Make some noise - منتديات مسك الغلا

**Selene** · 10-26-23, 11:29 PM

26th of October 2023 . Thursday . 10:25 PM

**Selene** · 10-27-23, 12:15 AM

VOLBEAT
من أجمل الفرق الي سمعتها أذني لحد اليوم !
طبعاَ اكيد اكيد بعد فرقة
AVENGED SVENEFOLD
الي جذبني كوني مستمعة روك من 2011
هو أول شي و الي اكتر شي صدمني صدقاَ
و يمكن تضحكوا عليه انو الفرقة أصلها
دينماركي !

متخيلين هالموضوع ؟

اصل الروك امريكي و تطور هنيك
و اشهر الفرق الي خلدها التاريخ امريكية
ف بستغرب شوف هيك فرقة

" راااائعة , تطرب الآذان و أصلها اوروبي ! "

و طبعاَ اللفظ بالاغاني ابدا ابدا ما بتحكوا انو الفرقة
دينماركية و متعلمين انجليزي !
هاد غير التعصب الاوروبي باللغات !
ما بعرف لو بس بالمانيا هيك
بس حبيت انو فرقة مانها امريكية و بتغني اغاني
من فن مانو من اصل بلدها ولا بلغة بلدها !
بالرغم من التعصب الموجود عنا

كيف عرفت أصل الفرقة ؟
صدقاَ ما فكرت سوي بحث ع الفرقة
لأني انسحرت بأغانيهم
بس في أغنية الهم هي هية :

Volbeat - For Evigt ft. Johan Olsen

الأغنية هي تعتبر تحفة فنية !
المهم , بالكورس و الي هو المقطع الي بيفصل
بين مقاطع الأغنية , غنوها باللغة الدنماركية

" ما بخفي عليكم انبهرت انهم دمجوا لغتهم مع الانجليزي
كان شي غريب علي بالأخص بأغاني الروك "

طبعا فكرتها تركية مابعرف
ليه حسيت نفس الحروف
بس لما فتت ع التعليقات شفت انهم عم يحكوا
عن اللغة الدينماركية و قلت مستحيل تكون الفرقة
دينماركية و قلت اعمل بحث و فعلاَ طلعت من هنيك !

تاني شي صدمني هو المغني الرئيسي للفرقة !
والله العظيم خرج يغني اوبرا من عذابة صوتو !
صوتو صافي و عذب بشكل لا يوصف !
يعني ما بعرف كيف اوصفلكم , بس الي بيسمع روك بيعرف
عن شو عم بحكي !

اغلب مغنين الروك بميلوا انهم يخلوا خامة صوتهم مضخمة
و بضخموها بزيادة بالاستديو بس VOLBEAT أبهرتني
كيف دمجت الروك بالصوت العذب مع دمج كذا لغة بالاغنية !

تالت شي ابهرني هو الحانهم و كلماتهم , مابعرف وين كانت
مختفية عني هالفرقة !

بحب لما اسمع اغنية روك اتخيل الغنية انها فلم او قصة
هيك سكر عيوني و حس باللحن و الكلمات و يتنقل المغني
بين طبقات الصوت !

مشان هيك حبيت فرقة AVENGED SEVENFOLD
لأنها عطتني هالمخيلة , كل أغنية منهم بتخليني حس اني
بمسرحية ! عاد VOLVEAT عطتني نفس هالاحساس !

عنجد فرقة ولا أروع !

رابع شي ابهرني انو الفرقة عمرها 11 سنة بس
متخيلين ! كتير قليل بالنسبة لفرقة روك وواضح انهم
طالعين جداد !

انا بقدر احكي انو الروك القادم رح يكون كتير حلو
خاصةَ انو عم تطلع فرق جديدة و أفكار جديدة
الروك عم يتطور للأجمل بالتأكيد

طبعاَ كلامي هاد مو يعني انو الروك القديم مو حلو
بس لكل موسيقى زمان و كل موسيقى حلوة
بس لما يتم دمج الفن بالتكنولوجيا و العلم
بيطلع معنا شي خيالي !

نفس " انو تطورت كتير تقنيات الاستديوات عن قبل
و صاروا الفنانين يتعلموا كذا لغة و يدمجوها بأغنيهم
حتى كمان قصص أغانيهم كانت ولا زالت مؤثرة
بس عم يتم تطويرها للأفضل "

حقيقة ممتعة :

يُدعى المغني الذي غنى الكورس باللغة الدنماركية " يوهان أولسن "
وإلى جانب كونه موسيقيًا ، فهو في الواقع عالم من جامعة كوبنهاغن
معروف باستضافته العديد من البرامج الإذاعية القائمة على العلوم وقد كتب
الكثير من الكتب . يستضيف حاليًا الحدث المباشر لمركبة Mars Perseverance
على التلفزيون الوطني . الرجل هو نوع من الأسطورة عندما تفكر في الأمر .

