اهلا بـ اختنا غزل ..واهلا بعفشك
ثم اما بعد
"الدق" والهمز واللمز تمر علي كثير منّا لكن للاسف البعض نظامه يامعي ياضدي لو تختلف بوجه نظر "طنقر" و"شخصن الامور" وهذا زي ماذكرتي يعودي للعقد النفسيه اللي عاش فيها وادت الي عدم استقراره العاطفي والاجتماعي ,,!
الامور حاليا ياغزل تغيرت كثير راحت الشعبيه الجارفه زي زمان لما كانت المنتديات مسيطره وكان بالفعل صاحب الشعبيه لابد وان يتأذي بالكلام لأن زي ماقلتي المنتديات والنت عموما تجمع الصالح والطالح ...
عاد غزل اللي يشوفها ويشوف كتابتها يستغرب انها ممكن تنال نصيبها من حقد البعض لكن م استغرب المسأله مو هدوء وطريقة كتابه البعض له كاريزما خاصه تجعل الاخرين يحاولون تقليده او مجاراته او التعرف عليه وان لم تفلح المحاولات تبدأ ادوات "الدق " تشتغل بكل ماتيسر من "ضمير ميت" ..!

شاكر حضورك واضافتك الجميله ووقاك الله شرار خلقه ماعلمتي منهم ومالم تعلمي..

اخوك رومانس

حياك الله مس هوس..
احيانا لكل فعل ردة فعل ...
يجب ان نراقب تصرفاتنا ايضا فلا احد كامل ولا احد منزه عن الخطأ ويبقي الكمال لله والعاقل خصيم نفسه ,,
اما الطعن فالاعراض فاصحابها يعانون من "اغماءة ضمير" واحيانا "موت ضمير" وفالحالتين "الحقد " هو السبب لكن يبقي "الخوف " من الله ومن "ظلم " الاخرين" سبيل للعوده للخير والبعد عن مواطن الشر والظلم ..

وبس والله

هذا كلام مرسل فشياطين الانس احياء وعايشين بيننا فأدع الله ان يقيك شرهم ولاتغتر كثيرا بنفسك فما انت الا عبد ضعيف امام جبابره وحكماء واصحاب عقد وحل "كلوها بلحاهم" بسبب فتنه/ظلم/مكر..!

وبس والله

ياهلا والله
شكل عندك كاشف <<<تذكر ايام الكاشف
اقصد بالكاشف .. انك قدرت تكشف على نيتي قليلا
انت الله يصلحك درعمت قليلا
انا اتكلم عن شياطين الإنس

اما أحفاد ابليس اللي هم الشياطين والمرده والعفاريت زي ماقلتلك برضوا ماطقيتلهم خبر

طالما الشخص نيتة نظيفة وهذا كلام عام
اول مايخرج من البيت يقول
بسم الله آمنت بالله توكلت على الله لاحول ولا قوة الا بالله
اللهم إني أعوذ بك أن أظل او أظل او ازل او ازل او اظم او اظلم او أجهل او يجهل علي
تأكد بعدها مايصيبك الا لحكمة عند رب العالمين

انت ماتعرفني نهائيا ولاتعرف شيء عني عشان تحكم علي بأني مغتر بنفسي
وتحكم على كلامي السابق بأنه مرسل

ثلاث امور انصحك بها ان كان فعلا ماتبي تطق خبر لشياطين الإنس والجن

التوكل على الله
النية الطيبة
الصدقة كل يوم لو بشربة ماء لطير ولا بس

وللمعلومية ياقمر
انا بردي الأول وهذا الرد اتكلم من واقع تجربة شخصية
ما أتكلم من باب حفظت كلمتين من مقطع

عشان كذا
نصيحة لاتطلق احكامك الا على شخص تعرفة معرفة قوية عن كثب

وسلامتك

اهلا وسهلا بـ سيد صعفق..
يقولون ولا ادري مين...لكنهم يقولون..
الالسنه مغاريف القلوب عشان كذا قالو ولاادرين مين برضو لسانك حصانك فالناس لن تشق عن صدرك لكن لسانك احيانا هو مرايتك..!

المهم مايستفاد من ردك السابق ..
انت من جيل "الكاشف" والله الله يامنتخبنا ..
ايضا وفي كل مره تخرج من البيت تقول
بسم الله آمنت بالله توكلت على الله لاحول ولا قوة الا بالله
اللهم إني أعوذ بك أن أظل او أظل او ازل او ازل او اظم او اظلم او أجهل او يجهل علي ..
نيتك طيبه..
كل يوم تتصدق بشربة ماء لطير او بس"قط"..


وفي هذا يقول حبيبي اللي اعرفه بـ ابي هو وامي ..محمد بن عبدالله افلح ان صدق ..!



وبس والله

رومانس

بصراحة عندي..
ليش في كل موضوع يخص المرأه والرجل القي كل "حواء" ضدك لدرجة الشخصنه ومحاولة النيل منك بكل السبل ..؟!
المشكله دايم تلعب بخطه وحده معهم ودايم تمشي علي حواء