11-30-12, 08:47 PM
| #43 | ||||||||||||||
  
|  ((نرجع لفيصل ووتين ... بعد لحظات صمت ... فيصل حس بنفسه وتركها بسرعه مرتاع من اللي سواه ... وهو يطالعها من ورى قدامه بدون أي حركه منها .. او أي ردة فعل .. أقل شي المفروض تعصب وتعطيه كف على هالحركه الوقحه اللي سواها معها .. بس الغريب انو وتين جمدت مكانها ماسوت أي شي .... $$ أعلم مافي بعقلكم الآن .... وأين عبادي عنهم ... لما لا يأتي غاضبا من فيصل بما فعله مع حبيته ..!!$$ ولكن حسنا فالنرى ماهي ردة فعل عبادي على ذلك ..$$ ((عبـــــــــآدي يطالعهم من خلف الزجاج ... بدون أي ردة فعل ... معلق نظراته على فيصل وهو يتألم عاللي سواه في صاحبه ... مافكر يلتفت على وتين ويطالع وش تسوي ... بس الشي الوحيد اللي يعرفه انه فرق بين هالثنين اللي كان القدر يجمعهم وهو اللي خرب عليهم ... يدري شنو بقلب فيصل للوتين بس ليش سوآ كذا في أعز خلق ربنا عليه ... ((فيصل تنهد ثم مسك ذراعها وسحبها للداخل وهو يقول :~ ماكان قصدي اساوي لج الحركه بس ماكان عندي أي طريقه اثبتج وياي ولا تهربين للموت .. انتي تستاهلين عيشه أطول وسعيده ... وأنا مابيج تكونين متظايقه .. آسف عاللي ساويته لج تو... وحتى على الحجي اللي قلته لج ... و...و............ وتقدرين تنسين كل اللي صار بيننا.... (( وتين ماقالت أي شي ... لما وصلو للبوابه والكل يطالعهم فيصل رفع عيونه على عيادي اللي واقف يطالعهم .. فيصل بهاللحظه شبت النار بقلبه مره ثانيه بس علطول نزل عيونه عشان مايتهور ويسوي اللي مايبي يعيده مره ثانيه للبنت اصلا مو معبرته وموح اسه فيه لو يقعد يضرب من اليوم لين بكره عبادي .. ماراح تحس فيه وبالعكس راح تكرهه ... بس هو يتمنى يعرف وش صار لها ويمكن عبادي هو السبب بحالتها تو ... تساؤلات بحياته وهو تعود ان تساؤلاته مالها أي اجابات ... لما دخلو بالمبنى اللي صاير هاااااادي ... والكل بس يطالعهم ... وتين كانت تنتفض من البرد والمطر اللي سبحها هي وفيصل... الدكتورات بسرعه مسكو وتين وودوها بداخل غرفه عشان ترتاح ويدفونها تحت المكيف الحار .. وتين كانت تنتفض من البرد وهي تفكر بعبادي وفيصل وكل اللي صار تو ... نزلت دموعها وقلبها يتألم ... $$ كمــــــــــــــــــآ قلت لكم ... جميع ابطالنا يتألمون من مايسمى ...$$ الحــــــــــــــــــــــــــــــــــــب $$ $$ فمن قال انه رائع ... فأبطالنا لم يور ماهي روعة الحب ...$$ فهم يتألمون بسببه للدرجة الدموع ..$$ ((فيصل دخل قاعه من القاعات وانسدح على الأرض وهو يحاول يهدي دقات قلبه اللي كانت عااااليه... بسبب وتين ... بسبب حبه العميـــــــــــــــق للوتين ... غطى وجهه بيدينه يحاول ينسى اللي صار ... ((بالقاعه اللي جمب قاعته أميره فيها تبكي وتتألم بسببه وهو مو حاس فيها .. راكان وهو جالس على كرسي قدام البوابه ... حاط رجل على رجل ... التفت على صقر اللي يطالع ليان من أول ماداومو اليوم ... مستغرب من صقر هو ونظراته مع البنت اللي طول الوقت هاديه وواظح عليها الحزن .... وقف بملل من هالوضع اللي مارضى ينتهي ... وهو يمشي بعيد عنهم بالسيب .... الدكتور طلال شاف راكان وهو رايح بعيد عنهم ... لحقه يبي يقوله ممنوع يروح للأي مكان والكل يبقى قدام البوابه لين ماينتهي خطورة الجو عليهم ... للسلامة الطلاب لازم يكونون قدام عيونهم ومو بعيدين عنهم .... ((نرجع للتولين .... حاطه يدينها على أذانها بخووووف من اصوات الرعد وهي تبكي ... راكان كان قريب دورات المياه اللي هي فيها (( الله يكرمكمـ )) كح بقوه راكان وهو حاس بحلقه يعوره ... تولين سمعت كحته ... بسرعه رفعت راسها بشوق ووقفت وهي تطق الباب بقوه وتصرخ بصوت عالي :~ حدي يطلعني .... أحد يسمعني تكفون فتحولي فتحـــــــــــــولي ... (( راكان عقد حواجيه وهو يسمع هالصوت اللي طالع من الدورات ... تردد انه يروح ويفتح الباب بما انها دورات نسائيه ... لما لف بيروح سمع نفس الصوت مره ثانيه ونفس الطق عالباب بقوه ... ماطاوعه قلبه يروح ويترك اللي داخل بهالوضع وشكلها متوهقه داخل بس مايدري شسالفه .. فتح الباب بخفيف وهو يطل شوي شوي ... لما شاف مافي أحد والوضع هادي ... وهو بيسكر الباب سمع صوت وحده تبكي داخل حمام من بين الحمامات ... تنحنح شوي وهو يقول :~ فيه أحد ..؟؟ (تولين فزت بسرعه وهي تبكي وبنفس الوقت فرحان هان أحد جاها حتى لو كان صوت ولد اهم شي يطلعها من هالمكان ... -أي أي بليزا فتحلي الباب مو قادره أطلع مكسور القفل ... (راكان تردد شوي يدخل ... بس ماعنده خيار المهم يسطلع البنت اللي متوهقه داخل وهو لحد الحين مايدري انها تولين .. وقف عند بابها وهو يحاول يفتح الباب بس ماقدر لأنه مكسور ... -الله يوفقك بليزا فتحلي بسرعه ماعاد فيني اقعد اكثر من جذي داخل الحمام ... -طيب انتي اهدي بس بدور أي شي عشانه افتح الباب به ... دقايق بس ... -لا لا تكفى لا تروح عني لا تروح ... (راكان التفت يدور حديده أي شي المهم يبي يفتح الباب .... لقى ماصوره صغيره مكسوره من أحد المغاسل ... رفعها ثم بدى يحاول يفتح الباب بقوه ... ماعنده حل الا انه يكسر الباب ... وهو يحاول يفتح الباب بالحديده بقوووووه ... رمى الحديده منقهر لانه ماقدر يفتحه بها .. وهو يتنفس يحاول يسترجع طاقته ... -طيب انتي بعدي عن الباب شوي ... (تولين بسرعه طاعة كلامه وبعدت .... راكان بعد شوي عن الباب ثم بدى يصقعه بكتفه أقوى شي عنده ... وعلى هالحاله وتولين مسكره اذانها خايفه ... بالصدفه انكسر قفل الباب وانفتح ... تولين كانت بالزاويه وهي مغمضه عيونها بقوه ومسكره اذانها خايفه ... راكان مسك كتفه اللي عورررره بقووووووه بس حاول يتحمل شوي .. رفع عيونه على تولين وهو يقول :~ انتي بخير !!! (فتحت عيونها وهي تطالعه .... عقدت حواجبها لما شافته راكان ... راكان لما عرفها نزل راسه بسرعه ولف بيطلع ... تولين استغربت حركته بس بسرعه طلعت وهي تقول :~ ماأدري شلون أشكرك ... (وقف ثم قال :~ عادي ماسويت شي يخليك تتوترين لهدرجه وتفكرين كيف تشكريني .؟؟ انسي الموضوع وبس ... وخلينا نرد عند الطلاب ... (لما فتح الباب وتولين وراه ... صادفو الدكتور طلال واقف يطالعهم مصدوووووم .... وصلت فيهم الوقاحه يدخلون للدورات المياه بعيد عن الكل واغتنمو هالفرصه !!!! شاب يدخل بدورات نسائيه لحالهم بعيد عن الكل ..!!! ومن غيرها توليـــــــــــــــــن ... وصلت فيها هالقذاره والـ#### ... كشر طلال متقرف من تولين بالذات اللي مسويه حالها بنت محترمه ومتربيه وماتكلم أي ولد من الجامعه ... وقفو تولين وراكان ... تولين حست بقلبها تزيد دقاته بسررررعه ... حطت يدها على فمها مرتاعه وهي تشوف نظرات الاشمئزاز من عيون طلال لها .. راكان ماأهتم ومشى بطريقه ببروووود ... لما مر من طلال ... طلال من القهرررر مسكه من كتفه بقوه وهو يقول :~ انت ياي للجامعه ولا للكازينو ..؟؟ ((راكان سحب كتفه ثم لف عنهم مطنش ... طلال ماعاد تحمل الوضع مسك راكان بسرعه وعطاه بوكس مرتب على فكه وهو واقف... راكان وهو يحرك فكه اللي يعورررره من الضربه ... رفع عيونه على الدكتور بهدوء وهو يقول :~ كذا يادكاتره تعاملون طلبتكم هنا .؟؟ اتمنى بعدين ماتجي وتعتذر لي باللي سويته .. (ثم لف عنهم وراح .... طلال التفت على تولين وهو يطالعها بشمئزاز وقرررف ... تولين مجمده مكانها ماتدي وش تقول وكيف تبرر الوضع له وان اللي فهمه كله غلط بغلط ... -(لف عنها وهو يقول :~ بسرعه جدامي وصدقيني فعلتج هاي راح تتحاسبين عليها وماراح اسكت للشي قذر مثل هذا من بنت عامله حالها عفيفه وطاهره تساوي جذي بدون علم أحد مع ولد ... انتي شلون ماربج امج عدل ولا شلون ؟؟؟ ياحسافه بس على تعب امج فيج كل هالسنين .. وشنو يعني اصلا هذي فايدة من يتبنى ناس من شاكلتكم ..؟؟؟ ماينعرف شن اصلهم وشنو نواياهم ... يالله جدامي وحسابج بعيدن وصدقيني حتى أمج بتعرف عن هالموضوع لأني مابيها تكون على غفله بوحده تعبت بالمعروف اللي ساوته وياج ... يالله جدامي يالله ... (تولين واقفه مصدوووووومه من الكلام ... هذا مايدري انه بهالكلام وكأنه يطلع من روحها سكاكين ويرجع يغرزها بروحها ... تولين انربط لسانها وماعاد تدري وش تقول ... راكان صحيح راح عنهم بس سمع نص الكلام وهو كان يمشي بالسيب اللي شي طبيعي يقدر يسمع الكلام بهالهدوء ... ((بهاللحظـــــــــــــــــــــــــه ... طفت اللمبـــــــــــــــآت كلها ... كل اللمبات اللي بالجامعه طفت مره وحده وصار المكان كله ظلاااام ... الكل سكت بالجامعه ..... هـــــــــــــــــــــــــــــــــــــــــدوووووء ... وفجأه الكل صرخ من الخوف تحت هالظلام ... للدرجة ان طلال وتولين وراكان سمعو الصراخ للين عندهم ... تولين يدينها بدت ترتجف من الخوف ... ورجولها مو قادره تشيلها ... جلست بسرعه وهي اصلا مصدومه من الكلام اللي قالها طلال ... -(طلال يبغى يرجع عند الطلاب ويساعد في تهديتهم ويطمنهم .. التفت على تولين بقهر وهو يقول :ْ انتي يالله بسرعه جدامي ترى مو رايق لج بسرعه تعالي يالله ... ((كان النور خفيييييف بينهم وبالويل يقدر يشوفها ... تولين رفعت عيونها للجهته وهي ماتشوفه عدل ... قالت بقهر :~ ماراح الروح وياك انت روح ... ((طلال بقهر راح عندها وجرها من ذراعها يوقفها عشان يروحون ... تولين وهي تحس جوات قلبها نار تشتعل منه ... سحبت يدها بقوه وصرخت بوجهه معصببببببه :~ قتلك هدنــــــــــــــي ... ولا تلمسني ... -(سكت شوي مصدوم من جرأتها وهي تصرخ بوجه دكتورها وكأن مابينهم احترام انو هي الطالبه وهو الدكتور ... حس بقهر وقال :~ ليه وانتي يهمج اصلا اذا لمستج او لا ...!!! عبالج عفيفه بتصيرين جدام عيوني ... فاهمج عدل وأحسن لج قومي قبل لا أطلع قل حرتي فيج ... (نزلت راسها وهي تبكي من قلب وماردت عليه ... سمعو صوت وراهم وهو راكان يقول :~ -دكتور بالجامعه يسوي كذا .؟؟؟ أجل وش بقيت للطلاب ..؟؟؟ دكتور طلال انا انت روح وأنا بهتم بوضعها .. -(التفت طلال وهو ساخر يقول :~ لا عاد صج ... عشان تحلالكم اليلسه ويى بعض .؟؟؟ المكشله انكم طلاب انا وهذا اللي منرفزني ... ماتوقعت عندي طلاب مثلكم صج مايستحون باللي يساوونه ..!! كلكم جدامي وماراح اسمح للأي أحد يبقى هني لحاله .. (راكان تقدم للتولين وجلس عندها وهو يقول بصوت وكأنه يبي يطمنها :~ يالله قومي ولا تبين تقعدين هنا لحالك ؟؟؟ تعالي خلينا نروح عند الطلاب أأمن لنا كلنا ... وبعدين لا تنسين أهلك أكيد خايفين عليك يالله قومي ... | ||||||||||||||
| |
|
11-30-12, 08:47 PM
| #44 | ||||||||||||||
| (وقف ثم مد يده لها :~ يالله قومي ... (طلال ساكت وهو يطالعهم بدون أي ردة فعل ... تولين رفعت راسها لراكان ومسكت يده ... راكان رفعها ثم تركو يدين بعض ... تولين مالتفتت على طلال ابدا ... راكان بعد ... أما طلال كان يطالعهم وهو ساكت ... كملو طريقهم عند الطلاب بهدوء بين هالظلام .. لما وصلو راكان لف عنهم وراح بعيد يجلس ... تولين التفتت على طلال وهي ماتشوف عدل .... طلال لف عنها وراح يساعد الدكاتره انهم يهدون الطلاب ويحسسونهم بالآمان ... ((نرجع للحادث ..... يزيد ماتحرك ابدا ابدا ... بس فيه شخص كان قريب من المشفى وشاف هالسياره اللي تبخر من قدام ... راح يطل جواتها ولقى يزيد فيها بدون أي حركه ... بسرعه وهو خايف لا يكون الولد مات ... شاله بصعوووووووبه حتى ماقدر علطول نزله عالأرض ... يزيد جثه وعضلات ومن الصعب أحد يقدر يحمله .. بسرعه ركض للداخل المشفى وهو ينادي عالممرضات والدكاتره يجون يساعدونه بشيل يزيد .. لما طلعو كذا دكتور وحملو يزيد بصعوبه خاصتا ان جسمه صار ثقييييييييل أكثر ماهو ثقيل وهذا الشي يدل على واحد يحتظر ... الانســــــــــــان في لحظات سكرات موتته أو يحتظر ... يكون جسمه ثقيل بشكل مو طبيعييييي ابدا ابدا ... وشي معروف عند الكل هالمعلومه ... (بصعوبه وصلو للمشفى ودخلوه للغرفة الطوارئ .. دكتور يصرخ من هينا على الممرضات .. ودكتور يساعده بخوف على يزيد اللي على وشك الموووووت ... بشاشة خط نبضات القلب كان شبه مستقيم .. يعني النبضات ضعيفه بشكــــــــل ... أما في غرفه ثانيه جمب غرفته ... نارا نفس حالته ... وشفايفها زرررقا ووجها مضلللللللم ومكتم ... ويدنها الضعيفه طايحه بدون أي حركه ... بالغرفتين صاير الوضع متوتر وضجـــــــه وتوتر ... شاشـــة نبضات قلب نارا أعلى شوي من خط نبضات يزيد اللي على وشك الموت ... وكل شي جايز في موته أو موت نارا ... ويمكن موت ريان اللي جالس برى وراسه ينزف وحاسب دوخه بس يقاوم وهو خايف على نارا اللي حاس بالذنب ... الدكتور بغرفة يزيد يصارخ بوجيه الممرضات :~ برآ وناديلي ممرضات غيركم .... شنــــــو انتو ماتشوفون الولد بيموت وانتو بطيئين بكل شي تساوونه ... بسرعــــــــــــه نادولي غيركم بسرعــــــــــــــــــــــه ... -(الدكتور ثاني جمبه :~ دكتور منصور الولد بيموت وانت تزاعق على الممرضات .. خلنا بالولد احسن من الصراخ جذي بدون فايده ... -(الدكتور بيأس وغضب :~ ليش انت تشوف ان الولد بيحيى ..!!!! شوف شلون وضعه وانت أحكم ... شوفا نزيف اللي موب قادرين نتحكم فيه ... شوف نبضات قلبه اللي تقل أكثر ماهي ضعيفه ... -(الدكتور سامي عصب :~ عيل ليش احنا دكاتره عشان نفقد الأمل ولا شنو ..!!! ((دخلو ممرضات بخوف ثانيات وهم عارفين اذا عصب الدكتور منصور ماعاد يرحم احد ... طالعو منظر يزيد اللي شبه حي وهم مستغربين من اصرار الدكتور سامي انه ينقذ هالولد اللي ينزف بشكل مو طبيعي .... -(منصور التفت على الممرضات :~ شنو تطالعون انتو تحركو ياللـــــــــه... ((بالغرفه الثانيه ... الممرضات ماسكين قلوبهم بخوووووووووف من شكل نارا شكلها صاير يخوووف ... الدكتور واحد بس عندها وهو مصدوم من وضعها المرعب ... يحوال يعيد لها التنفس بألجهاز اللي معه .. دخل دكتور ثاني ... وأخذ منه هالجهاز وهو بدى يشتغل على نارا بما ان الدكتور الأول ماعاد تحمل الوضع من شكل نارا ... الممرضات قلوبهم تدق بسرعه من المنظر اللي يشوفونه قدامهم ... ونفس الوضع عند يزيد اللي مو باين منه أي شي .. الدم مغطيه من راسه للرجليه ... برى الغرفتين .... ريان منزل راسها وهو يحس ان الدنيا تدور قدامه ... ماعاد يقدر يرفع راسه اكثر ويقاوم النزيف اللي براسه ... بسرعه وبحركه سريعه طاح عالأرض مغشي عليه من الدم اللي نزف منه ... كان السيب فاضي وهو لحاله طايح عالأرض وفاقد من دمه الكثير .... ((خط نبضــــــــــــــــــــــــــــــــآت يزيد بعد انخفاض قوي ... أصبح مستقيـــــــــــــــــــــــــــــــــــــــــــــ ـــــــــــــــــــــــــــم ...)) انتهى البارت .... وسوف القاكم بالبــــــــــــآرت الثاث باأذن الله .... تعاليقكم على أوضاع البارت ... ومن سوف يموت من بين الثلاثه ... يزيــــــــــــــــــــد أم نــــــــــــــــــــــــــــــآرآ أم ريــــــــــــــــــــــآن ... وأآرائكم حول البارت .... أعلم بأني سأشتاق لكمـ ... تحياتي ومودتي للجميع ... | ||||||||||||||
| |
|
11-30-12, 08:48 PM
| #45 | ||||||||||||||
| البـــــــــــــآب الخــــــــــــــــــــآمس .. الجزء الثـــــــــــــــــآلث ... ريان منزل راسها وهو يحس ان الدنيا تدور قدامه ... ماعاد يقدر يرفع راسه اكثر ويقاوم النزيف اللي براسه ... بسرعه وبحركه سريعه طاح عالأرض مغشي عليه من الدم اللي نزف منه ... كان السيب فاضي وهو لحاله طايح عالأرض وفاقد من دمه الكثير .... ((خط نبضــــــــــــــــــــــــــــــــآت يزيد بعد انخفاض قوي ... أصبح مستقيـــــــــــــــــــــــــــــــــــــــــــــ ـــــــــــــــــــــــــــم ...)) -(الدكتور منصور بصوت عالي :~ قلت لج ييبي الجهاز مره ثانيه بســـــــرعه .. ((الممرضات طفشو من الدكتور منصور وسامي اللي مافقدو الأمل من يزيد اللي حالته منتهيه بمجرد النظر اليه ... يحاولون بالجهاز يسترجعون نبضات قلبــــــــــــــه ... $$ ولكــــــــــــــــــن لا فائده $$ ((بالسيـــــب مرت دكتوره ... لما شافت ريان عالأرض بسرعه نادت الممرضات يساعدونها ويودونه للغرفه ... ريان مايحس بأي شي وهم يرفعونه ويودونه للغرفه ... ((حالة الثلاثه ميئوس منها ... وبالأخص يزيد .... ((نرجع للجامعه ...... $$ بعد تفكير طويل ..... اكتشفت شيئ ببطلنا صقر $$ فهو يشك بأمر ليان وفيصل والشبه العضيم الذي بينهم ..$$ وقد يكون يعلم بشيئ ونحن لا نعلم مالذي يدور بعقله $$ صقر مسك يد ليان بقوه وهو يقول :~ على شنو تبجين تو ؟؟؟ -(سحبت يدها بخوف منه وهي تقول :~مافي شي ... -(وهو يقول بشك :~ انتي تعرفينه ..؟؟ -(عقدت حواجبها ماتدري من يقصد ...) -(صقر كمل :~ هو يقرب لج صح ..؟؟؟ -(مافهمت شي بس اكتفت بالصمت ) -(صقر طفش وجرها من جهته وهو يقول بحده أكبر :~ قلت لج تعرفينه بينكم شي .؟؟ يقرب لج ؟؟ ولا شنو ..؟؟؟ الشبه اللي بينكم موب طبيعي موليه ..!! -(ليان بهاللحظه ماعاد فهمت أي شي منه ابدا ... بس اكتفت بهز راسها بالنفي عشان تفتك من قبضة يده اللي ضاغطه على يدها بقوه بدون مايحس صقر لأنه معصب ... -(ثم قالت :~ لا ماعرف أحد ... بس هد ايدي عورتني ... (لما لاحظ روحه تركها بسرعه :~ آسف .. -(ماردت عليه ولفت عنه تطالع المطر اللي شوي شوي صاير أخف من قبل والظاهر الجو راح يتعدل ... ((من جهه ثانيه فيصل يكح بقوه من البرد وهو طالع برى من دقايق ... عبادي دخل عليه ... التفت فيصل عليه وهو يحاول يضبط اعصابه لا يقوم على عبيد ... عبادي تقدم لين عند فيصل اللي منسدح ... -(عبادي بتوتر :~ فيصل ابي احاجيك ... -............................. -(تنهد وهو خايف من اللي راح يقوله :~ آآآآآ ... فيصل طالعني شوي بس ... ابي افهمك بكل شي .... وعشان تعرف اني ماسرقت حبيبتك عن عبث ... بس صدقني انا مقهور منك وايد .... ماتوقعت منك حركه ... توقعت الناس كلهم ماعداك انت .... أقرب الناس لي يخوني من ورى ظهري بـ .... بأختي !!! أختي من لحمي ودمي ماأسمح للأي أحد يتجرأ ويتلاعب فيها ... بس ماتوقعت اقرب الناس اللي هو انت راح تساوي فيني جذي مع اختي من ورى ظهري .. (فيصل التفت عليه مصدوم من كلامه بس مارد .. يبي يستوعب خرابيط عبادي ) -(عبادي كمل :~ و.... وآنا حبيت احرق قلبك على حبيبتك وهي تحب رفيجك صحيح آنا ماأحبها بس كل اللي صار .... عن قصد ... عـ ... ابي احرق قلبك مثل ماحرقت قلبي على أختي وانت بذاك اليوم تطالعها بالمطبخ ... علبالك ماحسيت فيك ولا شفتك انت وياها شلون تطالعون بعض ... واللله اعلم بعد شنو تساوون لما كل مره تييني بالبيت وتنام عندي ... وآنا كنت اقول ليش تحب تييني كثير وتنام ... وانت اللي تتعذر بأهلك وانهم بكل مره طردوك و.. و.. الى مالا نهايه .. بس الحقيقه كنت تخونني مع اختي ....ماتدري قد شنو آنا مقهور واللي قاهرني اكثر انه انت .. انت يافيصل تسـ ... -(قاطعه فيصل وهو يوقف ويقول بستخفاف :~ لاااا انت صج مينون ... هالمره تأكدت انك مينون ..!!! أي اخت وأي خيانه ... هيه انت اصحى عدل ... وين عايشين ..؟؟؟ آنا كنت مصدوم منك بس الحين مصدوم أكثر ... اقرب الناس لك تشك فيهم !!! آنا وأختك يالمينون .. انت صاحي ..!! لا لا صج اشك بعقلك ... -(عبادي كمل بقهررر :~ هذا انت يافيصل دومك تستخف بكل شي اقوله ... طيب يمكن لأني على نيتي دايم وانت تستخف بكل شي اقوله .. بس هالمره مع اختي لا يمكن اسامحك وساويت كل هذا عشان انتقم منك وآنا اشوفك تخونني مع اختي ... الحين وتين تحبني وتموت فيني ... بس تدري شنو قلت لها آنا لما طلعت من الجامعه وانت لحقتها ..!! قلت لها كل شي بالتفصيل ... بس مو الحقيقه .... تدري شنو قلت ..؟؟؟ بكل بساطه البنت غرقانه بحبي وآنا قلت لها ... فجيني من حبج وآنا مايشرفني أحب وحده مثلج ... وموب آنا اللي احبج واحد ثاني .. وآنا كل اللي ساويته وياج بس مجرد انتقام من شخص عشان احرق قلبه عليج مثل ماحرق قلبي على أختي... خله يتألم بسببج وانتي مسجينه مصدقه روح جاني أحبج ... هه والحين وتين ماراح تحب حد ثاني غيري ولا يمكن تفكر فيك ... بس آنا طفشت من اللعبه وبالأخير جرحتها بدون ماأقصد هههـ بس حركتها قربتكم من بعض ... يمكن لازم تشكرني على الموقف اللي حصل ... ((فيصل مسك عبادي مع قميصه ودفه على الطاوله ... فيصل من القهر اللي بقلبه ماعاد يشوف اللي قدامه ومايحس بروحه وهذي طبيعته اذا عصب رغم ان عمره ماعصب وسوى كذا ... رفعه مره ثانيه وبدى يضربه على وجهه بأقوى طاقته ... عبادي يحاول يدافع عن نفسه بس فيصل ماتركه بحله :~ ياحـ##### ياجـ##### انت واحد منـ##### .. سـ###### ... (فيصل ماسكه ومايضرب غير وجهه بقوه للدرجه الدم ... وهو يسب ويلعن عليه ... فيصل ماعاد قدر يضبط اعصابه ... ((أميره جمب القاعه وهي تسمع هواش بالقاعه اللي جمبها ... طلعت بسرعه ثم دخلت القاعه ... بس انصدمت لما شافت الوضع بين فيصل وعبادي .. وانصدمت أكثر من تهور فيصل وشكله اللي يخوف وهو معصصصب ... ويسب بأعلى صوته ... ((اللي برى سمعوهم ... وكـــــالعاده اللقافه تنبع بالانسان ... | ||||||||||||||
| |
|
11-30-12, 08:50 PM
| #46 | ||||||||||||||
| أميره بسرعه ركضت للفيصل وهي تقول :~ فيصل هده انتم ينون بتذبحه .. اقولك هده .. (( فيصل مايسمعها وعلى نفس الحاله وهو يسب ويشتم عبادي بقهررررر ... دخلو الطلاب مرتاعين من فيصل ... أميره ماتحملت وهي عارفه ان فيصل لو يتم على هالموال راح ينطرد من الجامعه .. عشان كذا بسرعه مسكت يدها وهي تسحبه بقوه وتقول :~ فيصل خلاص هده تكفى -(فيصل عصب من أميره اللي تدخلت بشي مايعنيها وهو موب رايق لها ... عشان كذا بدون مايحس دف أميره بقوه ... أميره صقع ظهرها على حافة الطاوله ... شهقت من الألم ... ((بهاللحظه راكان كان توه داخل وشاف فيصل وهو يدف أميره على الطاوله ... بسرعه منه ركض للفيصل وسحبه من قميصه ورى وصرخ بوجهه وكأنه يصحيه :~ فيصــــــــــــــــــــل انهبلت انت ولا ايش ...؟؟!!!! بتذبح الولد وبعد بتخلص على أميره ... ((فيصل عقد حواجبه والتفت على أميره وكأن راكان نبهه على شي هو ماقصده .. التفت على أميره اللي حمر وجهها علطول من الألم اللي بظهرها ... راكان ترك فيصل وجلس عند أميره وهو يقول بعطف عليها :~ انتي بخير ..؟؟ يعورك ظهرك ..!!! (ماردت عليه وهي ماسكه ظهرها وتضغط عليه من الألم ومنزله راسها ... فيصل بسرعه التفت على عبادي مقهوووووور منه وده يذبحه وده يسوي أي شي .. ((والمشكله ان الانوار طافيه ... يعني ظلام بس اللهم نور الشبابيك من برى خفيف من الغيوم السودا والمتكتله ... (فيصل واقف مايدري وش يقول للأميره ... راكان مسك أميره ورفعها وهو يقول :~ روحي الرتاحي بالغرفه ... ((أميره الفتت على فيصل لما وقفت وهي تطالعه بنظرات لوم على كل شي ... فيصل ساكت بس مافهم نظراتها عدل ... ((من جهه ثانيه ... تولين جالسه لما رفعت عيونها على راكان اللي ماسك أميره ويوديها للغرفة المرضى عشان تريح ظهرها على السرير شوي عالأقل ... تولين تحوال تشوف ملامح راكان زين ... راكان حس بنظراتها ... التفت عليها بس هي ماشالت عيونها عنه ... ابتسم ابتسامه خفييييييييييييييييييييييييييييييفه للتولين ... تولين ماشافت ابتسامته بما انها ماتميز ملامحه بالظلام بس حست انه التفت عليها وطالعها ... لفت راسها علطول عنه .... وطاحت عينها على طلال اللي تعب وهو يهدي بالطلاب للحين ... ((نرجع للمستشفى ... بعــــــد لحظـــــــــــــــــآت ... خفت العواصف ووقف الرعد وخف المطر .... بس الغيوم ماراحت ... الجو كان مررره روعه ... بس داخل المستشفى الوضع مايطمن ... الدكتور سامي مايأس من يزيد أما الدكتور منصور فقد الأمل وطلع من الغرفه وراح للغرفة نارا ... الممرضات راحو وتركو سامي لحاله بالحاله اللي لا يمكن ترجع للحياه ... أما عند نارا ... بشاشـــــــــــــــــة نبضاتها شوي شوي صارت طبيعيه تقريبا ... نروح للريان ... الدكاتره مجتاجين دم له ... وماعندهم غير الدم المتبرع عندهم والحمدالله حصلو فصيلته ولا تعبو كثير ... ريــــــآن تقريبا حالته للأحسن .... $$ أمـــــــــــــــــــــــــــــآ يزيد ........... توفــــــــــــي ... $$ ؤه لحظــــه لم أقصد ماأعنيه ولكن فقط أمزح __^ $$ حسنا فلنرى الدكتور سامي ويزيد ....