إذا الغرض تعارف من أجل علاقة
صدقيني راح يحب كل الانواع والأشكال والصفات
والأجنبية والعربية والنحيفة والمتينة حتى الحية والميتة راح يحبهم هههه


حسب الحاجة
والحاجة وحدة ..
لكن الارتباط بزواج
يكون عنده صفات معينة + قبول في القلب

واللي يحب ما يشوف عيوب المحبوب ..


ومرة اذكر سمعت فيديو ان الرجل يحب هو يكون الصياد
عايش دور
هو اللي يبادر وهو اللي يسعى

صعبة تلقي عقول رجال متشابهة
لكن النساء دائماً يلتقوا في افكار كثيرة ..

تكشخي عشان نفسك مو عشان احد

ممكن بس مو كلهم نفس الشي
هذول اللي يحبون يشبكون البنات ويتسلون
يدرون على بنت ما تعطيهم وجه
مو لأنهم يحبونها بس عشان يرضون غرورهم
ويثبتون لنفسهم أنهم يقدرون يجيبون راسها ومن هالكلام
يعني حركات غبية لا تهتمين ل هالنوع

بس لاحظت مرات اللي يكره شخصية معينة
آخر شي ياخذ نفس اللي يكرهها
عاد مدري ليش وشنو الحكمة يمكن عشان يتقبل الاختلاف
وسبحان الله يصير يتقبلها مدري كيف

عموماً
الأذواق تختلف

والله فكرتك تقولين يحبون اللي ما تعطيهم وجه

النوعين موجودين

يعني هذا النوع يمكن يفضل أن البنت هي اللي تبادر
ويستانس لما تعطيه وجه وتركض وراه
عشان يحس نفسه واااو وحركات
يعني شوفوني البنات يموتون علي ويجرون وراي

خف علينا يا محور الكون

لا مش صحيح وبعيد عن الصحة ...

فقط أمه وأخته هن اللي ينظرن للبنت من ناحية ملابسها واتباع الموضة وغيره ...بدليل ان كثير من الأمهات إذا شافت وحدة في حفلة زواج ترقص فوق المنصة أو وحدة رايحة جاية بين المعازيم ...على طول تسأل عن أمها عشان تخطبها لولدها ....

واما اللي جالسة في مكانها وساترة نفسها وهادية ومش خفيفة عقل وتصرفات .....فـ الأم ما تهتم لها لأنها في نظرها معقدة ..


أما الرجل ما يعرف شي عن هذي الأمور ...فقط يحب انها تكون حلوة وما عليها ملاحظات من ناحية سلوكها ....


وحتى الصايع ما يحب أي وحدة متعرف عليها أو من هذا القبيل ........فقط يحب انه يتزوج وحدة مستورة في البيت ...



خلاصة كلامي :

الرجل في الغالب يتزوج حسب اختيار أهله ...فقط ممكن يسأل هل هي حلوة ولا لا .... ثم يشوفها وقت النظرة الشرعية ..وباقي امورها ما يعرفها ...فقط أمه وخواته هم اللي عارفين باقي امورها ...


وأنا عن نفسي لا أثق في اختيار الأم والأخت ....ولا أنصح بـ الاعتماد عليهن ..وخاصة في وقتنا الحاضر ...