تذكرت واْلذكرى لها في الخفوق رْماح
لَاْ قَادر أَعيش اِبْهَا ولا اْقدر أَنَزِّلها


ترجّعني الذكرى لأجمل زمانٍ راح
وتبدا تفاصيل الحكاية مِنَ اوَّلها


تِقَلِّب على قلبي من الراحلين جْراح
بمن كانت الدنيا بهم تعطي أجملها


رحيلك عن الدنيا طعني بدون سلاح
مضى عام والفكرة عجزت آتقبّلها


يقول المواسي إنك برحلتك مرتاح
أنا أدري ولكن غيبتك مآ اتحمَّلها


حبيبي بعد عينك أشوف العباد أشباح
وجلساتهم صارت على النفس ما اثقلها


تصدق غلا الدنيا من العين بعدك طاح
حياتي بدونك مستحيل آتخيلها


لا في النوم قابلتك ولا بعالم الأرواح
مَعَ انِّي قبل ما انام صُورَتْك أَقبِّلها


حبيبك بعد عينك من الحزن سده باح
ليالي غيابك قاسية حيل مَاْ اطولها


يقولون لي إنسى وَاْنَا لَا ذكرت ارتاح
أبي عشرتي وَيَّاك تنعاد بَاْكملها



سُهيل

مايعود الي مضى مع الزمان ... وراح
ولاحد يدري بروح طول ابعد .. قتلها

الله يعينك ياسهيل على نزف الجراح
والله يقدرك وليالي الوحده.... تحملها

رحيل الاحبة وجع مابه هروج ومزاح
ياكبرها الفرقا على النفس ..ويا ثقلها





الشاعر القدير
حروف من نور ونار
انسحبت هنا على صفحات المسك
لتثير الشؤون في قلوب متعبه

صح لسانك ملايين
لك ودي واحترامي

أبيات ذات شجن وشجون


صح لسانك


لقلبك السعادة والطمأنينة


ودي

لله درك سهيل أشجيت وأطربت


متصفح متميز بحق


يستحق التوقف والإشادة


لقلبك حمائم السلام

الغالية هوس*
كل الشكر لهذا الحضور االراقي
أسعد الله قلبك وحفظك
دامت أوقاتك سعيدة
ممتن لك كثيرا
شكري وتقديري
تحياتي