صباح الخير والسعادة لقلوبكم النقية :81:

اكرهكم كلكم ما أحبكم :kkp00697:
كل المدونات عليها خمس نجوم
إلا مدونتي الحلوة محد فكر يحط لها نجوم :MonTaseR_145:

ما سمعتوا المثل اللي يقول...
نجمة ولو جبر خاطر في يد ساعي البريد :x124:

أخي جاسم... أخي الظاهرة
لكم كل الشكر والتقدير للتقييم والنجوم
ربي يسعدكم سعادة الدارين :81:

سمعتوا المثل اللي يقول: من قال ها سمع
هذا اللي قال ذا المثل نفسية معقد ليش؟؟
لأن بالعقل كيف بقول ها وانا سامعة زين
محد يقول ها الا وفعلا انه ما سمع زين
لكن ذا النفسية ابو المثل اللي اخترعه من كيسه
ورطنا الحين اذا قالت لي أمي شي اقول ها
لاني ماسمعت وش قالت وابيها تعيد مرة ثانية
لكنها للأسف تقول لي: من قال ها سمع
يانبع الحنان احلف لك ما سمعت وش قلتي!!
لكنها تصر على عدم الإعادة ولازم انفذ اللي قالته اللي ماسمعته
كله بسبب ذا النفسية الحقود اللي يحرض الاهل على عيالهم
الحين شلون اعرف وش قالت لي أمي وانفذه
:MonTaseR_145: :MonTaseR_145: :MonTaseR_145:

مغبرة مدونتي من زمان عنها ما ادخلها
لاني طفشانة ومالي خلق اكتب ولا اكلم احد
ولا أقرأ مواضيع ولا ارد على مواضيع
مودي مدري وش فيه يبي سفرية لباريس :MonTaseR_145: