جيتِ لي صدفة كذا
ما دريت إش لون جيتِ


جيتِ أحييتِ خفوقي
حب يجري في عروقي


بس لحظة ..



قبل ما جيتِ ...


أَعَرْفِك.



آنا شفتك
مِنْ قبل هذا وعرفتك



بس مدري كان وين؟!


اِلتقينا قبل لا يولد لقانا
وانولد فينا هوانا


في زمن غير الزمان
والمكان هُوَّ المكان



وأنتِ أنتِ


آه يا أنتِ اش كثر تعنين لي
قبل أعرفك ..
ما أظُنِّي كنت حي


كنت أنا تايه بدونك
لين لاقتني عيونك
اِلتقيت بكل شي


حَلْيَت الدنيا بعيني
وافرحت فيني سنين


حتى أمسي اللي نكرني
أقبل اليوم يراضيني


السعادة في حضورك
طيبتك صادق شعورك


كل شي يا زِيَنه مِنِّك
حتى وأنت في غرورك


أدخلي قلبي بسلام
لا عتاب ولا ملام



حب وارف في ظلاله
ياصل للحد الغمام


وياصلك ...


قلب صادق في هُيامه
تسحرك رقة كلامه



أنت بس اللي عشقها
وخصَّها بصافي غرامه


أنتِ يا بسمة حياة
أنتِ يا طوق النَّجاة


ودي اسهب في كلامي
لين ياصل منتهاه


وياصلك ..



سُهيل








.

صح لسانك سهيل

شاعر شامل ما شاء الله

متمكن من أدواتك لله درك

شكرا لهذا الجمال