ترجمة الكورس للأنجليزية :

" Forever, maybe forever, shall we go together
the same way. And when tomorrow gets it’s eyes
and the night rests, shall we forever, maybe
go the same way ”

أغانِ أخرى :

Volbeat - Temple Of Ekur

عندكم هالأغنية خيالية ! الأغنية تحمل ثيم الثقافة السومرية القديمة !
و معبد أيكور ، هو مصطلح سومري يعني منزل جبلي . وهو تجمع الآلهة في حديقة
الآلهة ، ويوازي جبل أوليمبوس في الأساطير اليونانية، وكان المبنى الأكثر احتراماً
وقدسية في سومر القديمة .

لا تعليق على جمال الأغنية شي خيالي !

**Selene** · 10-30-23, 01:14 AM

YOUNG SHELDON
مسلسل امريكي كوميدي
بسلط الضوء على ولد صغير عمرو 9 سنوات
بس عبقري , ال IQ تبعو كان بمستوى اينشتاين
وبيحكي عن مشاكل هالولد بطابع كوميدي و هو عم يعيش
بمجتمع عادي ( بمعنى العالم الي بعاشرهم مو عباقرة )
و هاد غير انو المسلسل بيلقي الضوء على عدة مواضيع
مهمة بطابع كوميدي لحتى ما تبين انها غريبة و تجذب المشاهد . . !

اكتر شي جذبني بالمسلسل هو كيف سلط الضوء على الموضوع الديني !
علاقة العبد بربو و كيف انو الواحد من الغباء يكون ملحد حتى لو كان عبقري
و انو كان في عباقرة و علماء كانوا مؤمنين بالخالق , نفس اينشتاين , نيوتن
و حتى مخترع نظرية التطور تشارلز داروين .

حبيت كيف بالمسلسل مع تطور الأحداث , غير وجهة نظر الولد
( مع اني مستغربة كيف ولد صغير بالاساس عندو هيك افكار )
بس تغاضيت النظر كونه عبقري و بكل تأكيد فكر بهل المواضيع
بس انعجبت بتسلسل الاحداث انو خلى هالولد من ولد ما بآمن بوجود
خالق لشخص صار يؤمن فيه , طبعاَ كل هاد بتسلسل احداث الها علاقة
بالدين بطريقة غير مباشرة , مثلاَ :

لما مرض ابوه و اجتو نوبة قلبية , راح الولد على كنيسة موجودة بالمستشفى و
صار يصلي بالرغم من انو ما كان مؤمن انو في خالق ! بس كان يعمل متل ما تعمل
امو , تدعي لربها ! ( كون امو كانت مسيحية متدينة بالمسلسل ) و لما طلع ابوه
بعد ساعات من غرفة العمليات قال :

انا بعمري ما حسيت بإحساس الإيمان اكتر من هاللحظة !

وكمان لما صار مع امو موضوع هو انها قرأت خبر وفاة فتاة مراهقة عمرها 16 سنة
بحادث سيارة زعلت و تضايقت كتير , الأم مؤمنة كتير بالمسلسل , بس لما صار
هالحادث صارت تشكك بإيمانها , و ابنها شيلدون انتبه عليها , لأنها كانت دائماَ
على العشى العائلي تصلي قبل الاكل و الكل لازم يمسكوا ايدين بعض ( هي من
عادات المسيحين المتمسكين بدينهم يصلوا قبل ما ياكلوا و مو الكل بيعملها )
ف بعد هالحادث بطلت تعمل هالصلاة و بطلت تروح ع الكنيسة كل أحد وهو
كان يروح معها بالرغم من عدم ايمانو بكل هاد بس سبحان الله كيف الام مؤثر
قوي! انو كان يروح معها ع الكنيسة معها !

مع سياق الحديث رح تفهموا ليه الام مؤثر قوي !

و الي صدمني لما الابن الي ما بآمن بوجود الله حكالها قصة عن الكون , انو لو
الجاذبية كانت ضعيفة شوي صغيرة كان تشتت الكون ولو كانت قوية شوي كان
انضغط الكون ! ( هالجملة الي حكاها كانت تعني شي تاني و هو وجود الخالق )
و سألتو امو انو ليه عم تقنعني بوجود الخالق و انت نفسك مو مؤمن فيه ؟
حكالها انو الكون كبير ( هو بحب كتير يبحث عن علوم الفضاء ) و فيه كتير اشياء
دقيقة و غريبة فيه مو من المنطق انو هالكون كلو ما يكون الو خالق !

