منتديات مسك الغلا | al2la.com - اقماع بحشوه الدجاج

المقادير والطريقه مع بعض ..
اول شي نسوي الأقماع ..
تعمل من خبز التورتيلا
[ طحين + ماي ] ويقفل الاطراف فيه
ويقطع الخبز لمثلثات مثل كذا
http://up.arab-x.com/July11/p0J01615.jpg

ناخذ كل مثلث ونلفه على شكل قمع وبالطرف نحط الخليط اللي قبنا بنقفل فيه " الطحين + الماي "

يصيربالشكل هذا
http://up.arab-x.com/July11/2q301615.jpg

بعدين ندخل كل قمع في الثاني ونحطه في حافظه عشان ماييبس

الحين نجهز الحشوه ..
بتكون 3 طبقات أساسيه
طبقة الدجاج / طبقة الخس / طبقة الجبن
بالنسبة لـ طبقة الدجاج ..
نسوي التتبيله حقت الدجاج وهي عباره عن :
[ علبة زبادي / 3 ملاعق كبيره صوص الـ Hp العادي / عصير ليمونه / فص ثوم صغير مفروم / ملعقه كبيره خل / شوية فلفل اسود / شوي ملح / شوي بهارات ] ..
بتلاحظون اني ماكثرت بهارات وفلفل اسود وملح .. لأني برجع احطهم مره ثانيه وقت الطبخ ..
نجيب 4 صدرو دجاج ونقطعهم لمكعبات صغيره ونخليها تتبل بالتتبيله اللي سويناها لمدة ساعه أقل شي ..
على ما تتبل نجهز الخس ..
نجيب خس ونقطعه لقطع متوسطه تقريبا
ونجيب 3 ملاعق مايونيز وملعقه كبيره عصير ليمون ونخلطهم معها ..

ونحطهم بالثلاجه لين نكمل باقي شغلنا
http://up.arab-x.com/July11/FEH01830.jpg
الحين نجهز الجبن
نجيب جبن ..

ونجيب فلفل احمر بارد .. ونقطعه لمكعبات صغيره ,
وبقدونس .. نقطعه لمكعبات صغيره بعد ,
ونضيفهم للجبن ..
( الفلفل والبقدونس اختياري .. )
http://up.arab-x.com/July11/YYK01831.jpg

الحين نجي للدجاج اللي تتبل ..
نجيب قدر .. والا مقلى .. بكفيكم ,
نحط فيه الدجاج مع التتبيله ( بدون زيت بدون اي شي )
ونخليه على نار متوسطه لين ينشف من الماي اللي فيه ( الماي اللي بيطلع من الدجاج + الصوص حق التتبيله )
تقريبا بياخذ ثلث ساعه ,
لما ينشف نضيف عليه شوي زيت ..
ونقلبه دقيقتين ثم نضيف عليه بصله صغير مقطعه شرايح طويله ..
ونقلب لما يذبل البصل ..
ونضيف عليه مكعب ماجي ..
وشوي بهارات وفلفل اسود ,
وملعقتين كبيره معجون طماط
نجيب فطر مقطع شرايح ..
http://up.arab-x.com/July11/cMb01831.jpg

ونضيفه على الدجاج ونقلب 5 دقايق ..
بعدها نضيف شوي كزبره مفرومه
ونقلب دقايق بس ونرفعها من النار ..
الحين نجيب الأقماع ونجيب كل شي جهزناه .. " حشوة الدجاج / الجبن / الخس "
ونحشي الأقماع بهالترتيب
اول شي طبقة دجاج
بعدين طبقة خس
بعدها طبقة دجاج
أخر شي طبقة الجبن
وهذا شكلها بالأخير
http://up.arab-x.com/July11/wNA02041.jpg

وبالعافيه
منقول