالزوجة الثانية
ومافيه احد كامل ..
غض بصرك ولاتتفرج على النكبات اللي في برامج التواصل
واذا عندك نية وملزم.. خلها بعد التقاعد
تكون انت خلاص مدة صلاحيتك بالنسبة لها انتهت

يوم تتزوج وانت شايب مو زي يوم انت شباب
ماتبي تفكك الا انت متهالك
ووقتها قلها لقيت وظيفة وردية ليل
وروح الله يهنيك
حتى لو انقفطت
ماراح يجيك شي حامي
شلوطه ع الخفيف

بالتوفيق ياقمر

جلجامش 09-10-23 09:33 AM

اجلس مع نفسك وشوف اش هو السبب اللي يخليك تتزوج
وهل انت قادر على مسؤلية بيت ثاني ومن تربية بألاخص انه عندك
أولاد لان اذا خسرت زوجتك بالاكيد الاولاد ماراح يتربوا تربية سليمة
وهل انت قادر مادياً ؟

الخواف 09-10-23 09:35 AM



يعني على بالك راح تقولك موافقة وخذ راحتك وراح نكون سمن على عسل ...!!.

طبعًا شي أكيد راح تكون ردة فعل الزوجة بهذا الشكل ..!!



لكن :

1- هل أنت قد مسؤولية بيتين وعيال ..وما يتبع ذلك من مشاكل ...؟؟.

2- وهل أنت عايش على راتبك اللي تنتظره آخر الشهر ..؟

3- وهل أنت من النوع اللي يهتم بـ تربية العيال ...ولا من النوع اللي يترك عياله عايشين إعثري..؟.. ( العثري : كل ثمرة اعتمدت على ماء المطر دون تدخل البشر ..)


4- وهل راح تقدر تعدل بين عيالك ... ولا على حسب محبتك لأمهم ...؟





خلاصة كلامي :

بما انك طرحت رأيك في المنتدى عشان تسمع آراء الأعضاء ....فأنا شايف من وجهة نظري ان الزواج من الثانية مافيه راحة ...ممكن في البداية تنبسط ولكن بعدين راح تزهق مع ازدياد المسؤولية ...


وشوف وأنا أخوك : مافيه رجل إلا ويتمنى انه يتزوج أربع حريم ... وعشر جواري على دكة الاحتياط ...

لكن يفضلون انهم يجلسون على وحدة ...وكل واحد وله سببه الخاص ..



المهم لا تستعجل ..فكر مزبوط واحسبها بالورقة والقلم كيف راح تكون حياتك وحياة عيالك ...

وعلى فكرة شغلة انك بـ تعدل بين حريمك و بين عيالك .. فهذي شطب عليها ... غيرك كان أشطر ...




عمومًا أنت طلبت مشورتنا ..وحنا قلنا اللي عندنا ....وبكيفك ...فـ أنت رجل وتعرف الأمور اللي قلناها قبل ما نقولها لك ...





..........

بيريه بوليفيا 09-10-23 09:53 AM

بنت الناس ما قصرت معك
ليش تظلمها
وتتزوج عليها
بما انو زواجك الثاني
عنوانه انفصال

انت تشعر بملل
فالافضل تجدد حياتك الزوجية
مع ام اولادك

مو تروح تتزوج عليها

غَـزل ، 09-10-23 09:55 AM

'




(افكر بالزواج بالسرا لفترا)

هذا معناته ان زواجك زواج لأمر عاطفي او لأمر معين فقط !
بعدها خلاص !!
بدل الزواج و الخساير و صداع الراس
صارح زوجتك عن سبب اقبالك لزواج من ثانية بدل مصارحتها عن الزواج
صارحها عن الاسباب .. لعل وعسى ان تنحل الاسباب
متضح من كلامك ان السبب ربما لا يستدعي لثانية
واذا رغبتك فقط متأثر من اصحاب التعدد
بنهاية ستدخل بدوامة المشاكل وكثرة المصاريف ووجع الرأس
لان اذا ابنكم صف رابع معناته مازلتوا صغار


عموماً كان الله بعون زوجتك لانها بتكبر عدسات المراقبة عليك ..
الي عندي بس سألني يختبرني وندم انه سأل وبدال ما ازعل انا زعل هو


راجع نفسك يا اخ العرب.


الساعة الآن 03:29 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا