{لله يشكي مكسور الجناح}
هم جثم على القلب اجنبيه
عساها تنزاح والقلب يرتاح

شوكه وبعض القضاه شكيه
الله يبلاهم بداء ماله كفاح

الهم يطوي المظلوم بكيه
والظالم بعالم الظلم سواح

على هُونك الشِّعر لك و ليِّه
والشِّعر صار لسد حبنا بواح

آه أنفس ماتت بالذكر حيه
مثل ما قلتي عطرها فواح

بالشعر أمدح الولد و البنيه
بطيب الأفعال قولن صراح

أم العيون السود أثرت فيه
ليا من سلهمت ترمي الرماح

والشعر شلال إلى الشطيه
خلْفِيَّةَ الخصرين لمنه طاح

إن قلت سواد الليل شويه
للعين جذاب أقبل والا راح

زَيَّنْ البستان تفاح قل زيه
آه من تفاح له النفس ترتاح

وآه منه إلى منه مال عليه
ذاب قلبه ودمع العين ساح

لا مشى بالهون حلو الخطيه
قل عنه رأس مال و أرباح

كله رشاقة خفيف الوطيه
انعم من الورد كف السماح

لا تلومون مثلي لاعيَّن شيه
كَبَّر ونادى حي على الفلاح

توجه للخالق ثم راح لحيه
يمشي حافي لنور الصباح

لا يفكر أنسى بشرى وهديه
وخواتها لمن زادت الجراح

لا تلمون حمد يبكى اوخيه
بعد فرقاه مكسور الجناح

أخوي ودعنا وقت أضحويه
آه أبكي ماجد ريف الملاح

ألا ياليت البيض تنجب زيه
آه اصيح وما يفيد الصياح

عسى قبره عليه ظل وفيه
شاب شب مع أهل الصلاح

وصلو ياأهل البشت والعبيه
على نبيا وادعوا الهم ينزاح
ش: حمد بن فهد المخالدة السبيعي

يارب ينزاح همك... سلمت يمناك، قصيدة رائعة

أختي الكريمة الغالية جرأة الأمل اللهم آمين وينزاح هم كل مهموم ومهمومة
حفظك الله ورعاك في السر والعلن دين ودنيا وآخره
أسعدني مرورك الأروع والأجمل يسعدك ربي سعادة الدارين الدنيا والآخرة.
أخوك/ حمدفهد

والنعم فيك أخوي يارب يجبرك جبر يتعجب منه اهل السماء والأرض لاتنسانا من الدعاء ولك بالمثل

أخي الكريم الغالي أعد النجوم صح بدنك مدد بلا عدد يحفظك ربي دين ودنيا وآخره.
أسعدني مرووورك مرحبا مليون ويزيدون ما ينقصون.
أخوك/ حمدفهد