هذا مو انا هذا قريني



رشحوني اطلع اتكلم عن سرطان الرئة بس انا خبصت في الفديو
السؤال ليش كل الفديوهات و صور في السوشل ميديا ما حبيتها


بدء المرض بألم في احد المناطق الحساسة في الجسم بعد الفحوصات تم تقرير عملية استئصال العضو و بعد الأستئصال تبين انه ورم منتشر واصابة كتلة في الرئة اليمين وقرر الدكتور اعطائي اربعة جرعات كيمو ( كيماوي ) الجرعة اخذها في ثلاثة اسابيع الأسبوع الأول تنويم ثلاثة ايام الأسبوع الثاني والثالث اخذ الجرعة في غرفة عادية كاني متنوم واطلع في يومها من ساعاتين الي ثلاثة ساعات الأسبوع الرابع الجرعة الثانية وعلي هذا الحال اخذت الأربعة الجراعات هذا كله كان في احد المستشفيات الخاصة بعدها قرر عملية استئصال كتلة الرئة ووصاني بدكتور معين لأمراض الصدرية والقلب المفتواح والدكتور خيرني بثلاثة مستشفيات مسشفى حكومي او قسم خاص في نفس المستشفى الحكومي او مستشفى خاص واتسهلت علي المسشتفى الحكومي وتم استئصال الكتلة الي في الرئة المفروض انا انتهيت من السرطان معدل الخلاية السرطانية في جسم الأنسان 10 واقل في الحالة الطبيعية في حال زادت عن هذا الرقم في مشكلة يعني كل انسان عنده خلاية سرطانية خاملة المهم بعد العملية كان معدل الأورام 187 او 178 بعدها تقريبت شهر ونص الي شهرين رحت موعد عند دكتور الأورام فحص لمعدل الأورام سويته ولما رجعتله في المراجعة كان معدل الأورام 12 الف كان وقتها معايا الوالد والوالدة وخالي خالي يعرف يقرا تقارير التحاليل وله اطلاعات طبية وعرف وسكت وقال بجاول اسفرك تتعالج في الخارج المهم دخلتا للدكتور والأبستامة مافي احلا منها من الظرس للظرس شاف النتايج انقلب وجهة زعل وقالي بكرا تروح المستشفى الحكومية وبحكم المستشفيات الحكومية وصعوبت المواعيد ما قدرت ادخله بعد ما رحت لدكتور بيوم بداء صداع صداع نصفي دوخة في نفس الوقت ختمت وقتها كل الأطباء العامين واطباء الباطنية في خلال ثلاثة ايام بسبب هذا الحالات الثلاثة (اسميها الثلاثي المرح ) اخر دكتور رحت له قبل الظهر كان طبيب باطنية نصحني اروح لدكتور مخ واعصاب المهم صليت العصر في المستشفى والحمد الله دخلت علي أستشاري المخ والأعصاب وكنت اول واحد اعطاني فيفادول وحبة ماني فاكر اسمها ومن اقرب بقالة اخذت ماء واخذت حبتين فيفادول ساعة ساعيتن التعب هوا هوا افتكر وقتها جايين ضيوف عندنا قبل المغرب بساعة ونص او ساعتين اخذت من الدواء الثاني بعدها ما وعيت الا في المستشفى الحكومية ثاني يوم الساعة 12 قبل الظهر في الطورئ فوق سرير كيف وصلت ما ادري وصحيت مفجوع فين انا ما اعرف ( كلام الوالدة في ما بعد انهم ودوني المستشفى وانا ماشي علي رجلي بس انا ما افتكر ولا شي والي ودانا زوج اختي) من المواقف الصعب سبق وقلت الموقف في المنتدى المهم جلست يومين في الطوارئ ثالث يوم طلغوني تنويم في غرفة عادية كانت قسم الأورام وجلست وقتها في القسم عشرين يوم اكتشفو انه في كتلة في الدماغ وهيا الي مسببة الثلاثي المرح اليوم الواحد وعشرين اسئصلو الكتلة الورمية في الدماغ و يوم في العناية المركزة وثاني يوم طلعوني غرفة عادية في قسم المخ والأعصاب وجلست ستة ايام وخرجوني مع موعد بعد ثلاثة ايام لتحضير جسم معين عشان اخذ شوشو ( الأشعاعي ) وبعدها بدأت جلسات الأشعاعي أسبوعين من السبت للأربعاء كل يوم احضر جلسة شوشو وارجع البيت المشكلة حضوري الساعة 12 الظهر ومن الشروط وما اتعرض للشمس بشكل مباشر والوالد الله يعطيه العافية كان علي راس العمل وما يقدر يوديني ومقضيها تكاسي ومشي في الشمس بس كنت البس كاب مسافات تقريبت 300 متر من بيتي للشارع العام ومن المتشفى تقريبن من 150 الي 200 متر عشان التكاسي المهم بعد ما خلصت شوشو بشهر بدأت جرعات الكيمو وكان مقرر 8 جراعت بس تمت ستة واكنت أسبوع في المسشفى وثلاثة اسبيع في البيت بس من ثاني جرعة ما اكمل ثلاثة ايام الا وانا عنجي سخونة نقص مناعة وارجع المستشفى خمسة ايام ولا يصادف يوم خميس وجمعه ( وقتها كان ويك اند ) وما اخرج الا السبت في الدوامات الرسمية
في الجرعة السادسة الجرعة الأستثائية (من ثاني يوم وانا في المستشفى وبدأت جرعة الكيمو في خلال العشرة الجرعات امتنع عن الأكل مافي قابلية اجلس حدود العشرة ايام ما اكل في المرحلة الثانية والمرحلة الأولي ثلاثة ايام من اي جلسة والسبب الغثيان وما اشتهي حتى الشرب كميات قليلة جدا كويس لو كملت قارورة 330مل في اليوم ) اما الجرعة السادسة سميتها استثنائية خرجت من المسشفى وصلت البيت شهيتي مفتوحة وقتها رجعت البيت ستة ايام ما اكلت شي وكاني شميت العافية وكنا نمر بضروف مادية صعبة انا عملي قطعو راتبي والوالد وما كملنا سنة ناقلين بيتنا الجديد وصلت البيت مافي شي اكله لازم طبخ والوالد والوالدة نايمين طيب ايش اسوي ( بعد اي جرعة او جلسة كيمو او شوشو ما اخرج من البيت ثلاثة ايام بسبب نقص المناعة عشان ما امرض ) اخذت مفتاح سيارتي ورحت تكست وهو من حضي مشوار واحد رايح جاي واعطاني مية ريال واحلا فطاير علي الطاير واخذت مقاضي المهم صرفت 70 ريال رجعت البيت اكلت وتقريبا 10 الصباح نمت الساعة 12 الوالدة صحتني مسخن ارجع المستشفى بعد ما خرجت من المستشفى وعلي عادتي اروح للدكتور في المتشفى الخاص في الأسبوع الثالث يوم السبت وارجع يا الثلاثاء او الأربعاء فحوصات والحمد الله وقتها معدل الأورام 1 من 10 يعني الحمد الله انتهيت قالي خلاص قلتله مساعدك يقول باقي جرعتين قالي خلاص انت الحمد الله التعافيت ( الحمد الله جلست في المرض اكثر من سنة ونص واقل من سنتين والي افتكرة في التواريخ العملية الأولي اواول جرعة كيمو وثاني جلسة كيمو )

من الأشياء الي كانت تهون عليا سوسو وكيمو قبل ما امرض كنت مشترك في اكثر من منتدى لدرجة اني كنت اداري و دعم فني في اكثر من منتدى بس بعد سوسو انا عتذرت عن الدعم الفني لانه مو كل وقت اقدر ادخل كملت كاداري منسم طول الوقت في قسمين الوناسة والتسلية والألعاب وكنت اقول وقتها فلها وربك يحلها



ما حسيت بألم الا المنطقة الحساسة و الورم الي في دماغي هذا الألم الي حسيت بيه الألم الحقيقي في سوسو ( السرطان ) هو جرعات الكيمو وفي المرحلة الثانية من جرعات كيمو كنت اعاني من الأوردة عشان محاليل الكيمو والأدوية الي كنت اخذها من الأوردة والي الان انا اعاني منها عشان كذا اكابر وما اروح المستشفى والتحاليل عشان سحب الدم اقل شي ربع ساعة عشان يطلع دم ( ما عندي دم )

الي يقولي سلامات بكفخة انا متعافي تقرين شهر يونيو 2010

قال الله تعالى"عسى أن تكرهوا شيئًا وهو خيرٌ لكم وعسى أن تحبوا شيئًا وهو شرٌ لكم واللهُ يعلمُ وأنتم لا تعلمون"
وقال تعالى"عسى أن تكرهوا شيئًا ويجعل الله فيه خيرًا كثيرًا"

انا شفت شي من الخير وشفت شي من الشر واقولها الحمد الله انه ربي اصابني بهذا المرض ما اعرف ايش ممكن يصير لو ما انصبت بالمرض وهذا امر في الغيب والله العالم ا به والله اني حبيت السرطان وهو من اهدافي في الحياة اتواصل مع اي شخص محارب سرطان انا لما اتكلم مع اشخاص عادين عن سوسو ينبهروا فما بالك لما اتكلم مع محارب اوصفله كل الي هوا يمر به وهذا صار معايا كثير


كنت ممثل العلاقات العامة في مؤسسة متعافي منطقة مكة المكرمة في سنة 2020 المؤسسة انقلبت جمعية والجمعية علي منطقة الرياض فقط ولاكن مجموعة المتعافين الي كنا اعضاء في المؤسسة الان تجت ظل جمعية متعافي السرطانوان شاء الله بتم افتتاح جمعيةفي منطقة مكة المكرمة


اخر كلمة اقولها وهو شعارنا انا وقروب متعافين ومتعافيات السرطان في منطقة مكة المكرمة

بلألم بنينا الأمل وبأمل هزمنا الألم

دقيقة بستحي

شكلي حستحي كثير

للأسف كثير ماهم فاهمين السرطان بالرغم انه علاجه صعب بس هو مرض زي اي مرض

شكرا لقاء للرد الملهم

اللهم امين والله لا يكتبه علي مسلم

انا قلتها شكلي بستحي كيثير