أرحب تراحيب المطر ياغناتي
أروح لك فدوه لعينك وطاريك

هات المحبه والغلا ياغلاتي
والله لبيع الكون يازين واشريك

العشق لجل عيونك السود باتي
وإرتاح في قلب(ن) يحبك ويغليك

ترا الهوى في حبكم من صفاتي
واعطيك كل إللي تحبه* ويرضيك

وقت( ن) مضى في حبكم يافتاتي
ماكان يحمل داخله أي تشكيك

عطيتك أغلى شي ..عمري وحياتي
وإنتا تعاملني بكيف(ن) وتسليك

أتذكرك حتى وأنا في صلاتي
وأدعي لك الرحمن مايوم يبكيك

أرجوك تذكرني إذا جت وفاتي
وسامح فؤاد إللي يحبك ويرجيك