ليلة السبت - منتديات مسك الغلا

**بو نوره** · 02-23-24, 02:25 PM

هي ليلة السبت وآتية بعد سويعات قليلة

بسم الله أبدأ

ياللي بدعت القاف ليتك توقعت
قدام لا تلعب ولا تمتحنّي

فكرت في الابيات لحظه و قررت
أبدع مشاعرها على كل فنّي

وأنا بصير بفنها لا تبصّرت
كلٍ من الهقوات يحتاط منّي

لكن ياللي بالمحبه تسببت
يوم العيون بـ رمشهن أسبلنّي

صوبتـني وأمسيت من ليلة السبت
طريح من يوم الجروح نزفـنّي

علقتني وياليتني ما تعلقت
في حربة سهامك ولا صوبـنّي

أنا احسب إني تبت لكن ما تبت
إثر الهوى عاصوف ما يستكنّي

يوم اللقا ماشي عذر لو تعذرت
كل الدموع بشوفتك أذرفنّي

ورحب بك الخاطر ولو ما تكلمت
لين ركدت الأنفاس ثم أرجهنّي

واقفيت كنــي بالهوى ما تعلمت
والشوق دنّــان جرسه لك يدنّي

هذي مشاعر قلتها ما تكلفت
من غصة ٍ همّـالها ما يونـّي

وأرجو السموحه يالغضي كان قصرت
ترى المحبه عـبـّـرت فيك عنّي

قلم د.بو نوره

شتُوتغَارت

**الْياسَمِينْ** · 02-23-24, 05:07 PM

هو الحب وحده يستنطق الجمال
من لبّ قريحة الشاعر
تحيتي لك معطرة بالورد والود
تختم مع التقييم3 أيام

**جرااح** · 02-24-24, 06:10 AM

بونورره
جمييل جدا
ماجاد به قلمك
سلمت يامبدع

**بو نوره** · 02-24-24, 12:00 PM


	المشاركة الأصلية كتبت بواسطة الْياسَمِينْ


	هو الحب وحده يستنطق الجمال من لبّ قريحة الشاعر تحيتي لك معطرة بالورد والود تختم مع التقييم3 أيام

ولك مني نفس الورد والود
مراقبتنا العامة ياسمين مسك الغلا

**وارف** · 02-24-24, 01:56 PM

صح لسانك إلى مالا نهاية
وطبت وطابت قريحتك النديه
على هذا الفيض الشعري الراااقي

لك من التحايا انقاها واصفاها

**أعد النجوم** · 02-25-24, 02:18 AM

صح لساانك بو نوره

قصيدة جدا جميله

يعطيك العافيه شاعرنا المبدع