|
لما كنت اعيش في الرياض... رحت زيارة عند اختي المتزوجة في جدة... ويوم راحت مناسبة وخلت ولدها البلشه ابو خمس سنين عندي.... جاء وقت العشاء ومالي خلق اسوي شي... والبلشه اللي عندي جوعان... قلت له وش رأيك نطلب من المطعم احسن من أكلي؟ قال: احثن.... وش قصده النتفة ذا... المهم كبرت عقلي... وطلبت من احد المطاعم... وبعد نص ساعة اتصل مندوب التوصيل على جوالي... وطلع مصري قال: مساء الخير يافندم ممكن العنوان عشان اوصلك الطلب... قلت له: شارع.... ذكرت له الأسم... رد: ايوة فين حددي له قنب ايه... قلت له: مادري هي عمارة لونها ابيض على رمادي... قال: انتي بتهزري هحئد ادور عمارتكم باللون دا... انتم فين هل قنبكم حاقة معينة... قلت له: اي بقالة صغيرة يبيع فيها هندي... عصب وعلا صوته وقال: هندي ايه وبئالة ايه قيبي حاقه معروفة... قلت له: عندنا جارة مشهورة تبيع ورق عنب اسمها أم صالح... صرخ بقوة وهتف: أم صالح ايه وهباب ايه... يافندم حتدبسني بئيمة العشاء وادفعه انا من قيبي... قلت له: طيب فيه شجرة كبيرة حلوه تهـ قاطعني بصوت عالي: شقرة ايه دا قدة مليانه اشقار... اندهي راقل اكلمه... قلت له: مافيه الا انا وحمودي... قال: قيبي حمودي... رديت: صغير مايعرف يتكلم زين... جلس يحسب عليا ويدعي ويقول: لما انتي غبيه ماتعرفيش وين ساكنة بتطلبي ليه... قلت له: جوعانه ومالي خلق اسوي شي قال: ربنا يحئرك في قهنم ياشيخه قلت: افا واهون عليك ادخل جهنم... رجع يعلي صوته ويقول: ماتستعبطيش يابت حيدفعوني ايمة الوقبة يخرب بيتك قلت له: لحظة عندي فكرة خليك على الخط.. سمعته يسب ويتحلطم بصوت واطي ولا همني... قمت فتحت الشباك حق الصالة وشلت ولد اختي النتفة.. وقلت له حبيبي اقعد سوي بيدك باي باي تمام استسلم للأمر وجلس يلوح بيده ويقول باي باي.. رجعت للمندوب وقلت خلاص انا خليت ولد اختي في الشباك معلق... يقول باي باي انت لف الشوارع واذا شفت عمارة... فيها شباك عليها ولد معلق يقول باي باي بيده.. اوقف ودق علي هذي عمارتنا... سمعته بصوت منهار باكي يقول: خربتي بيتي حدفع ايمة الوقبة منك لله... وطاااخ سكر السماعة في وجهي.. تتوقعون ليش زعل؟! والمشكلة ماوصل الطلبية وانا جوعانه وش ذا المندوب مايصير!!! كنت بشتكيه لإدارة المطعم بس قلت حرام اقطع رزقه... |
تقييم . حبيبتي انتي قطعتي قلبه مو بس رزقه اه منك ضحكتيني ههههههه . دوم الضحكه الحلوه يارب |
وش في المنتدى معفوس؟! وصندوق المحادثات طاااار... وآخر المشاركات أختفت.... عندكم بعد ولا انا بس :MonTaseR_145: |
واللايكات اختفت ماقدر اعطي احد لايك :MonTaseR_145: |
فيه شي عجيب... انتم مثلي ولا انا فيني شي... لما ارفع أصبع رجلي الكبير... الأصابع الباقية... تنحني تحت... تتوقعون احترام له لأنه الكبير.... قاعدين تجربوا صح... ها قولوا لي مثلي انتم :x59: |
تقييم عجيب غريب :MonTaseR_112: . . جالسة تلعبين بأصابع رجولك ليه..؟ خبلة وإلا نونو .؟! . . المهم جربته صح وطلع كلامي صح ها :wild: |
| الساعة الآن 04:08 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا