السلام عليكم

اليوم وانا قاعده اتصفح ف المنتدى وخصوصآ داشه ع بروفايل مديرنا الغالى صيوود لقيت له رد ع موضوع ف قسم ((مطبخ مسك الغلا)) وانا اناظر ف الموضوع الا وماما تكلمنى وتقول لى لولى الكيك احترق
طبعآ هو مااحترق بس صيغه بلاغيه عشان اسيب اللى ف يدى ^_^
المهم وانا اطلع فيه من الفرن قلت ليش ماانزل لكم صورته والطريقه ..
طبعآ انا باقى ماذقته لانه باقى مااذن المغرب بس مسويته قبل وطعمته مره نايس وسو ديليشز ..

طبعآ هى بسبوسه الجالكسى هى مابين البسبوسه والكيك تقدرون تقولون ((بسبس كيك ))

بسم الله نبدا
المقادير :
3 بيضات
ملعقه صغيره فانيليا
فنجان شاى زيت
علبه قشطه
كاس سميد
3/4 كاس سكر
3/4 كاس جوز هند
ملعه صغيره نسكافا
ملعقه كبيره كاكاو بودره
ملعه كبيره بيكنج باودر
وللتزيين :
شوكولاته جلاكسى وحليب مكثف محلى .


الطريقه :
نحط جميع المقادير السائله ف الخلاط ونخلطها عدل
وبعدين نحط ف صينيه المقادير الجافه واللى هى ((السميد وجوز الهند والبيكنج بودر ))
نسكب الخليط اللى كان ف الخلاط ع الخليط الجاف ونحرك بالملعقه من اسفل لاعلى

وناخذ فالب الكب كيك ونحط فيه الاوراق الحراريه ونصب من الخليط ف كل قالب لين ماقريب يمتلئ
ونحطه ف الفرن مسخن قبل
من تحت لين ماتستوى بعدين نحمرها من فوق

وبعد مااطلعها من الفرن نحط من فوق الحليب المكثف
ملاحظه : هذه الخطوه مهمه حيييل واللى يسال ليش لانه الكيك جاف شوى وبعد مانحط الحليب راح تتشربه الكيك ومن غير الحليب ماتصير حلوه كثير
بعدين نبشر الجالكسى شوكلت من فوق بالكميه اللى تبغون
ونحطها ف الثلاجه تبرد وياليت تتركونها كثيير عشان تتشرب الحليب
وتقدم بالعافيه وهذه صوره لها





اتمنى تنال اعجابكم
ودى
loly