إذا جيت أبكتب خانني يُمَّه التعبير
شعوري تجاهك فاق حسي وتبياني

أحبك مِنَ اْعماقي وحبك بقلبي غير
وبُعدك ورب البيت زلزل لي اركاني

أحبك وفا واْخلاص أحبك غلا وتقدير
وحبك ملا يا غالية كل وجداني

إذا شفتك اقبلتِ يكاد الفؤاد يطير
مشاعر أبد ما شلتها لْواحدٍ ثاني

رحلتِ وصار اللي أنا مآ ابيه يصير
بيوم الأحد وَدَّعت أهلي وخِلاني

رحلتِ عن الدنيا وقلبي انكسر تكسير
وغاب بغيابك أُم بالحب ترعاني

أنا من بعد عينك وربي ماعدت بخير
أحاول أخاوي الصبر والصبر خَلاني

في لحظة يَ يُمَّه جاوزت قدرة التفكير
أحاول أعيدك لِيّ وَالفكر يعصاني

عمر في فضاءاتك أنا اطير مثل الطير
وفجأة بلا موطن بلا حضن رباني

بلا صبر يسعفني بلا منطق أو تبرير
وأفكار سودا ضدها وَقَّف ايماني

رضيته بحكم الله رضا ما يمسه ضير
واستودعه فقدي وحزني وحرماني



سُهيل