$$ الدكتور سامي كل شوي يضغط على صدر يزيد الجهاز وهو يطالع الشاشه ... بس على نفس الخط المستقيم ... ــــــــــــــــــــــــــــــــــــــــــــــــــ ـــــــــــــــــــــ ولكـــــــــــــــــــــــــــــن .... بعد لحظات ... الخط ألصبـــــح ... ــــــــــــــــــ||/ــ~ـ||/|ـ~ـ-ــ~~||ـ~-|/ـ-~-ـ|/|ْ~|ـ~-ـ~ـ|/|ــــــــــ||~~||ـ|ـ~||ـــــــــــــــــ ((الدكتور ابتسم من قلب وهو مرتاح وحاس انه سوآ شي عظيم والوضع كان ميئوس منه .. بس يمكن ترجع حالة يزيد مثل قبل لأنه يحتاج دم وهو اللي نزف بشكل مو طبيعي ...)) دورو دم مطابق للفصيلته بس ماحصلو .... يعني يحتاجون للشخص مطابق للفصيلة دمه ... يبغون يدقون على أهله بس ماعندهم ملفه ... (( بعــــــــــــــــــــد ســـــــــــــــــــــــــآعتين .... الدكتور سامي فقد الأمل انه يلاقي دم تطابق للفصيلة يزيد ... بس وحده من الممرضات طقت عليه الباب وهي تحمل كيسة دم ... -في شخص تبرع بدمو بس أآل ماتئولي اسمي لحدا ... يعني هوا بدو يتبرع بس بدون علم حدا لما عرف انو نفس الفصيله مطابئه بالصدفه للمريض هاد ... -ؤكي حلو يى بالوقت المناسب بس هو وينه الحين ..؟؟ -مابعرف بس بعتئد انو راح ... -طيب سجلتي البيانات ..؟؟ -أي كل شي نظامي بس هوآ طلب انو مانئول لحدا انو هوا اللي تبرع بدمو للمريض ... بس مازكر للألي السبب ..؟؟ -خلاص مايهم هاتي الدم ونادي لي الدكتور منصور ... -حاضر ... ((بعد يــــــــــــــــــــــــــــــــــــــــــــــــو م كـــآمل .... الكل رجع للبيته بعد يوم طويل شاق ومتعب ومرعب .... نوف لما عرفت بسالفة نارا حست قلبها راح يطلع من الخوف ... بسرعه دورت على المستشفى وراحت لها تطمن رغم كل اللي صار بينهم وكره نارا لها .... ((ابو نار الدكتور محمد عرف بالسالفه بس ماأهتم ودق على مشاري يروح يشوف أخته يمكن تحتاج شي أو يصير شي .. بس يكون موجود اهم شي بداله ... مشاري تنرفز بس سكت وراح ... مشاري يطالع نوف اللي جالسه وواضح عليها على أعصابها رغم ان وضع نارا يطمن .. مشاري تذكر سالفتها مع نارا اللي سمعها من الطلاب بالجامعه ... وقف وراح للنوف ثم جلس جمبها وهو يقول :~ السلام عليكم .. -(نوف طالعته بطرف عينها وطنشته ..) -آآآ .. انتي رفيجة نارا صح ..؟؟ -ؤففففففـ .... -طيب لا تتأففين بس بغيت اقولج غريبه بعد كل اللي صار وانتي هني تحاتينها .؟؟؟ -(ناظرته بعد ماوصلت معها من مشاري وهي تقول بنفخه :~ وان تشكو .. وياريت ماتدخل نفسك بشي مايخصك ... وبعدين شنو اللي مقعدك عندي ... ؤففففـ ناس تقرف .. اقوم أحسن لي ... (مشاري وده يكفخها عشان تتأدب بس عارف هالبنت ماينسلم من شرها ... مشاري يتمنى تموت نارا .... بس لو عاشت هو مصمم انه يكرهها عيشتها ...)) ((بعد أسبـــــــــــــــــــــــــــــــــــوع .... يزيد من بعد حالته غاب بغيبوبه وللحين بغيبوبته ... أما نارا فحالتها تمام واليوم راح تطلع من المستشفى ... وريان طالع له يومين من المستشفى بس للحين مازار نارا خايف من ردة فعلها مايدري ليه يحسها معصبه عليه ... فيصل ماحظر الجامعه اسبوع كامل من بعد آخر يوم له قبل .... أما أميره تجي وهي قلبها عليه تدور على فيصل .... تحس انها فاقدته بقوووووووووووووه حتى صارت هاديه ومتضايقه وهي ماتدري فيصل وش صار عليه وليش ماحظر ..!! توليــــــــــــــــن نفس الحاله ماداومت اسبوع كامل وهي طول الوقت بغرفتها تبكي لما تتذكر كلام طلال لها ... ماتدري ليه حست انها جد ماتستاهل أم مثل أمها رغم انها ماسوت شي بس كلام طلال حسسها بالنقص وعدم الثقه في نفسها ... أما ليان كل يوم تحظر الجامعه وعلى نفس الوضعيه ماتلقي صقر وجه أبدا ... صقر رحاول وللحين يحاول انها تعطيه وجه بس الظاهر مافي أمل ... عبادي ووتين انقطع كل شي بينهم ... ووتين طول وقتها تبكي ... بس تبكي أكثر لما تطفشها مرت عمها وهي أصلا حزينه من عبادي ... | ||||||||||||||
| |
|
11-30-12, 08:50 PM
| #47 | ||||||||||||||
| طلال كل يوم ينتظر جوجو على المسن بس مستغرب ليش ماعاد تدخل ... وقرر انه يسألها لأنه كل يوم يشوفها مداومه ولا كأنها مسويه شي او بينهم شي ... البنت عاادي وهو متردد يسألها ليش ماعاد تدخل المسن .... جوجو وسعد قوت علاقتهم تقريبا صارو مع بعض طول الوقت بالجامعه رغم ان هذا وتر جوجو من كلام الناس عليها وهي بنت محترمه فقررت تبتعد شوي عن سعد .. طلال لاحظ القرب الكبير بين سعد وجوجو وهذا اللي قاهره أكثر بكثيييييييييير ... كل شي يصير بس تولين ماجت على باله ابدا ... عبدالمحسن تعب وهو يدورعلى ليان بس ماحصلها .... جينفر كل يوم تدق على فيصل بس مايرد عليها ... تبي تقوله شي ضروري من ذاك اليوم لما نادته بس قطعت عليهم سالفة وتين ولا كملت اللي كانت بتقوله .... راكان يداوم يوميا ... بس مستغرب من تولين اللي صايره تتغيب كثيـــــــر... ويفكر بأربعة أشخاص في الجامعه وشاغلين له باله ... أميـــــــــــــــره وتوليـــــــــــــــن ونـــــــــــــــآرا وفيـــــــــــــــصل .. ومستغرب الشبه بين تولين ونارا وفيصل ... واللي محيره انهم مايعرفون بعض ... يعني مو معقوله هالشبه يكون بالصدفه في جامعه وحده ... راكان وده يكشف هالسر اللي محيره ... بس ترك كل شي للأيـــــــــــآم ... (في المستشفى .... نوف دخلت على نارا اللي منسدحه وهي توها قايمه ... نارا عصبت لما شافت نوف ... جلست نارا وهي تقول :~ انتي شلون تدشين ..؟؟ -عادي انا ناسيه الماضي وانتي بعد انسيه .. وخلينا بالحاضر لأني ندمانه وبقوه عالماضي .. ورفيجه مثلج ماتنتعوض ... -(ابتسمت ابتسامه فيها سخريه على كلام نوف :~ من صجج انا بنسى اللي ساويتيه .. عموما اطلعي بكرامتج أحسن لج ... -نا.... -(قطعت عليها :~ خلاص قلت لج ياريت تطلعين برآ حد اسلوبي وياج بأدب ... ((لفت نوف بتطلع بس صدمت بريان اللي توه داخل ... ريان طالع نوف بكره وحقد وهو ذاكرها عدل .... :~ انتي شعندج يايه عني ..؟؟!!! (نوف رفعت عينها لريان وهي تطالعه باحتقار زي اللي وش دخلك ... ثم طلعت بدون ماتعبره ... ريان لحقها وهو يقول :~ هيه انتي احاجيج شعندج يايه لنارا ..!! -(نوف تأففت :~ وان تشكو .. بعد عني احسن لك صج ناس ماتنعطى ويه ... (لفت وراحت عنه ... ) ريان رجع لنارا وهو كان حامل معاه باقة ورد مره انيقه وذوق ... حطها جمب طاولتها وهو يقول :~ الحمدالله عالسلامه ... -الله يسلمك ... -هاه كيفج اليوم انشالله أحسن ..؟؟ -(بنفس برودها القاتل :~ أي ... -طيب ليش ماتاكلين أكلج ..؟؟ -(رفعت راسها له ثم قالت :~ ريان ... -(ابتسم :~ يابعد قلب ريان .... -شصار بالضبط لنا ..؟؟؟ ومنو كان ويانا انا وانت بالحادث ..!! سمعت ان فيه شخص ثالث بس ماعرفت منو ؟؟؟ شسالفه شصار بالضبط ؟؟؟ -لا تشغلين انتي بالج وارتاحي الحين وبعدين اسألي اللي ودج __^ -ريان ابيك تقولي كل شي الحين ... -(سكت شوي ثم قال :~ اللي صار ... آآآآآ .... -ريان تحجى ... -(متردد شوي ثم قال :~ الحقيقه كل شي صار بعد مانكتمتي انتي بالجامعه وبعدها رحت أنا و ..... و... ويزيد للمستشفى ... -يزيد ..!!!! -أي يزيد بس هو السبب من البدايه بحالتنا هذي ... -شلون يعني ..؟؟؟ -الحادث تقريبا صار بسببه بس لا تسألين ليش ... -(رفعت حاجب :~ لا بسأل .. شلون يعني انت تقول يزيد وبعدين تسكت .. قول لي كل شي ولا تخبي علي ... -(ريان سكت شوي ثم وقف فجأه وهو يطالعها بغموض ... نارا رفعت عيونها عليه شفيه قام فجأه كذا ..؟؟ بس ماحست الا اللي لف عنها وطلع من الغرفه .. انصدمت من حركته .... ودها تقوم وتلحقه بس حافضت على هدوئها وجلست تفكر بالسالفه .. طيب اذا كان معنا يزيد .. وينه الحين وشنو صار عليه .. وليه هو السبب ..؟؟ ((في جهه ثانيه ... يزيد منسدح بغيبوبته ومو حاس بأي أحد ... نارا ضغطت جرس للسستر ... لما جت السستر قالت نارا :~ اللي بالحادث ثلاثه صح .؟؟ -أي ليش ..؟؟؟ -الثالث اللي اسمه يزيد وينه ووش صار عليه ..؟؟ -آآه يزيد .. من بعد مانزف كتير من دمو ... هوي هلئ بغيبوبه ... بس حالته الحمدالله مستقره -نزف كثير ..!!! غيبوبه ..!!! طيب بأي غرفه هو الحين .؟؟ -بالغرفه ياللي بآخر الممر ... -جم رقمها ..؟؟ (لما قالت لها الرقم جلست شوي تنتظر السستر تروح عشان تنزل وتروح لليزيد ... طلت على الممرضه ولقتها راحت ... بسرعه راحت للباب وهي تطل ... حصلت الممر تقريبا خالي ... طلعت وهي تدور رقم الغرفه بآخر الممر ... لما وصلت ... طلت من القزاز على يزيد ... وقفت تطالعه للحظات .... تطـــــــــــــــآلعه بس بمشاعر جامده .. وبعيون خاليه من أي معاني ... للحظــــــــآت حست بيد على كتفها ... لفت تطالع مين ولقته مشاري ... دفت يده بقوه ثم لفت عنه وهي راجعه للغرفتها ... مشاري مسكها مع ذراعها بقوه وهو يقول :~ عبالج نسيت اللي ساويتيه فيني .؟؟ لا ياحلوه انا لا يمكن انسى ابدا ... والأيام راح تثبت لج (ثم غمز لها بستخفاف ) (نارا لفت عنه بدون اهتمام وهي تقول له بصوت عالي وملقيته ظهرها رايحه :~ أعلى مابخيلك الركبه ... """""""""""""""""""""" $$ الأحداث قد لا أستطيع ان افصلها لكم تفصيلا بكل مايحويه $$ ولكن سوف نبتدأ بيوم الأحد أول ايام الاسبوع الجديد ..$$ ((تولين فتحت عيونها بصعوبه وهي تطالع حواليها بالغرفه ... -ؤفففففففففـ ياربيييييـــــــــــــــــــــه مليت مليـــــــــــــــــــــت من الجامعه ... يعني ضروري الداوم ... (دخلت الخدامه وهي تقول :~ ماما تهت في قول تئالي فطور ... -طيب انقلعي وسكري الباب ... -بس ..... -(قاطعتها من طرف خشمها :~ ياليييل خلااااااص قلت لج برآ .... ؤففـ ناقصه أنا خدامات على ذالصبح ... يالله ضفي ويهج ترى حدي موب رايقة لج ... (الخدامه تنرفزت من أسلوب تولين المعتاد.. رغم انو تولين من زمااان عن هالأسلوب بس لها اسبوع وهي صايره مثل كذا وأردى ... لما نزلت الخدامه قالت للأم :~ ماما تولين مافي قوم ... -آآه منها هالبنيه ماأدري شصاير لها ذالأيام ... لا يكون بعد ماتبي تداوم هالأسبوع زياده عن الأسبوع اللي طاف ..؟؟؟ (قامت أم تولين ورقت للغرفة تولين ... لما فتحت الباب لقت تولين متمدده وهي مغمضه عيونها بس مو نايمه .... سحبت المفرش وهي تقول :~ يالله قومي بلا دلع لج اسبوع ماداومتي بالجامعه ... -(تولين بملل :~ ماما بلييييييز اليوم كمان مابي الداوم ... خليني ع راحتي .. -لا مافيه اخليج على راحتج زياده عالأسبوع اللي طاف وأنا ماأشوف فيج شي يخليج تغيبين اسبوع كامل وتبين تغيبين بعد اليوم .. -ماما انا لو علي سحبت عالجامعه بكبرها ... (تذكرت موقفها مع طلال وخنقتها العبره وهي تكمل :~ ماما ان صج كارهه الجامعه وكل اللي فيها ... -(عقدت حواجبها ثم قالت :~ تولين فيج شي ..؟؟؟ -(لفت عنها تولين ونزلت دمعه وهي تقول :~ لا مافي شي ... بليز ماما خليني ع راحتي اليوم مابي أداوم ... (سكتت أم تولين وهي تطالع بنتها باستغراب وحيره ... مياهون عليها تشوف دلوعتها وبنتها الوحيده وأغلى انسانه على قلبها بهالحاله ضايق صدرها بدون ماتقول لها شي .. وتولين اللي معروف انها متخبي أي شي عن أمها ابدا لو مهما كان ... بالنسبه للبعض هم مثل الصاحبات ... $$ ولكـــــــن على مايبـــــــــــدو بأن بطلتنــــــا أصبح لديها أمور مالا يستطيع قلبها المتألم بالافصاح عن ذلك مهما كان الوضع && ((وقفت امها وطلعت .... تولين ضغطت بيدها على المخده ودموعها بدت تنزل شوي شوي وهي متألمه من كلام طلال اللي ماقدرت تنساه ابدا ...)) ((نروح للفيصــــــــــــل... وهو في المحطه كان يشتغل بسرعه في تصليح سياره ... -(واحد سوري ناداه من اللي يشتغلون مثله بالمحطه :~ فيصــــــــل ... تعآ شوف هاي السياره أنا بدي روح دئيئه ... (تنهد فيصل طفشان وهو تعبان من صباح الله في الدوام وهو ناوي يسحب على الجامعه ومستقبله .... بس مافكر انه اذا سوآ كذا راح يقعد على هالمهنه اللي ماتوكل عيش ... بس من الأمور اللي حصلت بالآونه الأخيره .. فيصل وصلت معه وماعاد يقدر يتحمل الأوضاع أكثر من كذا ... فيصل لما راح للسياره نزل منها شخص ... طاحت عينه على تركي ... نزل راسه بسرعه مايبي تركي يشوفه لأنه أكيد ماراح يتركه بحاله وبيفضحه عند كل خلق الله بالجامعه ... لف بيروح بس صاحبه وقف قدامه وهو يقول :~ على وين شوف السياره وراك .. (فيصل توهق بس ماعاد بيده أي شي .. لف على تركي واستجمع ثقته بنفسه .. تركي التفت عليه بيقول شنو مشكلة السياره بس انصدم أكثر لما شاف فيصل .. واقف وهو لابس هاللبس الميكانيكي .. للحظات ابتسم بسخريه على شكل فيصل المبهذل ... فيصل حس بقهر شوي بس حاول يتجاهل الوضع وهو يقول :~ شنو مشكلة السياره .؟؟ -(وهو يطالعه من فوق لتحت :~ ولله ولايق عليك هاللبس ... هذا هو مستواك .. -(تنهد بطفش وهو يقول :~ ماودك تخلص وتقول شنو المشكله بسرعه ..؟؟؟ -(تركي تقدم للفيصل :~ تدري انه الصباح أحلى صباح بالنسبه لي وآنا اشوفك جذي .. -(فيصل لف عنه وهو يحاول يخلي نفسه بارد وماأهتم رغم انه مقهور جوات قلبه .. لما راح .... تركي بسرعه قال للواحد من اللي يشتغلون :~ الحين هالولد اللي مشغلينه عندكم ياخذ راتبه ..!! -أي أكيد ... -عيل ليش ينافخ على الزباين ولا يبي يشتغل أي شي .. محطه فاشله اللي مشغله واحد مثل هذا .... ((تركي ركب سيارته وراح .... ناصر نادى فيصل ... -(ناصر :~ الحين ممكن تقولي شنو مشكلتك مع الزبون اللي تو ؟؟؟ -(منو تقصد ..!! -اللي من تو راح بسببك وانت ماتبي تصلح له سيارته ... -هو اللي ماتحجى من البدايه ... يستخف دمه وأنا مليت ورحت ... -شلون يعني يستخف دمه ؟؟ -مافي شي ضروري اقوله لك بس انا موب غلطان واذا بتحاسبني عشان اللي راح تو قول لي من الحين عشان أختصر لك الحجي وأطلع ... -(سكت ناصر شوي ثم قال :~ طيب روح للشغلك ... (لما لف بيروح قال ناصر بسرعه :~ فيصل الا ماقلت لي ليش ماعاد تروح للجامعه ؟؟؟ -مافي سبب... -(ناصر حس ان فيصل يعاني من مشاكل عشان كذا قال :~ فيصل صدقني ترى مافي شي راح يعوضك عن مستقبلك بالدراسه ... انا من رايي تترك كل الأسباب مهما كانت وترد للجامعه قبل لا يطردونك بهالغياب اللي ماله داعي موليه ... تقدر تروح الحين أتوقع الحين دوامات الجامعه ... روح واذا انتهيت تعال ... انا مقدر ان عندك دراسه ... فيصل روح .. (فيصل متردد ... بس قال وأخيرا :~ انا مرتاح جذي ... (ثم طلع يكمل شغله ) | ||||||||||||||
| |
|
11-30-12, 08:50 PM
| #48 | ||||||||||||||
| ((بالجــــــــــــــــــــــــــــــــــامعه )) جوجو وهي تمشي رايحه لكافتريا ... قابلت بالصدفه الدكتور طلال ... كانو جمب بعض وهم بيشترون من الكافتريا ... جوجو أختبصت شوي من قرب طلال عندها ... طلال حاس بالشعور نفسه وهو مرتبك من قربها جمبه ووده يسألها ليش ماعاد تدخل المسن مثل قبل ... لفت جوجو بتروح بس بوكها طاح ... طلال دنق بياخذ البوك ويعطيها ... بس بنفس الوقت جوجو مدت يدها .. بالصدفه جت يدها على يده ... بسرعه سحبتها بتوتر ... طلال وقف ومد لها البوك وهو يقول بابتسامه :~ صباح الخير__^ -(بابتسامه متوتره :~ صباح النور ... -شحالج ..؟؟ -بـ ... بـــ .. بخير ... -(سكت شوي ثم قرر انه يسألها .... بس بالصدفه سعد دخل الكافتريا وهو يقول :~ جوجو ماقلتي لي تولين ليش ماعاد تد..... (قطع كلامه لما شاف طلال يطالع جوجو وماشال عينه عنها ... جوجو كانت منزله راسها مستحيه ... سعد حس بقهر في قلبه من هالمنظر اللي يشوفه قدامه ... تقدم لجوجو وهو يقول قاصد يقطع عليهم اللي كان بينهم :~ جوجو مارديتي علي ليش تولين غايبه لها اسبوع واليوم بعد ... -(رفعت راسها :~ مدري ماترد علي من اسبوع تقريبا ... (طلال توه يتذكر تولين انها غايبه كل ذيك المده ... بس برضو ماأهتم وهوباله مع اللي قدامه ... وبنفس الوقت متنرررفز حده من سعد ... (( التفتت جوجو عليه وهي تقول :~ يالله عن اذنك دكتور عندي محاظره الحين ... (( لما طلعت هي وسعد ... -سعد :~ الحين انتي تحبين الدكتور طلال صح ... (قالها من قهر وماقدر يكبت في نفسه أكثر من كذا .. جوجو لفت عليه مصدومه هذا وش دراه ..؟؟؟ بس سكتت وماردت .. -(سعد عاد وهو يحاول يكون عادي :~ انتي تحبينه واظح عليج ... -منو قال .. لا عادي هو ولد عمي وبس .. -(يبي يتأكد :~ صج ..؟؟؟ -أي صج .. ولو فيه شي كان صار شي من زمان وليه كل هالانتظار ... -(ابتسم براحه :~ ؤكي خلينا نروح المحاظره ابتدت ... لما دخلو المبنى أميره كانت جالسه ومدده رجولها تطالع اللي رايح واللي راد ... لما شافت راكان جاي من بعيد بيدخل المبنى .. أشرت له وهي تقول بصوت عالي وهي تحاول تنسى فيصل كليا بما انه يحب وتين ... -ركووووووووون .. (راكان عقد حواجبه مستغرب .. بس لما شافها أميره ابتسم علطول ... وقف عندها وهو يقول :~ طيب قولي صباح الخير .. -يعني تبيني اقول صباح الخير كذا وبعدين الكل بيرد علي صباح النور .. -هههـ طيب شمقعدج هني ..؟؟ -أبد بس أنطر محاظرتي بعد نص ساعه ... -(رفع حاجب بمزح :~ متأكده ... -شلون يعني ..؟؟ -لا ابد سلامتج __^ ... يالله انا رايح لمحاظرتي .. (لما لف بيروح صدم بليان ... تقابلت عيونهم مع بعض ... رآكان فتح عيونه بقوه .... من هذي بعد ...!!!! (ليان بسرعه نزلت راسها بخوف كالعاده من أي رجال ... لفت عنه وراحت وهو واقف مصدوم يحاول يستوعب .. أميره لما شافتها تحسبها تولين فقالت بصوت يسمعه راكان :~ ويييييييع هالبنت كريييييهه .. غريبه ماطولت لسانها عليك يوم صدمتو ببعض .. بالعاده ترى عليها لسان وقسم بالله طول شارع عام ... -(راكان ساكت بس يوم سمع كلمة شارع عمومي ضحك ثم التفت عليها وهو يقول :~ حلوه شارع ذي من وين يبتيها ..؟؟ -مدري اسمع بها من أخوي .. -ههههههـ بس تعالي انتي تعرفين اللي تو .. -أكيد اعرفها هذي أكثر وحده شايفه نفسها بالجامعه كلها .. خل عنك هالأشكال بس .. صح انها حلوه بس انصحك لا تحبها ترى بتكره روحك منها ... -طيب تعرفين اسمها .؟؟ -لا ولا ابس اعرف بعد من حلاة وجهها عشان أعرف شنو اسمها .. (راكان مو مقتنع انها تولين رغم ان اللي يشوفهم لا يمكن يفرق بينهم من بعد الحجاب .. بس راكان شك انها مو تولين وبنفس الوقت مو متأكد انها مو تولين .. يعني يمكن تكون تولين ... ((ليان وهي تمشي رايحه للمحاظره ... صقر كان واقف مع ربعه ... التفت على ليان ... يحب هدوئها وخجلها وهي دووم تنزل راسها ولا تطالع أي احد ... ابتسم وراح لها بسرعه وهو يقول بصوت واطي :~ صباح الخير ياأحلى بنت بهالدنيا .. (ليان انصدمت من جرأته .. هذا لا يكون صدق اننا الحين أزواج ..!!!! طنشته وكملت طريقها ... ((صقر كان واقف مقهووووووووور بس يحاول يضبط اعصابه ..) $$ حسنــــــــــــــــــا فلنذهـــب الى شخص قديـــــــــــم... وليـــــــــــس بشوارع دبي ولا حتى بالامارات ..$$ بالسعــــــــــــــــــــــــوديه ..... بندر جالس على مكتبه في الشركه ... دق جواله وهو كان مرررره منشغل بأوراق الشغل ... بسرعه رد بدون مايطالع الرقم ... سمع صوت وحده من الخدم وهي تقول بخوف :~ بابا بندر ... هازا بابا مهمد في تئبان واجد .. -شنــــــــــــــــــــــــــــو ... ابوي ...!!! شفيه ..؟؟ -انا مافي اعرف ايش في ..؟؟ (بسرعه سكر الخط وركض للسيارته برد للقصر يتطمن على ابوه اللي مايدري وش صاير .. لما وصل ... دخل بسرعه بالقصر وهو ينادي بصوت عالي :~ يوبـــــــــــه .. سيلآ وين بابا محمد ؟؟؟ -فوق جوآغرفه هوا .. (بسرعه وهو ينقز درجات الدرج وهو خايف على ابوه ... لما دخل بالغرفه مرتاع ... لقى ابوه منسدح على السرير بدون أي حركه ... بسرعه جلس عند سرير ابوه وهو يقول بخووف :~ يبه انت بخير يبه تسمعني يبــــــه .. (حط أذنه على صدر ابوه يحاول يسمع اذا فيه دقات أو لا .. بس الحمدالله سمع دقات القلب ... بسرعه دق على دكتور ... ((نــــــــــــــــرجع للدبــــــــــــي .. بالمستشفى ... الســــــــــــــــــــآعه 4 العصر ... أهل نارا محد جى ياخذها ... حاسه بقهر منهم بس ماتدري وش تسوي .. الحين المفروض تطلع من المستشفى بس محد مهتم من أهلها ومر ياخذها .. انتظرت ربع ساعه ودخل أحد بغرفتها ... لفت تطالع مين بس ارتبكت لما شافته ريان ... ريان ابتسم وهو يقول :~ يالله شرايج آنا اللي أرجعج للبيت ... -(هزت راسها بالنفي ..) -(قرب عندها ثم قال :~ يالله بلا دلع قومي وياي آنا ابي اوديج بما ان مافي حد للحين يى وخذج .. -أحم للـ .. لآ .. ماله داعي آنا بروح بنفسي بتاكسي ... -لا مستحيل آنا بوديج مستحيل اخليج تردين بتاكسي .. (سكتت ولا عارضت أكثر رغم انها من النوع اللي اذا قالت لا يعني لا بس هالمره مع ريان غير هي تكون ... وقفت ثم لحقته برآ .. لما طلعو ... نارا التفتت على جهة غرفة يزيد ثم وقفت وهي تفكر .. ريان التفت عليها مستغرب وش تطالع بذيك الجهه .. -نارا فيه شي ؟؟؟ -(التفتت عليه وهي ساكته وتطالعه ... شوي وهزت راسها بالنفي ثم كملت معاه الطريق ... لما ركبو السياره ... وهم بالطريق ساكتين ... مد يده ريان وفتح المسجل على هالشعر ... أنـــــــــــــــآ جيت أعشقكـ نبض ومشــــــــــاعر ... ماعشقكـ تمثـــــــــــــال .. أنا جيــــــــــت أزقنكـ وحيــــــــــآكـ وبقى فيكـ وابقـــآ لكـ ... أنا جيــــــــــت بضمى عاشق ... تعب يطرد ســـــــــــــــرآب اللآل ... أنـــــــــــــآ جيت أستفز رضــــــــآكـ من فرقــــــــــآكـ ... والجـــــآ لكـ ... أنا ماهنت بكـ عـــــــــــآقل ... أنا كنت أعشقكـ بخبــــــــــــآل ... أنــــــــــــآ ماكنت أعشقكـ حي ... أنا كنت أعشقكـ هالــــــــــــــكـ ... تخيــــــــــــــــــل من كثر ماخاف تلقى للزعـــــــــل مدخال .. أخاف أخطي على طيفكـ وأدوس برجلـــــــــي ظلالكـ ... نارا كانت ساكته وهي تسمع الأغنيه وتفكر بكلماتها ... لف ريان عليها يطالعها ... حست بنظراته بس مالتفتت عليه ... (ابتسم ريان ثم لف يطالع الطريق وهو يقول :~ نارا اللي كانت صغيره غير .. كانت بنت مرحه وبريئه وحلوه ... بس أنا الحين اشوف نارا وحده ثانيه موب نارا اللي اعرفها الضغيره ... لو أعرف شنو سبب تغير نارا الحين ..!!! ودي أسألها بس أخاف ماتجاوبني وتتضايق كعادتها وأنا ماودي اضايقها .. (نارا ساكته وهي تسمع كلامه وعارفه انه يلمح لها انها تجاوب على أسألته اللي غير مباشره لها ... -(ريان حس انها ماراح تتكلم :~ أحلى لحظات حياتي لما كنت وياج واحنا صغار ماكان بيننا أي مشاكل أو شي ثاني .. ولا حتى بيننا ............ آآ ... ولا كان بيننا شخص يتدخل بكل كبيره وصغيره .. -(التفتت عليه :~ من تقصد ...! -أقصد شخص وانتي عارفته عدل ... آآآآه بس لو هو موب موجود الحين بحياتنا كان قدرنا نعيش ببساطه وسعاده وبدون هم ... -(نارا سكتت وهي توها تتذكر يزيد ... بس بسرعه نست موضوع يزيد اللي مايعني لها شي وقالت :~ ريان بسألك سؤال ... -تفضلي ... -صحيح في بالي أسئله كثييييره ... بس راح أقول أهم سؤال عندي ... ليش لما كننا صغار فجأه أختفيت من حياتنا بالبنايه .. واذا سألنا عنك يقولون ماندري شصار عليه أو وين راح ... فجأه اختفيت وحتى بدون ماتودعني .. بدون ماتقول أي شي ... ليش ساويت جذي ..؟؟؟ -(ريان سكت وهو يسترجع ذكرياته القديمه ... ذكرياته المؤلمه وهي أسوأ ذكريات عنده .. بس أكيد ماراح يقدر يقولها السبب ... لأن السبب يتعلق بمرضه وبعدين راح نعرف السبب ... -(التفت عليها ثم قال :~ أنسي الماضي وماعليج الا من الحاظر ... (سكتو للحظات ونارا ماقتنعت بكلماته وهي مصره تعرف ليش ... ماحست الا بريان وهو يلف بقوه عند الرصيف .. لما وقفو وهي مرتاعه من حركته | ||||||||||||||
|
التعديل الأخير تم بواسطة E7şαs 3άsнεq ; 11-30-12 الساعة 08:54 PM |
