المشاركة الأصلية كتبت بواسطة روتين ممل (المشاركة 3811558)

السلام عليكم

انا شاب عمري 24 سنة عندي اخت اكبر مني متزوجة وعندي اثنين اخوان اصغر مني وانا امي الله يحفظها عندي مشكلة معها وهي انها ما تطلب مني شيء الا وانا بالدوام واذا قلت لها انا بالدوام مشغول واذا طلعت راح اجيب لك اللي تبين وانا راجع تصارخ علي وتقول انا ما جبت رجال وانت ما منك فايدة ووووالخ ، يعني بالله شسوي اترك دوامي عشان اروح بنده اشتري بصل وطماط وخبز واوديها للبيت وبعدها ارجع للدوام يعني مو منطق ابد والمصيبة انها ما تطلب لكا اكون فاضي مثل لما ارجع العصر من الدوام او لما اكون فاضي يوم الجمعة والسبت ، ودايم اذا ما جبت لها شيء تتصل على زوج اختي وهو يجيب لها الاغراض لأن زوج اختي وكيل مدرسة ويطلع 12 ونص او وحدة واختي بعد مدرسة فزوج اختي بحكم انه وكيل مدرسة يقدر يطلع من الدوام ويروح يشتري لها اغراض ويوديها البيت وامي بس اذا شافتني تقول ما جبت رجال وما منك فايدة رجال البيت هو زوج اختك لبى قلبه كل ما طلبت شيء يروح يجيبه لي ومدري وش ، انا انجنيت يعني ايش ممكن اسوي عشان ارضيها ، والحين صارت تزعل لما ارجع البيت واشوف اختي وزوج اختي جايين عندنا ومبلطين وهذي عادتهم كل يوم ثلاثة واحياناً يجون كل يوم من بعد دوامهم يجون يتغدون والعصر شاهي وقهوة ويقعدون لين الساعة 9 مرات ويمشون ويا ويلي اذا رجعت البيت وارتحت ولا اخذت قيلولة لازم تبيني اقعد مع زوج اختي الثور عشان ما يحس انه غير مرغوب فيه واني لازم اضيفه وعشان اختي لا تزعل فاضطر مرات اني استحمله ومشي معه واسمع سوالفه البايخة عشان امي واختي ما يسوون لي صداع ، طبعاً امي ما اقدر اقول لها شيء واختي الكبيرة مرات تعلعلع بلسانها بس اطنشها لانها اختي الكبيرة ، ومرة ارتفع ضغطي لما رجعت بيتنا ولقيت اختي بس لحالها فقلت لأمي وين متعب اقصد زوج اختي غريبة موب موجود قالت امي بالمجلس قاعد وجيت بروح اقعد معاه قالت لي امي وين رايح قلت بروح المجلس عند متعب قالت امي روح غير ملابسك قبل لا تقعد عند زوج اختك بالشورت ، يعني مليون مرة البس شورت وبنطلون وقميص وكاب واجلس معاه ما ادري شفيها هالمرة تدور سبب على اللبس ، المهم فقلت ليش يعني اول مرة البس شورت فقالت لا بس زوج اختك بالمجلس زي الرجال ولابس ثوب وشماغ وانت بتدخل عليه كذا واختي ترمي كلام وامي تضغط علي وانفجرت عليهم وصارخت وتهاوشت معهم بس ما قللت ادبي عليهم لأني عصبت بسبب انهم كل يوم يدورون شيء يعصبون عليه ويرفعون ضغطي فيه ، وانا وصلت لمرحلة ما اقدر اتحمل احس بنفجر عليهم حتى زوج اختي صار يتدخل ويعلق على لبسي ويقول ورى ما تقعد في البيت وتسعسع بالشوارع امك تحتاجك ومدري ايش وانا خفت ارد عليه ويصيرون كلهم علي ، فيه احد عنده ام دي كذا ما يرضيها شيء ، يعني ايش اسوي عشان ارتاح من الحنة

المشاركة الأصلية كتبت بواسطة غير مهتم (المشاركة 3811759)

طيب امك ما تقدر. تقول لها شي


اما بنسبه له. يرمي عليك. ارمي عليه كلام. وقف عند حدد قل له مو عشان امي. معطيتك الضوء الاخضر تغلط علي احترم نفسك. خلك معه رسمي لا تتعذر دائما اسحب نفسك اذا كان هو متواجد معكم. لا تغصب نفسك تجلس معه. اذا خلص من بيتهم قل بوجه. ترا نبي خصوصه في بيتنا

امك راح تزعل بس مع الايام ترضي عندك مليون طريقه ترضيها

المشاركة الأصلية كتبت بواسطة m.ahmad (المشاركة 3811769)

والله أن أمك عرفت من تختار زوج لبنتها
هذا هو الزوج اللي بمية زوج

عموماً إذا تبي نصيحتي تزوج وأستقل أو أطلب نقل وخل زوج أختك يتكددها مع طلبات أمك .

المشاركة الأصلية كتبت بواسطة مسكك الغلا (المشاركة 3811767)

اسمع اخوي قبل ترتبط بدوامك بوقت كافي روح لامك حب راسها ..قول يمه تبين شي اجيبه ناقص مقاضي دامني فاضي بجيبها قبل انشغل . حط هالمهام هذي هي الاولويه . عشان تكسب رضى امك . وتشوفك شخص يعتمد عليك .
قول يمه ظروف شغلي ماتسمح لي وزي ما اتوقع انت تشتغل نظام شركات وهذول مافي امل يطلعون ع كيفهم .
لذلك انت حل هالاشكال بنفسك لا امك ولا اختك لهم دخل بالمشكلة وزوج اختك يتمنى اكيد انك تشيل عنه الحمل .
وبما انه كبير لازم تحترمه وتقدرة احسبه حسبة اخوك الكبير
وعشان الذوق . تحتشم بلبسك غالبا الشورتات قصار .

المهم تصاحب زوج اختك تعلم منه اكسبه صديق مو عدو انت خال عياله . بالنهاية ..

وزي ماقلت اذا دوامك الصباح خذ امك بالليل ودها تشتري كل الي تشوفه ناقص . تري لخذيتها ومشيتها معك تكسب رضاها
ناقش العمال قدامها خل تشوف كيف تعتمد عليك .

حل المشكله بيدك انت قبل غيرك ... وانتبه تسمع لحد وتخرب بيت اختك بيدك انتبه مابياكلها غيرك

المشاركة الأصلية كتبت بواسطة روتين ممل (المشاركة 3811774)

مافهمت كلامك لما قلت والله ان امك عرفت تختار زوج لبنتها ، يعني انت تمدح وتقلل مني ولا ايش يا الطيب