10-13-15, 11:42 AM
|
#3043 |
| The silence of the evening |
تــــعـــالي نسكت احسن من كلامٍ تاليتْه جروح
هلا بالصمت دام الصمت ما يجرح مشاعرنا
انا وانتي وطول الصمت والدمعه وكثر البوح
ولــــــــيل ما بقى به حيل ينهانا ويامرنا
بكى ما كنه اللي كان يغرينا فرح ومزوح
سكت ما كنه اللي كان ملهمنا وشاعرنا
توحّيْ تسمعين الليل مدري وش بلاه ينوح
على ضحكاتنا والا على كسرة خواطرنا
إذا يبكي من الفرحه علينا علميه يروح
واذا يبكي حزن تكفين قولي له يسامرنا
ويجبر خاطِرٍ قامت هواجيسه تجي وتروح
يشوف الحال ويكف السؤال اللي محيرنا
صحيح انّا صبرنا واعتبرنا صبرنا مصلوح
ولـــــــــــكن ما بقى شيٍ عقب هذا يصبرنا
دخيل العاتق اللي له ورى ليل الجديله ضوح
وفي جاه الشـــــــفاه اللي بنسمتها تعطرنا
وفى وجه العيون اللي بقى للدمع فيها روح
لاجـــــل خاطر ليالينا وماضينا وحاضرنا
تعالي نسكت احسن من كلامٍ تاليتْه جروح
نحب بصمت دام الصمت ما يجرح مشاعرنا
..
|
|
|
|
 |
