'




وعليكم السلام و الرحمة
ابعدي كل البعد عن القطط لان وبرها بيسبب حساسية جلد
وبتطفشي من تطعيماتها و تنظيفها
والارانب احس الاطفال مايعرفوا يتعاملوا معاها
والسلحفاة انا جربتها بطلع ريحه وتتقرفي
الطيور ممكن هي الانسب اذا اطفالك مايتعبثوا فيها

والله يبلغك برهم و صلاحهم.

بالعكس حلوة
تشغل الاطفال عن الأجهزة
بالذات الحيوانات الأليفة مثل الطيور والارانب
السمك ممل للأطفال
الطفل يبغى شيء يطارده ويفور معاه

البس ما أنصحك فيها اذا كانت عندك بنت
لانه تنقل جرثومة للبنت وتلازمها
هذا سمعتة من إحدى قريباتي كانت تربي بسس

انا دائما اجيب لهم حيوانات
مره سلاحف واذا طفشوا منها ارجع ابيعها واجيبلهم ببغاء بس يكون أليف حتى يلعبوا معاه كثير
واذا طفشوا منه اجيبلهم ارانب صغيره
بس هذي مشكلتها حساسه ولكن حلوه
الحين يبغون ماعز قزم
هذا بالذات اشوفه افضل شيء للاطفال

الله يحفظهم لك

أنا مع كلام عذار

راح يملون منها بسرعة ويتركون الاهتمام فيها
بعدين بتصير المسؤولية كلها عليك
ويمكن تحسين بعبء خاصة وأنت عندك أولاد مسؤولة عنهم

ممكن أسهل شي أسماك الزينة
لكن اللي لاحظته الصغار يتحمسون لهم في البداية بعدين يتجاهلونهم

بس لو حبيتي تربين أسماك الزينة
أهم شي تراعين أن حجم الحوض لازم يكون مناسب لحجم وعدد الأسماك
يعني إذا الحوض صغير خذي سمك صغير وعدده قليل
عشان يبقى الماي نظيف لفترة أطول

ولازم تغيرين الماي كل فترة
بس مو كامل تغيرين نصه تقريباً
ودرجة حرارة الماي لازم تكون مناسبة
عشان ما تصير رائحته كريهة

ولا تعطين السمك أكل كثير
عطيهم على قدهم
لأن لو يبقى الأكل في الحوض يصير الماي ملوث

وشوفي طريقة الاهتمام في اليوتيوب قبل ما تشترينهم

وبس
بكذا ممكن يعيشون لفترة أطول


أما الطيور يموتون بسرعة وما يتحملون وعلى حسب النوع
مرة أخوي جاب طيور ل بنته
والقفص كان صغير بصراحة
ما كملوا أسبوعين وماتوا مع بعض
كانوا اثنين ذكر وأنثى
الأنثى طول الوقت ساكتة ومستحملة
والذكر طول الوقت معصب ويهز القفص ويبي يطلع
عورني قلبي عليهم وللأسف ماتوا
ومن بعدها قلت مستحيل أفكر أجيب طيور لأن حرام يتعذبون

القطة أو البسة جبناها وطلع أخوي يتحسس منها ورجعناها
يعني ما يصلح لو عندكم حد يتحسس من القطط

السلحفاء بعد جربتها
لما تكون داخل تبرد بسرعة من التكيف
ولما تكون برا حر عليها وما تتحمل
وكنت أحسها متضايقة ومو مرتاحة

ومرة طلعتها برا و فكرت أخليها تتمشى براحتها في البيت
عشان تغير جو
وللأسف شافت الباب مفتوح وهربت
بدون ما انتبه
آخر شي توقعته أن السلحفاء ممكن تهرب لأنها بطيئة
ما توقعتها بتروح بعيد وزعلت عليها لما اختفت

وبس هذي تجربتي مع الحيوانات الأليفة

هو أهم شي تكونين تعرفين كيف تهتمين فيهم صح
وعندك الوقت الكافي

أنا قالولي بأن الأنثى اللي لونها أصفر
والذكر اللي لونه أزرق

كان واضح من شكلهم أنهم مو متقبلين بعض
لأن كل واحد منعزل عن الثاني ومكشر
وما يقربون من بعض

يمكن يكون السبب مثل ما ذكرت
ويمكن أنهم مو متقبلين بعض ل هالسبب ماتوا

~

شكراً على المعلومة 😊