صادني في هواه اللي أنا رحت أصيد
لين ما صرت من حبك أنا ممتلي


من عرفتك وانا احساسي بأني وحيد
رغم إني ما بين الناس بك مختلي


دايم أنته معي بالرغم إنك بعيد
لك أسولف لو إني جالسٍ مع هلي


كيف طوعتني وأنا من أول عنيد
كيف خليت قلبي في الهوى مبتلي


كيف ذابت مشاعر قبل كانت جليد
كيف غيرتني لحظة تبسمت لي


ذاب لك حس فيني كان قبلك حديد
وانفجر داخلي إحساسي المخملي


صرت أحب الأغاني وفيك أنظم قصيد
واسهر الليل أناجي نجمك المعتلي


واشتكي لك غرامٍ لك جرى في الوريد
واترجَّاك أنا القاسي تحنّن علي


كيف غيرتني وأنا من أول شديد
كيف نسيتني الماضي ومستقبلي


لا بدونك سعيد ولا بقربك سعيد
أسعد الناس والله مَن فؤاده خَلي


ليتني كنت مثلك فـِ المشاعر بليد
ما أدور رضاك ولا يهم زعلي




سُهيل

ينصر دينها والله اللي صادتك..
لاتقول القصيدة خيال وتزعلني
الله الله الله
كنت مع السحر والجمال
حروف تسطر الجمال لتنفذ إلى الأعماق
إبداع وألق
بورك الحرف
صح لسانك ملايين