أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب

يفرح شعوري كل ماجيت ابدعيه
غنت لي الدنيا بحب وتهاني
فديت عين من جاوب الصوت لبيه
وفديت قلبه يوم صوته دعاني
صوته هديل الورق محلا حكاويه
وانا انطرب لامن سمعته حكاني
كل الاغاني عزفها عذب اغانيه
مالوم محمد يوم غنى الأماني
انا على شط حبه وراسيهقربه شراع
وطاري اسمه مواني

كلي على شانه وكلي فداويه
اللي له اضلوع الغلا والمحاني
لو الهوى له حد والله لاعديه
المستحيله لاجل عينه هواني
مافيه منهو بالغلا من يسوايه
والواقع اللي جابني له خذاني
اخسر حياتي كلها بس اراضيهماهمني شر الزمن لو بلاني
دايم اداري خاطره ما أخليه
لوهو بعيدن سالي عني نساني
وش هي حياتي دون شوفه وطاريه
عيشة ألم والبعد همه طواني
فديت صوت اللي يجاوبني لبيه
لبيه يوم جاوب وشوقه دعاني

-


خذني معك لاجيت ترحل عن الناس
مالـي بعـد فرقـاك بالناس غالي
.
أنت الوحيد اللي معه عشت الاحساس
وانت الوحيد اللي لـهـ ارتـاح بالي
.
من بعد فرقانا غلب صبري الياس
مالي على الفـرقا صبر وإحتمالي
.
أذكر ويسقيني حنيني من الكاس
وانسى ولا ينسى ضميري سؤالي

عن غيبتك وأسباب حزني والاتعاس
وظلم السنين وجـور سود الليالي
.
بعد الغروب وقبل لحظات الادماس
يبدا مع اسـراب الهمـوم إرتحالي
.
تخنقني العبرات وتضيق الانفاس
واصبح وحـيد بديرتي وإنعزالي
.
بعدك عرفت إن الغلا ماله قياس
وبعدك عجزت اعيش يومي لحالي

.
وبعدك عرفت الفرق ياعقد الالماس
بين الشعور الواقعـي والخـيالي
.
غلاك في كفّهـ وفي كفّهـ الناس
غالي ليامن غبت وإن جيت غالي


وسلآمتكم