المسلسل بالرغم من انو من بدايتو بتفكروه الحادي ! بس شفتو مسلسل ذكي
بطريقة القاء الضوء على موضوع الاحاد بشكل غير مباشر و عن طريق عدة مواقف
ممكن تصادف اي شخص بيومه العادي !

و انو كيف مع اي مصيبة بتصير , منحتاج خالق يكون معنا , محتاجين خالق ندعيلو,
نشكيلو و يفرج همنا , محتاجين قوة اكبر , لأن برأيي لو مافي خالق و مافي قوة
كبرى نعتمد عليها بمصائبنا كان اغلبنا راح للهاوية حرفياَ !

و لما حكيت انو الام مؤثر قوي , بالمسلسل كمان سلط الضوء على هالشي
بطريقة غير مباشرة , لما بعتوا شيلدون على مدينة تانية مشان يدرس بمدرسة
متقدمة كونه عبقري ف هو طلع كذا صف , سكن عند عائلة و هالعائلة ما كانت
متدينة ف متل ما حكيت قبل كانت امو كل يوم عالعشى العائلي تصلي قبل الاكل
و تدعي ف العائلة الجديدة الي سكن عندهم ع العشاء حكت الزوجة يلا ناكل ,
استغرب شيلدون , حكالها مارح تصلوا ؟ و هي من عادات المسيحيين , حكت لا ما
منصلي و حكتلو انك انت ما بتآمن بوجود الله ليه بتصلي ؟ حكالها امي كانت تعمل
هالشي كل يوم ع العشاء , و هون عرفت انو الام مؤثر قوي للأولاد , مو بس هيك
, حتى العادات الي بتعلموهم لألولادكم حتى لو ما كانوا مقتنعين فيها رح يضلوا
يعملوها حتى لو انتوا مو معهم ! ف هالمسلسل كمان سلط الضوء على هالنقطة
المهمة !

انو الاهل من واجبهم يعلموا اولادهم عادات جيدة حتى لو هن متأكيد او حاسين
انو الاولاد مو مقتنعين فيها ! بكفي انكم انتوا الاهل مقتنعين انها عادات جيدة !

و انو كيف عادات صغيرة , بسيطة لفترات طويلة كيف ممكن تغير تفكير و كيف ممكن
تخلق لشخص عادة جيدة, مفيدة .

في كتير مواضيع اجتماعية و عائلية تناولوها بهل المسلسل و كلها بطابع
كوميدي , بس اكتر شي عجبني هو طريقتهم بإلقاء الضوء على الموضوع
الديني لأنو مو الكل بحب يتناولو و حسيتو موضوع مهم خاصةَ فكرة الالحاد الي
صارت تصادفني بكثرة هالفترة , خاصةَ اني ساكنة ب المانيا .

انا ضد هالشي 100% و بزعل ع اي شخص كان هيك ! لأن ضيع الطريق
الصحيح ! الحياة بدون دين فارغة ! بغض النظر قديش الشخص هو متدين
الفكرة انو الشخص يكون مؤمن بوجود الخالق , لأن شو ما صار معك لمين رح تدعي ؟
للشمس ؟ للكواكب ؟ و اي عقل بيقبل انك تدعي لجماد ؟ ع الاقل احترم الشي
الصغير الموجود بجمجمتك !

**Selene** · 10-30-23, 11:59 PM

إنّ الطريق إلى القمة صعب . ولكنْ يصبح التسلق سهلًا
إذا صـعدتَ على أكـتـاف الآخرين ، ويكون أكثر سهولة
إذا جعلتهم يعتقدون أن فـي الأمـر شـيـئًـا مـا من أجلهم .

**Selene** · 10-31-23, 12:10 AM

بالرغم من انو الاسود والابيض هن الوان حيادية

بس الاسود يعتبر لون دافىء والابيض بارد

معلومة غريبة ، على اي اساس صنفوهم هالتصنيف ؟

نحن منعرف انو اللون الدافىء بكون فيه نسبة احمر كبيرة
فيه والعكس بالبارد مع اللون الازرق

بس الابيض والاسود ؟

**Selene** · 10-31-23, 12:12 AM

-

" أيّ نوعٍ من المجانين أنا لدرجة أنّي حينما أفكّر في كل من حولي
لا أشعر إلّا بالازدراء؟ وكيف لي ألّا أزدري نفسي بالطريقة ذاتها؟
من أين يأتي حبي الغريب لنفسي، وأنا لستُ مختلفاً عن بقيّة شركائي
المواطنين السخفاء؟ - راي لوريغا .

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج