ما كل ضحكة .. وراها نفس مرتاحة
نضحك .. وآهاتنا في النفس مزحومة


ما دام دنياك هذي .. ما بها راحة
حطم جروحك ولو |ضِحْكَتْكْ| مزعومة


لا تشغل النفس بالَّطافي على الساحة
وْلا كل موقف يمرَّك تحمل همومه


شوف العصافير فوق الغصن صدّاحة
ما همها الغد (شِنهي) تصبح علومه


صيادها حط فوق الأرض ردَّاحة
وان حلّقت في السما ما تأمن سهومه


ما هما : طايرة .. تمشي .. وسبَّاحه
حرة ولا همها الصياد ورجومه


خلك كذا طير حر الشمس مصباحه
شجاع لا مر ذِكْره يهزم خصومه


وإن خافوا الناس طول الليل وَاشْباحه
وسهروا من الخوف أنته ليلك تنومه


عيش الحياة (اِبَّسَاطة) نفس مزاحه
أبعد عن الحزن لا يخْنقك جاثومه



سُهيل

مرحبا بك أم الفهدة
شكراً لروعة حضورك وجمال كلماتك
سلمتِ وسلمت ذائقتك
ربي يسعد روحك
تقديري

مرحبا بالغالي أعد النجوم

صح بدنك ودامت ذائقتك

ما عليك زود طال عمرك

شكري وامتناني لك يا كريم

تحياتي